Jeremías 17:16 - Chuj San Sebastian Bible

¹⁶ May 'aj in tew 'ayach yic tzin c'ann cot junc tas tzlajw 'el eb' 'anma yu'uj. An tic matz in nib'j tzjaw yailal 'a yib'n̈ eb'. Ach tic ojtac tas xin c'an 'ayach, yujto a wal 'a ojltac in paxtini.

Chuj San Mateo Bible

¹⁶ Mamin, malaj b'aj ix in tevi d'ayach yic tzin c'anancot junoc tas tz'ic'an satel eb' anima. Max in nib'ej pax sjavi junoc yaelal d'a yib'an̈ eb'. A ach tic ojtac tas ix in c'ana', yujto d'a ichan̈ ix vala'.

Jeremías 17:16 ပူးပေါင်းရင်းမြစ်များ

Jeremías 12:3

Palta ach xo tic Mamin Jehová, caw wal ojquin. Ojtac tas yaj in nab'en 'ayach. 'Ij 'at jun tzo'n̈ 'anma cha, 'icha tz'aj yijx 'at no calnelu 'aj tzmilx chamoc. Tza pojcn 'el eb', sec 'oj cham eb' yic 'oj jawc jun c'u yic 'oj milxoc cham eb' 'anma'.

Jeremías 13:17

Toto ax tic matz e chaj eyab' tas tzwala, 'oj woc' eyuj 'a c'ultaquil, yujto tzeyij chan̈ e b'a. Caw 'oj 'eltoc yal in sat eyu'uj, yujto 'oj eyijx 'at 'icha presoal, xin chi 'a eb'.

Jeremías 15:15

Xwaln 'ixtc 'a Dios: Mamin Jehová, ach tic ojc smasnil, nan coti, cotan̈, colwjan̈ wet'oc, pactzej 'a eb' 'ajc'ojl yajch 'ayin. Man̈ niwnoc cab' tzotj a c'ojl 'a eb', yic an xo tzin ac' milxoc chamoc. 'Iltnab'an, o'oj tzin b'uchx yuj eb'.

Jeremías 18:20

¿Tom a yet' maysch'olnil tzpactzax wach'c'ojlal? A eb' cha, tox 'ix sna eb' tas 'oj yutc eb' in smiln chamoc. Na coti, chajtlto in 'och lin̈n 'a ojltac, yic in tew 'aych yuj eb', sec matz cot yowl a c'ojl 'a yib'n̈ eb'.

Jeremías 20:7

Mamin Jehová, caw ton̈j in 'a montej. 'Ix in yiclj tas 'ix ala. Yel xo wal caw 'ay ep, yuj cha, in 'ejm o'oj. Smasnil tiempo tzin tzetzxi, smasnil xoj 'anma tzin b'uchni.

Jeremías 20:9

Toto tzwala, man̈x 'oj in b'inoc sb'i Dios, man̈x 'oj wal-l spaxti pax jun 'ejmoc xo, toto xin chi, ax am tz'aji, 'icha xo c'ac' 'ixta tz'aj a paxti 'ayin. Caw tz'a in b'acl yuj tzwab'i. Tzin nib'j tzin 'och wan waln 'el a paxti cha, palta matz tac' wu'uj.

Jeremías 9:1

¡Comnoc wal lajn yol in sat tic yet' junc a spac'b'a tz'el yoctac, sec sc'ual, yac'wlil woc' yuj smasnil eb' wit chon̈b' xlaj chami!

Am 5:10

'Oltacx wal ax tic ex yajal, tzex chichn 'och 'a eb' tojl tzyutj sb'eyc'ojlwi. Caw tu tzeyutj e nab'en 'a eb' tzyac' testigoal sb'a 'a tas yel.

A Tas Sc'ulejnac Eb' Schecab' Jesús Hechos 20:20

Palta eyojtac, ma'in 'och wan waln smasnil jun tzo'n̈ cuynb'il caw wach' 'ayex, yuj yoch e te'nal. C'uxn xwal-l spaxti Dios 'ayx 'a sat eb' chon̈ab', yet' pax 'a yol eyatut.

A Tas Sc'ulejnac Eb' Schecab' Jesús Hechos 20:27

Yujto c'uxn xwalcn 'el jun tzo'n̈ cuynb'il yic Dios 'ayex. May junc xin c'ub'j 'el 'ayex.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

2 Co 2:17

An̈ tic on̈, man̈ yujoc ca'n ganar 'a spatc spaxti Dios, tz'ec' calnc 'el on̈, 'icha tzyutj sb'a nan̈l xo eb'. Tz'ec' cob' sb'al alnc 'el eb'. Palta an̈ xo tic on̈, caw yelc'ojlal tz'ec' cal-l on̈, yujto 'ac'b'il copiso yuj Dios on̈. Tz'ec' cal-l on̈, sec tzalj Dios quet' 'on̈, yujto schecb' on̈ Cristo on̈.

Santiago 1:19

Ex wu'tac, ex wanab', chamc'ojlb'ilx wu'uj. Eyojc xon jun tzo'n̈ tic tzwal tic. Yuj cha, caw lista tzeyutj e b'a eyab'xni. Man̈ comnoc tzeyal eyic muc'uc. An̈jtona', man̈ comnoc tzcot eyowal.

Santiago 3:1

Ex wu'tac, ex wanab', comnoc man̈ niwnoc ex tzeya'ch e b'a cuywjumal. Yujto eyojtac, an̈ cuywjum on̈c tic, yel xo wal niwn 'oj qui b'eyc'ojlaxc yuj Dios.