Jeremías 16:19 - Chuj San Sebastian Bible

¹⁹ Xwaln 'ixtc 'a Dios: Mamin Jehová, caw ach 'aych 'och wipoc, in tan̈mal 'aji. Ach tzin a colo, yic 'ayn 'och 'a in yailal. 'Oj jawc jun tzo'n̈ nacion̈ cajn 'a 'aj tzlajw c'och sti lum lum tic, ax wul yaln eb' 'aych 'ixtic: Cojn jun tzo'n̈ comn dios may jac yopiso, may jac tztac' yu'uj, a chi schajnac eb' qui mam quichm smacloc.

Chuj San Mateo Bible

¹⁹ Mamin Jehová, vilumal ach, in tan̈vumal aji. A ach val tzin a colo' ayic ay in och d'a syaelal. Ol cot juntzan̈ chon̈ab' b'aj slajvic'och lum luum tic, ol ul yalan eb' d'ayach: A eb' co mam quicham, an̈ej d'a juntzan̈ comon dios malaj vach' yochi, malaj yopisio, an̈ej ta' yac'naquem sb'a eb'.

Jeremías 16:19 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 20:23

Ax ewin syajlil eb' soldado 'aj Siria cha, xyaln ewin 'ixtic: —A jun tzo'n̈ sdiosal eb' israel cha, atn jun tzo'n̈ dios 'ay 'a eb' lum niwc witz, yuj cha, on̈ ya'nec ganar eb'. Palta q'uinloc ata tzca'c owl yet' eb' 'a lum pan̈n 'a'lic, 'oj quilec checl toto man̈oc on̈ec 'oj ca'c ganar eb'.

Salmos 18:3

Mamin Jehová, smoj ton wal yalx wach' paxti 'ayach. A yic tzin 'awj 'ayach, yajn̈ej tzin a coln 'el 'a yol sc'ab' eb' 'ajc'ojl yajch 'ayin.

Salmos 19:14

Mamin Jehová chab'il cab' in paxti', yet' in nab'en o'oj. In Colmal aji, o'oj colchjnacn xo ticnec.

Salmos 27:5

Yujto a yic 'oj jawc yailal 'a wib'an̈, a 'oj in c'ub'n 'el 'a yatut. 'Icha to 'oj in yac' q'ue 'a sjolm junc niwquil tenam, yic tzin colchji.

Salmos 46:1

A Dios a 'aych quen̈loquec, a pax 'aych quipquec, a tz'och pax quet'ec yic 'ay qui somc'ojlal.

Salmos 46:11

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.

Salmos 46:7

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.

Salmos 62:2

Cojn tztac' in scolni, a 'aych pax wen̈loc. Ma'oj wejm yuj eb' 'ajc'ojl cha, yujto a 'a tzin col in b'a.

Salmos 62:7

A 'a Dios tzcot in colnb'il, yuj cha 'ay wel'chi; a 'aych wen̈loc, ata tzin col in b'a.

Salmos 65:3

A wal qui maysch'olnilal on̈, a chi tzon̈ 'a'n telwc on̈, palta ach xo tzac' lajwc qui mul chi 'on̈.

Salmos 68:31

'Oj cot eb' 'aj Egipto wul yac' stojlb'al, ax eb' 'aj Etiopía caw 'oj smojq'ue eb' sc'ab' 'a 'aych ach qui Diosal on̈.

Salmos 86:9

Mamin, ach xa b'o smasnil eb' nacion̈, 'oj jawc eb' 'anma chi wul yac' 'ejm sb'a 'ayach, yic tzyi'n chan̈ eb' a b'i.

Pr 18:10

A 'a Jehová, ata tzcol sb'a eb' 'anma tojl snab'en, lajn yaj 'a eb' 'icha junc cuartel caw wach' yaji.

Is 25:4

Yujto cojn 'aych 'aj tztac' scoln sb'a eb' meb'a', colwjum aj 'a eb' 'ay scusc'ojlal yuj tas 'ay sc'a'l tz'och yu'uj. A eb' 'anma may sniwnc'ojlal, lajn eb' 'icha yaxn̈ab' 'aych yic'al, lajn pax eb' 'icha yowl sma'wj yoc c'u. Palta ach tzon̈ a col 'a eb' on̈.

Is 32:2

A junjn eb', 'icha to qui colnb'il yaj eb' 'a junc 'ic' caw ow, mto 'a niwc yaxn̈ab'. 'Icha sb'e a yaj eb' 'a lum tacn̈ lu'um, 'icha wal pax yen̈l junc niwquil q'uen 'a lum cusltac lu'um, 'ixta yaj eb'.

Is 44:10

A eb' tzb'on junc yechl comn dios 'a q'uen q'ue'en, nab'an̈ej tzyixtj sb'a eb' sb'oni.

Is 44:20

A jun tzo'n̈ 'anma 'ixta tzyutj sb'a cha, 'icha to a stan̈il c'ac' tzc'ux eb', juwnacx 'el snab'en eb', satnc eb'. A jun tzo'n̈ 'anma cha, ma'oj stac' scoln sb'a eb'. Matz nachj 'el yuj eb', toto a tas b'ob'il yuj eb' cha, may jac yel'chi.

Is 45:14

A Jehová a tzaln 'a eb' israel 'ixtic: A smasnil sricoal eb' 'aj Egipto yet' eb' 'aj Etiopía, eyic 'oj 'ajcni. A eb' 'anma 'a Sabá, caw niwc stel eb', palta 'oj ya'ch sb'a eb' 'a yol e c'ab', ax yochcn eb' e mosooc. Jalb'il eb' yet' q'uen cadena yic 'oj 'at eb' 'a e patic. 'Oj 'em cumn eb' 'a eyojltac, ax yaln eb' 'ayx 'ixtic: Wal yel 'ayc' Dios eyet' ax tic, may junc xo, cojxn jun Dios cha, 'oj xchic eb', xchi Dios.

Is 49:6

'Ix yaln 'ixtc 'ayin: In checb' ach, palta man̈ yujocn̈ej a tojlb'tzan pax eb' yin̈tl Jacob 'a 'icha xon yaji, yic tze'n pax meltzjoc jaywn̈ xo eb' cann̈cto can 'a Israel, palta yuj pax ach wa'n 'och sacq'uinlal 'a jun tzo'n̈ xo nacion̈, masnto 'a 'aj tzlajw c'och yolyib'n̈q'uinal, tze'n pax 'at colnb'il ta', xchi 'ayin, xchi jun schecb' Dios cha.

Is 62:2

'Oj yil smasnil nacion̈ jun e wach'l cha, 'oj yil smasnil eb' rey tas 'oj 'aj yijx chan̈ e b'i. Yujto a junx 'ac' b'i 'oj 'ajxoc 'och 'ayex. A Jehová, caw a 'oj 'a'nc jun b'i cha.

Jeremías 10:3

A sb'eyb'al jun tzo'n̈ nacion̈ cha, caw may jac yel'chi. A 'a calcte tz'at stzuc' cot eb' junc te yib' te', ax junc win josmte tzjosn yet' syamc'ab'.

Jeremías 10:5

A jun tzo'n̈ yechl cha, lajn eb' 'icha xib'tnub'al ch'ic 'a scal junc 'awb'en. Matz tac' spaxtini, yowlal to tzcuchx b'eyc'oc, yujto matz tac' sb'eyi. Man̈ ex xiw 'a jun tzo'n̈ cha, yujto matz tac' sb'on tas tu', matz tac' pax sb'on tas wach', xchi Dios.

Jeremías 12:16

Yujto a jun tzo'n̈ chon̈b' cha, a xcuyn eb' in chon̈ab' yic tzlocn eb' sb'i jun comn dios tzcuch Baal 'a junc tas tzyala. Ax ticnec, yet' 'a yojltac, 'oj stac' yaj cajn eb' 'a scal eb' in chon̈ab', toto caw yel 'oj syiclc eb' scuynb'il eb' in chon̈b' tic, ax slocn eb' in b'i 'a tas 'oj yala'.

Jeremías 14:8

Cojn ach tzach ca'ch yipc qui c'ojl on̈, cojn pax ach qui colmal aji yic 'ayn̈ 'och 'a qui yailal on̈. ¿Tas yuj 'icha xoj chuc chon̈b'al tzotj a b'a 'a yol qui chon̈b' tic on̈, 'icha xoj junc b'eymal 'anma to jun wal 'ac'wal tz'ec' wayoc? 'Ixta tzotj a b'a.

Jeremías 17:17

Man̈ in a'ch 'a xiwc'ojlal, yujto a 'aych tzin col in b'a yic 'ayn 'och 'a in yailal.

Jeremías 2:11

Tom 'ay junc nacion̈ tox 'ix 'actn can sdiosal, wach'xam a sdiosal cha, man̈ caw Diosoc. Ax xo ax in chon̈b' ex tic, in eyactj cani, ex 'och tza'n yuj jun tzo'n̈ comn dios, wach'xam to tzex b'inax cob' wu'uj.

Jeremías 2:8

A eb' ya'mal 'och e ti 'ayin, man̈x 'ic jaw eb' 'a wojltac. Ax eb' e cuywmal, man̈x 'ic in yojquej 'el eb'. A eb' yajl yaj 'a e chon̈ab', 'ix meltzj 'och eb' 'ajc'ojlal 'ayin, ax eb' in checb' cob'i', a 'a sb'i Baal, ata xpaxtin 'el eb'. 'Ix 'och tza'n eb' yuj jun tzo'n̈ comn dios to may jac yopiso, xchi Dios.

Jeremías 3:23

Wal yel, nab'an̈ej on̈ xit'c ca'ch sq'uin̈l jun tzo'n̈ comn dios 'a lum jolmctac witz. Palta cojn 'aych Jehová qui Diosal on̈, ata 'ay qui colnb'il on̈.

Jeremías 33:9

A Jerusalén tic, caw 'oj tzaljc in c'ojl yu'uj, 'oj wac' junc'ojlal 'a 'a. A wal yic 'oj yab'nc smasnil eb' nacion̈ yuj tas niwn yel'ch 'oj in b'o 'a 'a, caw 'oj yal eb' wach' paxti 'ayin, ax in sb'inan eb' si'mb'il. Palta caw 'oj satcn sc'ojl eb', 'oj 'ib'xoc eb' yuj xiwlal, yic 'oj yilnc eb', xchi Dios.

Jeremías 4:2

Toto caw yel tzin e b'inej an Jehová in tic, wal 'a stojlal yet' wal 'a swach'il. To 'ixta', 'oj scha smasnil nacion̈ in yaxilal, ax yi'n chan̈ pax eb' in b'i, xchi Dios.

Ez 11:16

Yuj cha, al 'a eb' 'ijxnac cot 'icha presoal cha to an tzwal 'ixtic: Wach'xam najt ex in pechcn 'at 'a jun tzo'n̈ nacion̈, sactzicnac ex 'ajcn 'a yolyib'n̈q'uinl tic wu'uj, palta an 'ayn ec' eyet' 'aj 'ayx ec' cha yic tzeyaln e b'a 'ayin.

Jl 3:16

'Icha wal sc'an̈ c'u, 'ixta wal 'oj 'ab'xoc in jaj an Jehová in 'a lum tzaln Sión 'a Jerusalén. Ax satcha'an̈ yet' lum lum tic, caw 'oj 'ib'xoc eb'. Palta an 'oj in colcn eb' in chon̈ab', atn eb' israel.

Am 2:4

A Jehová tzaln 'ixtic: A wal eb' aj Judá, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Spatquilj can 'el eb' in cuynb'il, ma'ix syiclj eb' in ley. A yic eb', to xyac' eb' 'emmquilal 'a jun tzo'n̈ comn dios, atn jun tzo'n̈ 'aj ya'jnac eb' smam yichm eb' 'emmquilal.

Nahúm 1:7

Caw wach' snab'en Jehová, colnb'il yaj 'a yic 'ay junc yailal. A eb' tzya'ch sc'ojl 'a 'a, caw tzcolx eb' yu'uj.

Habacuc 3:19

Mamin Jehová Wajlil, ach tzac' wip. Tzac' yip woc sec tztac' in b'ey 'icha no c'ultquil chej, tzin e'n q'ue 'a cha'an̈, 'a 'aj wach' in colchji. B'itnaxc cab' jun b'it tic yuj win tzjucb'tzan b'it, yet' jun tzo'n̈ yamc'ab ch'an̈ 'aych 'a 'a.

Zacarías 2:11

A yic 'oj jawc jun c'ul cha, til wal nacion̈ 'oj jawc 'a Jehová, ax yoch eb' schon̈b'oc, ax yaj cajn Dios 'a e cal b'i'an. 'Ixtnta 'oj 'aj snachj 'el eyu'uj, chajtlto a Jehová tztac' yuj smasnil, a in checn cot 'ayex.

Malaquías 1:11

An tzwala to niwn wel'ch 'a sat smasnil nacion̈ 'a yolyib'n̈q'uinal. A wal tas caw wach' a chi tzyac' tz'a eb' xajmb'alil, yet' ya'n eb' yofrendaoc 'ayin, yujto caw niwn wel'ch 'a sat eb'.

Ro 1:25

yujto ma'ix ya'ch eb' sc'ojl 'a spaxti Dios caw yel. Ax ticnec, ax 'a jun tzo'n̈ 'es 'aj tzlaj ya'ch eb' sc'ojol. Ax 'a jun tzo'n̈ tas b'ob'il yuj Dios, ata tzyal sb'a eb', ata tzlaj yac' 'ejm sb'a eb'. Ax 'a Dios, matz yal sb'a eb'. Palta smasnil tiempo, smoj tzcalc wach' paxti 'a 'a. 'Ixta cab' tz'aji.

A Sb'ab'el Carta San Pedro 1:18

A jun tzo'n̈ sb'eyb'al eb' qui mam quichmec, an̈j xqui b'eylb'ejc 'a yic yalan̈, palta nab'an̈ej cob' quixtjnaquec qui b'a. Ax ticnec, colchjnacn̈ec xo 'el 'a yol sc'ab' jun tzo'n̈ cha. Eyojc xo, to a qui colnb'ilec tic, ma'ix manx yet' jun tzo'n̈ tas ton̈j 'e'lb'a yeq'ui. A q'uen tumin, q'uen oro, yet' q'uen plata, may yopiso smann qui colnb'il tic.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.