Jeremías 14:20 - Chuj San Sebastian Bible

²⁰ Mamin Jehová, caw tzqui na cot qui maysch'olnilal on̈, yet' pax stenmtacl eb' qui mam quichm on̈. Caw x'och qui mul 'aych on̈.

Chuj San Mateo Bible

²⁰ Mamin Jehová, scojtaquejel co chucal yed' pax spitalil eb' co mam quicham. Ix och val co mul d'ayach.

Jeremías 14:20 ပူးပေါင်းရင်းမြစ်များ

A Ch'an̈ Schab'l Libro Samuel 12:13

Yuj cha, xyaln David 'ixtc 'a Natán: —Yel wal b'i'an, 'ix 'och in mul 'a Jehová, xchi. —A Jehová, 'ix 'a'n lajwoc a mul cha, ma'oj a cham yu'uj.

A Ch'an̈ Schab'l Libro Samuel 24:10

'Ix lajw cha 'ix snan sb'a David to 'ix 'och smul yi'n chan̈ sb'isl eb' chon̈ab, yuj cha, 'ix yaln 'a Jehová 'ixtic: —Mamin Jehová, tzin tew wal 'ayach, to tzac' niwnc'ojlal in mul an a checb' in tic; caw maysch'olnil xwutj in b'a, 'icha junc mach may xon jac snab'en, xchi.

Nehemías 9:2

Tzpojn 'el sb'a eb' israel chi 'a scal eb' chuc chon̈b'al. Xq'ue lin̈n eb' yaln smul yet' smul eb' smam yichm eb'.

Job 33:27

Ax yaln 'a sat eb' 'anma 'ixtic: 'Ix 'och in mul, 'ay tas man̈ tojloc xlaj in b'o', palta ma'ix ya'ch Dios in yailal 'icha wal smoj in chani;

Salmos 32:5

Mamin Jehová, 'ix wojquej 'eli to x'och in mul 'ayach. 'Ix yaln in c'ojl waln q'uet in mul cha, may tas xin c'ub'j can 'eli. Ach xo, 'ix ac' lajwc in mul chi 'a wib'an̈.

Jeremías 14:7

Mamin Jehová, wach'xam caw niwc qui mul 'a a sat on̈, palta colwjan̈ quet' on̈, sec matz ach alx tu'al. Til wal 'ejm tz'och qui tenmtacl 'aych on̈, caw wal 'ay qui mul tz'och 'ayach.

Jeremías 3:13

'Ojquejec 'eli chajtlto x'och e mul, caw ex 'och tenmtacl 'a 'ayn an Jehová e Diosal in tic. An tzwala to 'ix 'och e mul e b'on 'ajmulal yet' jun tzo'n̈ comn dios 'a yich eb' te te caw pim xi'il. Caw ma'ix eyiclj in checnb'il, xchi Dios, xa chi 'a eb', xchi 'ayin.

Jeremías 3:25

'Oj quic' 'ejm qui b'a yuj qui q'uixwc'ojlal on̈, yujto an̈ tic yet' eb' qui mam quichm on̈, caw wal x'och qui mul 'aych Jehová qui Diosal on̈. Yictax quelm on̈t 'unn on̈, masnto ticnec, caw wal ma'ix qui yiclj tas 'ix al 'ayn̈ on̈, xchi eb'.

Jeremías 8:14

Ax yaln eb' 'aj Judá 'ixtic: ¿Tas to yuj tzon̈ canc 'a tic? Qui yamc qui b'a qui masnil, coyc 'a jun tzo'n̈ chon̈b' wach' yajch smuroal. Ata 'oj qui chamec, yujto 'ixta x'el 'a sc'ojl Jehová qui Diosalec, to tzon̈ satc 'eli, tox 'ix yac' cu'c a a 'ay't veneno 'a scal, yujto 'ix 'och qui mulc 'a 'a.

Lm 1:20

Mamin Jehová, 'ilt on̈ cot yet' qui yailal tic on̈, a wal tzcutj cab'n on̈, 'ijn wal tzn̈i'chj sn̈i qui c'ojl cab'n syail. Caw wal tzcab' syal yet' qui pixn on̈, yic tzqui nan cot qui mul xlaj 'ochi. A 'a spatc 'el chon̈ab', til wal eb' tzcham yuj owal, 'ixta 'a yol 'oxt chon̈b' tic, til pax mach tzchami.

Lm 3:42

'Ix 'och wal qui mul on̈, caw tenmtac xcutj qui b'a 'aych on̈, yuj cha, ma'ix ac' niwnc'ojlal qui mul on̈.

Lm 5:7

A eb' qui mam quichm on̈, a eb' 'ochnc smul, palta chamnc xo eb'. Ax ticnec, a 'a quib'n̈ tzjaw yailal yuj smul eb' cha.

Dn 9:15

Ach qui Diosal, Cajlil ach. 'Ix a ch'ox wal a poder yic 'ix e'n 'elt eb' qui mam quichm 'a lum Egipto on̈. Caw ach b'inax 'a yic jun tiempoal cha, masnto ticnec. Palta an̈ xo tic on̈, 'ix 'ochx qui mul on̈, cojn maysch'olnil tzqui b'o on̈.

Am 7:2

Wan xo slajw 'ejm te c'ultc yuj no', 'ix waln 'ixtc 'a Dios: —Mamin Jehová, 'ac' wal niwnc'ojlal 'ayn̈ an̈ yin̈tl on̈ Jacob tic on̈, caw wal yune chon̈b'al on̈ on̈. Caw ma'oj techjoc jun tic cuj on̈, xin chi.