Jeremías 17:21 - Chuj San Sebastian Bible

²¹ A 'a yic sc'ul 'iljelal, man̈ e cuch eyicatz, caw man̈ eyic' 'oxt 'a spuertail Jerusalén tic, sec matz jaw yailal 'a eyib'n̈ yuj jun tzo'n̈ cha.

Chuj San Mateo Bible

²¹ Tzeyil val e b'a, man̈ e cuch eyicatz d'a sc'ual ic'oj ip, man̈ eyic'ochta d'a spuertail Jerusalén tic, yic max ja yaelal d'a eyib'an̈ yuuj.

Jeremías 17:21 ပူးပေါင်းရင်းမြစ်များ

Ex 20:8

Niwn cab' yel'ch sc'ul 'iljelal 'a e sat. A 'a jun c'u cha, ata smoj eyi'n chan̈ in b'i an Jehová in.

Pr 4:23

Tza ya'ilj a nab'en 'a yib'n̈ smasnil tas 'ay 'a yolyib'n̈q'uinl tic, yujto a 'a nab'en cha, a tzach 'i'n b'ey 'a swach'il mto 'a stu'al.

Is 56:2

Caw tzaljc'ojlal yic eb' tzyiclni jun tzo'n̈ checnb'il tic, tzb'eylb'an eb', tzyiclni pax eb' sc'ul 'iljelal, matz 'ec' eb' 'a yib'an̈, caw tzya'ilj sb'a eb', matz comn 'a'j 'at sb'a eb' 'a scal maysch'olnil, xchi Dios.

Is 58:13

An Jehová in an tzwala: Toto tzeyiclj sc'ul 'iljelal, man̈oc eyic tzlaj e b'o 'a jun c'u to wic yaj cha. Wach' cab' tz'aj snachj 'el eyu'uj, to yic tzaljc'ojlal yaji, to wic yaj an Jehová in, 'ay cab' yel'ch jun c'u chi 'a e sat. Man̈ e say tas tze b'o 'a jun c'u cha, man̈ eyal comn paxti'.

Mr 4:24

Xyaln pax 'ixtc 'a 'eb': Caw tzeya'ch e chicn 'a tas tzeyab'i, yujto 'icha tzeyutj eya'n 'och e chiquin, 'ixta 'oj yutc Dios ya'n nachjc 'el eyu'uj. 'Oj swach' 'a'c nachjc 'el nan̈locx eyu'uj.

Lc 8:18

Yuj cha, caw tzeya'ch e chicn 'a tas tzwala. Yujto a eb' tznib'j tznachj 'el yu'uj, 'oj wach' 'ajxoc nachjc 'el yuj eb'. Ax eb' matz nib'j tznachj 'el jun tzo'n̈ tic yu'uj, a jab' tas 'ijn tznachj 'el yuj eb', 'oj wach' 'ijxoc 'ec' 'a eb', xchi Jesús.

A Tas Sc'ulejnac Eb' Schecab' Jesús Hechos 20:28

Yuj cha, caw tzeyac' cuenta e b'a. Tzeya'n pax cuenta eb' creyente smasnil, yujto 'ac'b'il eyopiso yuj Yespíritu Dios eyiln eb' yiglesia Cajlil, atn eb' manb'ilx yico'oc yuj schiq'uil yic scham cujec.

Dt 11:16

Palta tzeyil wal e b'a, man̈ e cha 'ixtxoc paxti e b'a. Man̈ eyactc can Jehová. Toto a 'a jun tzo'n̈ comn dios 'aj tzex 'och tzac'an, tzeya'n 'ejm e b'a 'a eb',

Dt 4:15

A yic xpaxtin 'elt Jehová 'a scal c'ac' 'a 'ayn̈ec 'a lum witz Sinaí, a 'a jun c'u cha, ma'ix eyila.

Dt 4:23

Tzeyil wal e b'a, man̈ eyac' sat e c'ojl 'a strato Jehová qui Diosalec b'ob'il yuj quet'ec. Man̈ e comn b'oc yechl tzann̈j tas tzalx 'och diosal, yujto 'ay yowlal yuj Jehová.

Dt 4:9

Yuj cha, caw wal tzeyil e b'a, man̈ eyac' sat e c'ojl 'a tas xeyil tic. Man̈ eyi'l e nab'en 'a jun tzo'n̈ ley tic, ya' sb'a pitznex. A eyico', to tzeyalcn yab' eb' eyunnal yet' eb' eyiechiquin.

Josué 23:11

Caw tze tan̈wj e b'a, tze chamc'ojlan Jehová qui Diosalec.