Jeremías 18:15 - Chuj San Sebastian Bible

¹⁵ Palta an tic, in 'atcn satc'ojlal yuj eb' in chon̈b' tic, ax 'a jun tzo'n̈ comn dios, ata tzyac' tz'a eb' incienso. 'Icha to 'ix sat eb' 'a jun b'e to 'ayc' xon 'a yic pecti', ax 'a jun tzo'n̈ c'ultac b'e tz'at eb'.

Chuj San Mateo Bible

¹⁵ Palta a ex in chon̈ab' ex tic, man̈ junn̈ejoc b'aj ayexcani, cotac scal tze q'uexan e pensar. Tzin eyactancani, axo d'a tas man̈ diosoc tze n̈us incienso. Ex satb'at d'a jun b'e aytaxon d'a peca'. Axo d'a b'e yic chucal b'aj tzex b'ati.

Jeremías 18:15 ပူးပေါင်းရင်းမြစ်များ

Nehemías 9:17

Ma'ix yal sc'ojl eb' yab'ni, man̈xtoc 'ix sna cot eb' jun tzo'n̈ tas to satjub'tac xa b'o yuj swach'loc eb'. A yic eb' to pit 'ix yutj sb'a eb', 'ix ya'n 'och eb' jun syajlil yuj man̈ nab'enal, yic tz'ijx pax meltzjoc eb' jun 'ejm xo yuj 'a Egipto, yic tz'ochx eb' mosoal ta yalni. Palta ach xo tic ach qui Diosal on̈, caw 'ay a niwnc'ojlal, wach' a nab'en, tz'o'ch a c'ojol, teb'il tzcot owal, caw niwquil a chamc'ojlal, yuj wal cha, ma'ix actjcan eb'.

Is 3:12

A eb' quelmtac winac a eb' tz'ixtn eb' wit chon̈ab', ax eb' 'ix 'ix, a eb' 'ix tzyac' yajlil 'a yib'n̈ eb'. Ex wit chon̈ab', a eb' tzex jucb'tzani, a eb' tzex 'ixtn paxti', tzex yij 'at eb' 'a b'eyb'al man̈ tojloc.

Is 41:29

May xon junc eb' 'ay yel'ch jab'oc, toc 'ay tas tztac' sb'on eb', yuj cha, nab'an̈ej 'ay jun tzo'n̈ yechl cha, xchi Dios.

Is 57:14

'Oj 'ab'xoc yaln Dios 'ixtic: B'oc junc b'e, caw pan̈n tzeyutej, 'ijec 'el tas 'ay 'ejm 'a yol b'e cha, sec wach' 'oj 'ec' eb' in chon̈b' tic, xchi.

Is 62:10

Ex 'aj Jerusalén, 'eln̈ect 'a sti spuertail e chon̈ab', tze b'on sb'e eb' eyit chon̈b' 'aj 'oj jawc paxi. Caw wach' tzeyutj eya'n pan̈nb'oc lum ch'olctac. Tze si'n 'el eb' q'uen q'uen 'a yol b'e cha, caw mesmni tzeyutej. Tzlajw cha, tzeya'n q'ue e bandera yil jun tzo'n̈ xo nacion̈.

Is 65:7

'Oj stuplajwc eb' smul cha, yet' pax smul smam yichm eb'. Caw wal tenmtac eb', 'ix laj sn̈usn eb' incienso 'a lum jolmctac witz. 'Oj in b'eyc'ojloc eb' b'ab'el, ax wa'n spac yic junjn eb'.

Is 9:16

A eb' yajl yaj 'a scal eb' 'anma tic, caw 'a'm 'es eb', ax eb' 'anma tzcob' jucb'tzax yuj eb', ton̈j tzsatc' eb'.

Jeremías 1:16

Atn wal jun yailal tic 'oj wa'ch 'a yib'n̈ eb' 'anma 'ix 'och smul 'ayin, yujto in yactj can eb', ax 'a jun tzo'n̈ comn dios 'ix yac' eb' 'emmquilal. Xya'n pax tz'a eb' incienso 'a 'a, palta mun a eb' xb'on jun tzo'n̈ chi yet' sc'ab'.

Jeremías 10:15

A jun tzo'n̈ cha, may jac yopiso, smoj wal ton̈j tzb'uchx eb'. A yic 'oj jawc yailal 'a yib'n̈ eb' yuj Jehová, 'oj satl eb'.

Jeremías 11:12

'Ixta to b'i'an, a eb' et chon̈b' 'aj Judá, yet' eb' cajn 'a Jerusalén, 'oj 'at eb' sc'an cob' scolwal sdiosal, atn jun tzo'n̈ 'aj tzyac' tz'a eb' incienso, palta ma'oj stac' scolx 'el eb' yuj jun tzo'n̈ chi 'a scal syailal 'oj jawc cha.

Jeremías 11:13

A wal eb' 'aj Judá cha, caw niwn sdiosal eb'. Lajn wal sb'isl 'icha sb'isl jun tzo'n̈ schon̈b' eb'. An̈jtona pax eb' 'aj Jerusalén, caw niwn jun tzo'n̈ yet'l xajmb'al eb' sb'o cha'an̈, 'icha xo sb'isl scayeal yol chon̈ab', 'ixta x'aj sb'isl 'aj tzyac' tz'a eb' incienso 'a Baal, atn jun comn dios yajb'entac.

Jeremías 11:17

An Jehová in, tztac' wuj smasnil, an in pitzjnac chon̈b' Israel, yet' chon̈b' Judá. Palta tox 'ix wala to 'oj jawc yailal 'a yib'n̈ eb', yuj jun tzo'n̈ maysch'olnil tzb'o eb'. 'Ix stzuntzj cot eb' wowal, yujto xyac' eb' tz'a incienso 'a Baal, xchi Dios.

Jeremías 13:25

Atn wal chi 'aych xon 'a eyib'n̈ ex 'aj Israel, a chi smoj wa'n 'ayex. Yujto in 'atcn satc'ojlal eyu'uj, ax jun tzo'n̈ yechl to may jac yel'chi, axn̈ej eb' xeya'ch yipc e c'ojol.

Jeremías 16:19

Xwaln 'ixtc 'a Dios: Mamin Jehová, caw ach 'aych 'och wipoc, in tan̈mal 'aji. Ach tzin a colo, yic 'ayn 'och 'a in yailal. 'Oj jawc jun tzo'n̈ nacion̈ cajn 'a 'aj tzlajw c'och sti lum lum tic, ax wul yaln eb' 'aych 'ixtic: Cojn jun tzo'n̈ comn dios may jac yopiso, may jac tztac' yu'uj, a chi schajnac eb' qui mam quichm smacloc.

Jeremías 17:13

Mamin Jehová, ach 'aych 'och yipc qui c'ojl an̈ israel on̈ tic on̈. Smasnil eb' tzach 'actn cani, 'oj q'uixwc can 'el eb'. Smasnil eb' 'oj yi'l sb'a 'a a tz'ey, 'oj satcn 'el eb', 'icha tz'aj sat junc b'i tz'ib'b'il 'ejm 'a scal pococ. 'Oj satcn 'el eb', yujto tzach yactj can eb', ach tic, lajn ach wal 'icha junc spac'b'a'.

Jeremías 18:14

¿Tom 'ay 'aj ton̈j tzsat chan̈ q'uen sacb'acm 'a sat q'uen niwc q'uen 'ay 'a lum Líbano? ¿Tom tztac' stup chan̈ a a caw sic tzcot 'a lum jolmctac witz?

Jeremías 19:5

An̈jtona', xe b'on pax jun tzo'n̈ yet'l xajmb'al 'a 'aj tzeyac' tz'a eb' eyunnal xajmb'al-l 'a comn dios Baal, tze b'on wal tas to man̈oc in 'ix wac' e b'o', may xon pax tas tz'ec' 'a in nab'en to 'ixta tzeyutj e b'a.

Jeremías 2:13

Ax in chon̈b' ex tic, x'och chamacn̈ e mul. An tic, lajn in 'icha a a tzpaq'ui, palta in eyactj cani. Mun xoj xe b'o e diosal. A jun e diosal cha, lajn 'icha junc c'ob'a oln yich, matz can a 'a yojol, xchi Dios.

Jeremías 2:19

An Jehová in, tztac' wuj smasnil, an tzwala: Mun wal a e mul 'oj 'a'nc jawc yailal 'a eyib'an̈. Mun wal a e tenmtaquil, a 'oj 'a'nc 'och 'a eyib'an̈. Nachj cab' 'el eyu'uj, chajtlto caw wal man̈ wach'oc, yujto in eyactj can an Jehová e Diosal in tic. Tzwa'ch yailal 'a eyib'an̈, yujto may wel'ch xon jac 'a e sat.

Jeremías 2:32

¿Tom tzsat sc'ojl eb' 'ix cob'stac ya'n 'och ston̈, mto spichul yic tz'och eb' 'ix 'a nupnel? Ax xo wal ax in chon̈b' ex tic, pectix in 'atcn satc'ojlal eyu'uj.

Jeremías 3:21

Tz'ab'x jun tzo'n̈ 'aw tz'och 'a lum tzalctac to caw cusltac, a eb' israel tz'el yaw yoq'ui, tzc'ann eb' colwal. 'Ix 'elcn eb' 'a jun b'e yic tojlal. 'Ix sat sc'ojl eb' 'ayn an Jehová sDiosal in eb' tic.

Jeremías 44:25

A Jehová tztac' yuj smasnil, qui Diosalec an̈ israel on̈c tic, a tzaln 'ixtic: Ax tic yet' eb' 'ix eyistzil, xeyac' e ti 'a 'ix syajlil satcha'an̈, yic tzeya'n tz'a incienso yet' yal uva ofrendail 'a 'ix, atn tas wan eyiclni e b'on ticnec. Wach' toni, yicljec e b'on jun 'aj xeyac' e ti cha, xchi.

Jeremías 51:18

A jun tzo'n̈ cha, caw may jac yopiso. Smoj wal ton̈j tzb'uchx eb'. A wal yic 'oj jawc jun c'ual, 'oj satl Jehová jun tzo'n̈ cha.

Jeremías 6:16

'Ix yal Jehová 'a eb' schon̈b' 'ixtic: 'Ochn̈ec wan lin̈n 'a 'aj tzchaj sb'a jun tzo'n̈ b'e, tze maclni eyila'. Tze c'anb'n 'ec' jun tzo'n̈ 'ichm b'e yet' 'ajtil 'ay b'e wach'. A 'a yol jun b'e caw wach' cha, ata tzex 'ati, sec wach' 'oj eyilji, xin chi. Palta 'ix eyaln 'ixtic: Ma'ay, matz qui nib'j tzo'n̈ 'at ta 'on̈, xe chi.

Jeremías 7:9

Tzex 'elc'wi, tzex milw cham 'anma', tze b'on 'ajmulal, tzeya'n cob' e ti 'a tas man̈ yeloc, tzeya'n tz'a incienso 'a jun comn dios tzcuch Baal, tzeya'n 'emmquilal 'a jun tzo'n̈ xo comn dios to may 'aj 'ix colwj 'ayex.

Ez 21:15

'Oj xiw smasnil 'anma yuj chaml 'oj 'och cha, 'etzn xo 'och jun espada chi 'a stitc chon̈ab', 'oj xib'tc sb'a 'anma yuj q'ue'en. A jun espada cha, atn q'uen jay yaj ye, q'uen tzictzni yel sc'aq'uil, lista xo yaj smilwji.

Ez 36:15

An Jehová in, an tzwala, to man̈x b'a'n̈ 'oj eyab' sb'uchwj jun tzo'n̈ nacion̈ chi 'a lum e lum cha, man̈x 'a 'anma 'oj cham yuj lu'um, xchi Dios.

Os 11:2

Palta a yic xwawtn cot cha, yel xo wal najt xyij 'el sb'a 'a in tzey. A eb' in chon̈b' tic, 'ix laj yac' eb' xajmb'al 'a jun tzo'n̈ dios Baal. 'Ix laj sn̈usn eb' incienso 'a yojltac jun tzo'n̈ yechel.

Os 2:13

An Jehová in, an tzwala: To 'oj wa'ch yailal 'a yib'an̈, yujto niwn tiempo sb'achch incienso 'a yojltac jun tzo'n̈ yechl comn dios Baal. Xlaj sb'onc sb'a 'icha tzyac' junc 'ix tzya'ch syumchiquin, ston̈, tz'och tza'n yuj eb' winc nib'b'il yu'uj, tzya'n sat sc'ojl 'a yichmil, 'ixta in yutj chon̈b' Israel.

Os 2:6

Yuj cha, an xo 'oj in mac yol sb'e yet' te q'ui'ix, 'oj woych col-l 'a spatquil, man̈x 'oj 'ilchjoc sb'e 'aj 'oj 'atoc.

Malaquías 2:8

Ax xo ax ya'malx 'och sti eb' 'anma tic 'ayin, caw wal xeyij 'el e b'a 'a tas wach'. Yuj wal cuynb'il tzeyac' cuyxoc, yuj cha, til xo wal eb' xtelw 'ejm eyu'uj. An tzwala, to caw xeyixtj 'el in trato wa'jnac can yet' eb' e mam eyicham.

Mt 15:6

Ax xo tic tzeyala, toto 'ay mach tzaln 'ixta', man̈x yowlalc tzcolwj 'a smam snun. 'Ixta tzeyutj eyixtn 'el schecnb'il Dios, yujto an̈j jun tzo'n̈ sley e mam eyichm tze b'eylb'ej.

Ro 14:21

Yuj cha, toto 'ay eb' tzsomchj 'el snab'en, yujto tzqui chic chib'ej, mto yuj tzcu'jec yal uva jawnc sti', mto yuj junc xo tas tzlaj qui b'o'ec, yel xo wach' tzcactjec can qui b'on jun tzo'n̈ cha.

Dt 32:21

'Ix stzuntzj cot eb' wowl yuj jun tzo'n̈ sdiosal eb' to man̈ diosoc, 'ix ya'n eb' chichnc in c'ojol. Yuj jun tzo'n̈ comn dios to may jac yel'ch cha, yuj cha, 'oj wac' tz'a sc'ojl eb' yic 'oj yilnc eb' wa'n in wach'c'ojlal 'a yib'n̈ junc chon̈b' to man̈ chon̈b'oc yaln eb'. An̈jtona', 'oj in tzuntzc cot yowl eb' yic 'oj in ch'oxnc in wach'c'ojlal 'a yi'b'n̈ junc chon̈b' to mantzac nachj 'el yu'uj.