Jeremías 19:9 - Chuj San Sebastian Bible

⁹ 'Oj wac' e chi 'ejm eb' eyunnal yet' eb' eyisil, ax wa'n e chi 'ejm e b'a junjn ex yuj wejel, yic 'oj 'och oyn eb' 'ajc'ojl 'a spatquil e chon̈ab', xchi Dios, xa chi 'a eb'.

Chuj San Mateo Bible

⁹ Ol vac' e chilajb'at eyuninal yed' eyisil yuj vejel, ol vac'an e chilajb'at e b'a, ayic ol oymaj eb' ajc'ol d'a spatic e chon̈ab', xchi Jehová, xa chi d'a eb'.

Jeremías 19:9 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 25:3

A yic sb'aln̈il xo c'u yic schan̈l 'uj yoch jun ab'il cha, caw 'ix jaw wejl 'a jun chon̈b' cha, may jac tas wach' sc'uxn eb' 'anma'.

Is 9:20

Teb'il xoj 'oj 'ilchjoc jac tas tzc'ux eb'. 'Ay eb' 'oj 'ilchjoc jac tas yu'uj, palta 'oj laj sto'lac 'ec' eb' 'a 'a. 'Oj sc'uxn̈j eb', palta ma'oj 'ec' swejl eb' yuj jac cha. 'Oj laj schi 'ejm eb' yunnal yuj wejel.

Jeremías 13:14

'Oj in mac' poj eb' 'icha tzyutj sma'n poj sb'a jun tzo'n̈ yet'l yal uva 'a yic 'ay junc mach tztenn 'och sb'a 'a 'a. Eb' mamb'il yet' eb' 'unnab'il, lajn xoj 'oj wutc eb'. An Jehová in, an tzwala, to a wal yic 'oj in satnc 'el eb', caw man̈x 'oj 'o'ch in c'ojl 'a eb', man̈x 'oj in cus yuj eb', xchi Dios, xa chi, xchi 'ayin.

Jeremías 38:9

—Mamin rey, caw wal tu tas 'ix sb'o jun tzo'n̈ winc tic 'a win Jeremías schecb' Dios. 'Ix yac' 'ejm ewin 'a yojl jun xab'. Ata 'oj cham yuj wejel, yic man̈x 'a tas tzc'uxx 'a yol chon̈b' tic, xchi winac.

Lm 2:20

Mamin Jehová, na wal si'mb'il, ¿tom 'ayx mach 'ixtc tzotj 'icha wal tzon̈ otj tic on̈? ¿Tom wal smoj schin eb' nunb'il eb' yune tzat chuwi? ¿Tom smoj pax to tzmilx eb' ya'mal 'och qui ti 'ayach, yet' eb' a checb' 'a yol a cajnub'?

Lm 4:10

Yuj cha, a eb' 'ix 'ix caw wach' xon cob' snab'en, tzlaj stz'an̈ eb' schi yune yuj jun yailal 'ix jaw 'a yib'n̈ eb' wit chon̈ab'.

Ez 5:10

Yujto 'ay eb' mamb'il 'oj schi yunnal 'a e cal, 'ay pax eb' 'unnab'il 'oj schi smam. Yuj cha, ax wa'n 'och wal yailal 'a e cal, ax eb' ma'oj chamoc, 'oj sactzic eb' in pechn can 'at 'a scal jun tzo'n̈ xo nacion̈.

Lv 26:29

At wal yuj jun tzo'n̈ chi b'i'an, ax e chin 'ejm eb' eyunnal mto eyisil.