Jeremías 15:1 - Chuj San Sebastian Bible

¹ 'Ix ta'w Jehová 'ayn 'ixtic: Man̈x 'oj 'o'ch in c'ojl 'a eb' in chon̈b' tic. Wach'xam caw a Moisés mto a Samuel tzjapx tewc 'a wojltac yuj eb' 'icha yutjnac eb' 'a yic pecti', man̈x 'oj in ta'w 'a eb'. Yuj cha, al 'a eb' chon̈b' cha, to tz'el eb' 'a wojltac, sayt cab' sb'a eb'.

Chuj San Mateo Bible

¹ Ix tac'vi Jehová d'ayin icha tic: Vach'chom a vin̈aj Moisés, ma vin̈aj Samuel tzul tevoc d'ayin yuj eb', man̈xo ol oc' in c'ol d'a in chon̈ab' tic. Al d'a eb' to tz'el eb' d'a vichan̈, sb'at eb'.

Jeremías 15:1 ပူးပေါင်းရင်းမြစ်များ

Gn 19:27

Ax 'a junx c'u yic sq'uin̈b'il to, 'ix 'at Abraham chi 'a 'aj xpaxtin yet' Jehová.

A Ch'an̈ Schab'il Libro Yic Yab'ixal Eb' Rey 17:20

Yuj cha, smasnil eb' yin̈tl Israel 'ix patquilx can 'el eb' yuj Jehová, 'ix 'och eb' 'a cusc'ojlal yu'uj, x'ajx 'och eb' 'a yol sc'ab' eb' chuc chon̈b'al yic tz'ixtx eb' yuj eb', masnto 'ix 'el eb' 'a yojltac.

Salmos 106:23

Xa nalb'ej a satn 'el eb' qui mam quichm on̈, palta ax Moisés win sic'b'il 'el o'oj, 'ix tew 'aych yuj eb'; yuj cha, 'ix 'ec' yowl a c'ojl 'a yib'n̈ eb', man̈x 'ic a satl eb'.

Salmos 99:6

A Moisés yet' Aarón 'aych eb' 'a scal eb' ya'mal 'och sti eb' 'anma 'a Dios. Ax Samuel 'ayc' 'a scal eb' xyal sb'a 'a Dios cha. A eb' tzyal sb'a 'a Jehová, tzta'w 'a eb', toto tzc'an eb' scolwal.

Pr 14:35

A eb' checb' caw 'ay snab'en, caw tzalj win rey yet' eb', ax eb' checb' to tz'i'n 'el sq'uixwel winac, caw tzcot yowl win 'a eb'.

Jeremías 10:18

Yujto tzyal Jehová 'ixtic: A 'a yic jun tiempoal tic, a wal ax cajn ex 'a jun nacion̈ tic, 'oj ex wac' sactzicoc, 'oj e 'at 'a najat. 'Oj wac' syam sb'a yailal 'a eyib'an̈, sec tzeyab' syal si'mb'il, xchi.

Jeremías 11:14

Yuj cha, ach Jeremías, man̈ ach leslwoc yuj jun chon̈b' tic, man̈ ach tewoc 'ayn yuj eb', yujto ma'oj in ta'wc 'ayach. Wach'xam 'oj sc'an eb' in colwal 'a scal syailal, wal yel, ma'oj in ta'w 'a eb', xchi.

Jeremías 14:11

'Ix yaln Jehová 'ayn 'ixtic: Man̈ ach tewoc 'ayn yuj swach'loc eb' 'anma 'a jun chon̈b' tic.

Jeremías 14:12

Wach'xam tz'och eb' 'a c'ajb'c'ojlal, palta ma'oj in ta'w 'a eb'. Wach'xam caw niwn xajmb'al tzyac' tz'a eb', wach'xam pax caw niwn sat 'awb'en tzyij cot eb' ofrendail 'ayin, palta ma'oj in tzalj yet' eb'. 'Oj wac' satl eb' yuj owal, yuj wejel, yuj yab'il, xchi 'ayin.

Jeremías 15:19

Yuj cha, 'ix ta'w Jehová 'ayn 'ixtic: Toto tzach meltzj pax 'ayin, 'oj ach in cha pax jun 'ejm xo, 'ixta to b'i'an, 'oj stac' in a'n servil. Toto tza tench wan a b'a aln jun tzon̈ comn paxti', toto cojxn tas caw niwn yel'ch tzala, to 'ixta', ach 'oj a paxtin 'el in jeloc. A eb' 'anma 'oj chanc 'ab'nc a paxtini, man̈oc ach 'oj a cha ab' spaxtin eb'.

Jeremías 16:13

Yuj wal cha, 'oj ex wi'l 'a sat jun lum tic, ax ex wa'n can 'at 'a junx nacion̈ to man̈ eyojcoc, man̈ yojcoc pax eb' e mam eyicham. A wal ta', sc'ual, yac'wlil 'oj eyac' servil jun tzo'n̈ comn dios, caw man̈x 'oj 'o'ch in c'ojl 'ayex, xchi Dios, xa chi 'a eb'.

Jeremías 16:5

'Ix yaln pax Jehová 'ayn 'ixtic: Man̈ ach 'och 'a yol junc n̈a 'a 'aj wan stan̈w 'ac'wl jun tzo'n̈oc 'anma yuj junc chamnc 'anma'. Man̈ ach 'oc'oc', man̈ a ch'oxl pax a cusc'ojlal yu'uj, yujto an Jehová in, an tzwala, to 'ix wij 'el in junc'ojlal yet' in chamc'ojlal 'a jun chon̈b' tic, man̈xtzac 'o'ch in c'ojl pax 'a 'a.

Jeremías 18:20

¿Tom a yet' maysch'olnil tzpactzax wach'c'ojlal? A eb' cha, tox 'ix sna eb' tas 'oj yutc eb' in smiln chamoc. Na coti, chajtlto in 'och lin̈n 'a ojltac, yic in tew 'aych yuj eb', sec matz cot yowl a c'ojl 'a yib'n̈ eb'.

Jeremías 22:28

Yuj cha, xin c'anb'n an Jeremías in tic 'ixtc yuj Jeconías: ¿Tom lajn xoj Jeconías tic 'icha junc lum jatl xalu, man̈x 'a jac yopiso, 'icha pax junc yamc'ab' to man̈x 'a mach tznib'ni? ¿Tas yuj tzjulx can 'at yet' eb' yunnal 'a junc lum lum to man̈ 'ojcab'ilc yuj eb'?

Jeremías 23:39

Yuj cha, 'oj wa'cn sat in c'ojl 'ayex, yet' 'a jun chon̈b' 'ix wac' 'ayex, yet' 'a eb' e mam eyicham. Caw najt 'aj 'oj 'at ex in julcn 'eli.

Jeremías 35:19

yuj cha, an Jehová in, tztac' wuj smasnil, sDiosal in Israel, an tzwala: May xon b'a'n̈ 'oj satl yin̈tl Jonadab yic tzin ya'n servil, xchi Dios, xin chi 'a eb'.

Jeremías 52:3

Caw tenmtac xyutj sb'a 'a win sreyl Babilonia. A eb' 'aj Judá yet' eb' 'aj Jerusalén caw 'ix stzuntzj cot eb' yowl Jehová, yuj cha, 'ix yi'n 'el eb' 'a yojltac. Yuj jun tzo'n̈ cha, tz'ec' jun tzo'n̈ niwc yailal tic 'a yib'n̈ eb'.

Jeremías 9:19

A 'a chon̈b' Sión, caw tz'ab'x yoch 'oc'l yuj cusc'ojlal, yal cab' eb' 'ixtic: Caw wal 'oltacn̈ec, tox on̈ lajwec 'eli, caw wal tzcab'c syal q'uixwc'ojlal. A ticnec yowlal 'oj cactquec can jun qui chon̈b'ec tic, yujto tox 'ix lajw slan̈chj 'ejm catutec, xchi cab' eb' tz'oc' cha, xchi Jehová.

Ez 14:14

Q'uinloc a 'a jun chon̈b' chi cajn Noé, Daniel, yet' Job, cojn am eb' 'oxwn̈ tic tzcolchj can 'eli, yujto tojl sb'eyb'al eb', palta may junc mach 'oj stac' scoln 'el eb'.

Ez 22:30

'Ix cob' in sayc' 'a scal eb', lemb'il 'ay junc mach tztew to 'ayn yuj jun chon̈b' cha, sec matz in satli, palta may junc x'ilchj wu'uj.

Os 9:15

'Ix yaln Jehová 'ixtic: A 'a lum Gilgal, ata x'el yich sb'on eb' maysch'olnilal, a pax ta x'el yich in chacn in b'a yet' eb'. Yuj stu b'eyb'al eb' cha, 'oj in pechl eb' 'a watut. Man̈x 'oj in chamc'ojloc eb', yujto a smasnil eb' 'aych yajlil 'a scal eb', yel xo wal tenmtac eb'.

Zacarías 3:3

Ax Josúe cha, caw wal lumtac spichl 'aych yu'uj, lin̈n 'och 'a yojltac yángel Jehová cha.

Dt 9:26

'Ix waln 'a 'ixtic: Mamin Jehová, man̈ a satl jun a chon̈b' tic, yujto ach xa col 'elt yet' a jelnal, yet' a poder xe'n 'elt 'a Egipto yic tz'och eco'oc.

A Ch'an̈ Carta D'a Eb' Hebreo 9:24

Yujto a Cristo, man̈ 'ochncoc 'a yojl jun scajnub' Dios b'ob'il yuj 'anma', yujto a jun cha, yechln̈ej jun caw yel scajnub' Dios. At 'a satcha'an̈, atta 'ochnac. Ax ticnec, 'ayc' 'a yojltac Dios, yic tzya'n 'och qui tic 'a 'a.

Jueces 5:9

A in pixan, caw 'ayc' yet' eb' syajlil chon̈ab', 'ayc' pax yet' eb' c'asn sc'ojl s'at 'a owal. ¡Tzwal wach' paxti 'aych Mamin Jehová!

A Ch'an̈ B'ab'el Libro Samuel 12:19

Yuj cha, xyaln smasnil eb' chon̈b' chi 'ixtic: —C'an 'a Jehová qui Diosalec cu'uj sec matz on̈ chamec, yujto caw 'ix niwtj qui mulec yic xqui c'annec jun qui reylec tic, xchi eb'.

A Ch'an̈ B'ab'el Libro Samuel 12:23

Colwj cab'n̈ej Jehová wet'oc sec tzin leslwin̈ej eyu'uj yic matz 'och in mul 'a 'a. 'Oj ex in cuy 'a tas yel yet' 'a tas tojol.

A Ch'an̈ B'ab'el Libro Samuel 7:9

Ax Samuel, yajn̈ej 'ix yi'n cot jun no nene calnelu tzat chuwi, 'ix ya'n tz'a no xajmb'al-l 'a Jehová. Syamn 'och sc'ann scolwal Jehová 'a yib'n̈ yet' eb' yit israelal cha, ax Jehová caw yajn̈ej xta'w 'a 'a.