Jeremías 21:13 - Chuj San Sebastian Bible

¹³ Ex 'aj Jerusalén, caw chan̈ eyajb't 'a lum pan̈n 'a'lic, 'icha junc niwquil tenm 'a lum pan̈n 'a'lic cha. An Jehová in, an tzwala, 'ay yowl in c'ojl 'ayex. Ax tic, tzeyal 'ixtic: ¿Mach wal 'oj stac' ya'n owl quet'oc? ¿Mach wal 'oj stac' sq'uel 'a 'aj tzqui col qui b'a tic? xe chi.

Chuj San Mateo Bible

¹³ Ex aj Jerusalén, te chaan̈ eyajq'ue d'a yib'an̈ lum ac'lic, icha yajq'ue junoc nivan tenam d'a lum ac'lic chi'. Palta a in Jehová in svala' to aycot yoval in c'ol d'ayex. Tzeyal icha tic: ¿Mach ol yal yac'an oval qued'oc? ¿Mach ol yal sq'ueul b'aj sco col co b'a tic? xe chi.

Jeremías 21:13 ပူးပေါင်းရင်းမြစ်များ

Salmos 125:2

'Icha wal yajch oyn eb' lum witz 'a stz'ey Jerusalén, 'ixta wal yajch Jehová 'a stz'ey eb' schon̈ab', ticnec yet' 'a smasnil tiempo.

Ex 13:20

'Ix 'el paxt eb' israel 'a Sucot, 'ix jaw eb' 'a Etam axta x'ochx wan eb', 'a 'aj tz'el yich lum cusltac lu'um.

Ex 13:8

A 'a jun tiempoal cha, 'oj calc 'a eb' cunnal 'ixtic: A jun q'uin̈ tzqui nac cot tic, snanb'il cot tas 'ix yutj Jehová sch'oxn swach'c'ojlal 'ayon̈, yic on̈ yi'n 'elt 'a Egipto, 'oj qui chic 'a eb'.

Is 22:1

Yuj lum pan̈n 'aj tzch'oxx 'ilxoc jun tzo'n̈ tas 'a 'icha waychil, yuj cha, yalx can jun tzo'n̈ tic 'ixtic: Ex 'aj Jerusalén, ¿tas tzex 'i'ni, yuj cha, e masnil xoj tzex q'ue 'a yib'n̈ eyatut?

Jeremías 17:3

yet' 'a lum jolmctac witz 'ay 'a sti 'el chon̈ab'. Yuj wal maysch'olnilal tzlaj e b'o 'a jun tzo'n̈ lugar yic 'emmquilal 'ay 'a 'aj chan̈ yaj chan̈ 'a yol e nacion̈, yuj cha, ax wa'n 'elc'xoc 'at smasnil e ricoal, yet' jun tzo'n̈ tas molb'il eyu'uj.

Jeremías 21:5

An wal 'oj wac' owl eyet'oc, 'oj in c'anlb'oc wal wip, yet' yowl in c'ojl to 'ay xo smay yalxi.

Jeremías 49:16

Mun ax tzeyixtj 'el e b'a yuj e b'an̈quintaquil, toc 'ay mach tzxiw 'ayx 'icha cob' yaj e nani. A 'a yoltc sjatlil q'uen niwn tenm 'ay 'a jolmctac witz, ata tzex can cajan. An Jehová in, an tzwala, wach'xam ata tzex 'aj cajn 'a 'aj yel xo caw cha'an̈, 'icha 'aj tzb'o no salt'iw so', palta yowlal 'oj ex wic' 'emt ta'.

Jeremías 50:31

An Jehová in, tztac' wuj smasnil, an tzwal 'ixtic: Ex 'aj Babilonia, caw 'ajc'ojl wajch 'ayx ticnec, yujto caw b'an̈quintac tzeyutj e b'a. A ticnec, 'ix c'och sc'ul sjaw yailal 'a eyib'an̈.

Jeremías 51:25

An Jehová in, an tzwala: An tic, 'ajc'ojl wajch 'a Babilonia. A jun cha, lajn wal 'icha junc niwquil witz tzsatn 'el smasnil sat lum lum tic. A yet' in poder ax in ma'n 'ejm lan̈chjoc, sactzicnac 'oj 'atcn 'a sat pac'an. Yuj cha, a Babilonia cha, lajn 'oj 'ajcn 'icha junc witz tz'anac.

Jeremías 7:4

Man̈ eya'ch e nab'en 'a eb' 'a'm 'es, eb' tzaln 'ixtic: Cojc wal si'mb'il to may tas 'oj qui'ni, yujto a 'a tic 'ayc' yatut Jehová, atn wal yatut tic, xchi cob' eb'.

Lm 4:12

A eb' rey 'a yolyib'n̈q'uinl tic, yet' smasnil eb' 'anma cajn 'a junjn chon̈ab', a 'a snab'en eb' to may b'a'n̈ 'oj stac' yoch eb' 'ajc'ojl 'a yol chon̈b' Jerusalén.

Ez 13:8

Yuj cha, an Jehová Yajl in, an tzwal 'ixtc 'a eb': Yujto man̈ yelc tas tzeyala, cojn 'es tzeyac'a, yuj cha, tzin 'och 'ajc'ojlal 'ayex.

Ez 21:3

Al yab' eb' to an Jehová in, an tzwal 'ixtc 'a yib'n̈ eb': An tzwala, to tzin 'och 'ajc'ojlal 'ayex. 'Oj wic' q'uet wespada 'a yol yet'ul, ax in miln cham eb' 'anma wach' snab'en yet' eb' maysch'olnil sb'eyb'al. 'Oj 'el yich scham eb' 'anma 'a stojlal sur masnto 'oj c'och scham eb' 'a stojlal norte.

Ez 5:8

Yuj cha, an Jehová Yajl in, an tzwal 'ixtic: 'Oj woch 'ajc'ojlal 'ayex, q'ueln 'och jun tzo'n̈ xo nacion̈ 'ayex, ax wa'n 'och eyailal.

Miqueas 3:11

A eb' juez yaj 'a yol chon̈ab', man̈ wach'c tzyutj eb' sb'onyaj junc 'anma', tzchaj eb' q'uen c'ultac tumin. An̈jtona eb' tz'a'n 'och qui ti 'a Dios, yujn̈ej schan eb' tumin, yuj cha, tzcuywj eb'. 'Ixta pax eb' tzyalch sb'a schecb'oc Dios, yujn̈ej schan eb' tumin, yuj cha, tzyaln eb' tas tz'aj 'el'ch junc mach. Tzyaln pax eb' to 'aych Dios yet' eb', yuj cha, tzyaln eb' 'ixtic: A Jehová 'aych quet'ec, yuj cha, may yailal 'oj 'ec' 'a quib'n̈ec, xchi cob' eb'.

Nahúm 2:13

A Jehová tztac' yuj smasnil, a tzaln 'ixtic: 'Ayn 'och wal 'ajc'ojlal 'ayx ex 'aj Nínive. 'Oj wac' n̈usxoc jun tzo'n̈ e caruaje yic owal, ax wa'n can 'och tab'il. 'Oj in mil cham smasnil eb' e soldado, ax in satn can 'el smasnil tas 'elc'b'il cot eyu'uj. Man̈x 'a 'aj ow 'oj yutc paxtinc sb'a eb' e checab', xchi Dios.