Jeremías 12:8 - Chuj San Sebastian Bible

⁸ A jun chon̈b' to wicn̈ej cob' yaj tic, a 'a in sat, caw lajn 'icha no león tz'ec' 'a lum niwc yaxc'ultac, caw tz'el yaw scot 'ayin, yuj cha, tzin yajn can 'eli.

Chuj San Mateo Bible

⁸ A eb' in chon̈ab' victaxon yaj tic, icha junoc noc' choj d'a caltac te' tz'el yav scoti, icha chi' syutej sb'a eb' d'ayin, yuj chi' tzin yajcanel eb'.

Jeremías 12:8 ပူးပေါင်းရင်းမြစ်များ

Is 59:13

Mamin Jehová, caw wal tenmtac xcutj qui b'a 'aych on̈. 'Ix cac' 'es on̈, ma'ix yal qui c'ojl on̈ 'och tza'n oj ach qui Diosal. Cojn maysch'olnil 'ayc' 'a qui nab'en on̈, xlaj cac' 'es 'a eb' quit 'anmal on̈, xlaj quixtn paxti eb' on̈.

Jeremías 2:15

¿Tas yuj x'och eb' 'anma 'ajc'ojlal 'ayex? 'Icha yel yaw no león, 'ixta ya'n 'el eb' yaw 'ayex. Caw x'ixtx 'el e chon̈b' eyu'uj; xn̈usx tz'a'oc, man̈x 'a junc mach xcan cajn 'a 'a.

Jeremías 51:38

'Oj 'el yaw eb' 'aj Babilonia 'icha no león, 'oj 'el yaw pax eb' 'icha no cotc león.

Ez 23:18

'Ixta 'ix yutj sch'oxn 'el sb'a, to tzya'ch can sb'a 'ajmulal 'a sat 'anma', 'ix sch'oxn 'ilxoc sq'uixwelal. 'Ix yoch'b' wiln 'ix yet' sb'eyb'al, 'icha xwac' yet' 'ix nul'jab'il cha.

Os 9:15

'Ix yaln Jehová 'ixtic: A 'a lum Gilgal, ata x'el yich sb'on eb' maysch'olnilal, a pax ta x'el yich in chacn in b'a yet' eb'. Yuj stu b'eyb'al eb' cha, 'oj in pechl eb' 'a watut. Man̈x 'oj in chamc'ojloc eb', yujto a smasnil eb' 'aych yajlil 'a scal eb', yel xo wal tenmtac eb'.

Am 6:8

A Jehová tztac' yuj smasnil, sloc sb'i yic xya'n sti', 'ix yaln 'ixtic: Caw wal tzin yaj sb'an̈quintacl eb' yin̈tl Jacob tic, matz chaj in c'ojl jun tzo'n̈ sniwc despacho eb'. Yuj cha, 'oj wa'ch jun chon̈b' tic 'a yol sc'ab' eb' 'ajc'ojol, yet' smasnil tas 'ay 'a 'a, xchi Dios.

Miqueas 2:8

Ax tic, ex 'och 'ajc'ojlal 'a eb' in chon̈ab'. A eb' tzmeltzj paxt 'a owal, a snan eb' to man̈x 'a tas 'oj 'i'nc eb', palta ax xo tzeyij 'ec' spichl eb' to chan̈ stojol.

Zacarías 11:8

A 'a yol jun 'uj, xin chec meltzjc 'oxwn̈ eb' 'ilm calnelu, 'ix lajw c'och in niwnc'ojlal 'a eb', 'ixta pax eb', caw wal man̈xtzac in snib'j eb'.