Jeremías 10:21 - Chuj San Sebastian Bible

²¹ A eb' 'aych yilmalc jun chon̈b' tic, caw may snab'en eb'. Matz c'an eb' sjelnal 'a Jehová, yuj cha, 'ix lajw 'ejm eb'. 'Ix sactzic can 'at eb' 'anma smasnil.

Chuj San Mateo Bible

²¹ A eb' yilumal co chon̈ab', malaj spensar eb'. Max sc'an sjelanil eb' d'a Jehová. Yuj chi' on̈ saclemb'at icha noc' calnel.

Jeremías 10:21 ပူးပေါင်းရင်းမြစ်များ

Jeremías 10:14

Smasnil eb' 'anma tzya'ch jun tzo'n̈ yechl yipc sc'ojol, caw may snab'en eb', may tas yojc eb'. A eb' tenm q'uen cha, caw tzq'uixw 'el eb' yuj jun tzo'n̈ yechl tzb'o cha. A jun tzo'n̈ tzb'o eb' cha, may jac yel'chi, may spixan.

Jeremías 10:8

Smasnil jun tzo'n̈ 'anma', may xon jac snab'en eb', may jac sjelnal eb'. A jac te te cha, caw matz tac' on̈ scuyn te 'on̈.

Jeremías 12:10

Til wal eb' syajlil eb' 'ajc'ojl xwul satnc 'el in chon̈ab', 'icha to satl eb' te wawb'en uva 'awb'il wu'uj. Ste'wtan̈j eb' lum lum 'aj tzb'o in munljel. A lum lum caw wal nib'b'il wu'uj, caw wal cusltac x'ajcn lum yuj eb'.

Jeremías 2:8

A eb' ya'mal 'och e ti 'ayin, man̈x 'ic jaw eb' 'a wojltac. Ax eb' e cuywmal, man̈x 'ic in yojquej 'el eb'. A eb' yajl yaj 'a e chon̈ab', 'ix meltzj 'och eb' 'ajc'ojlal 'ayin, ax eb' in checb' cob'i', a 'a sb'i Baal, ata xpaxtin 'el eb'. 'Ix 'och tza'n eb' yuj jun tzo'n̈ comn dios to may jac yopiso, xchi Dios.

Jeremías 22:30

A Jehová tzaln 'ixtic: Tz'ib'jec can 'a ch'an̈ libro yic registro, chajtlto lajn 'oj 'ajcn jun winc tic 'icha junc winc may yunnal, 'icha junc winc to man̈ wach'c x'aj 'el'chi. Yujto man̈x 'a junc yin̈tl 'oj 'och yac' reyl 'a sdespacho David, yic tzya'n reyl jun 'ejm xo 'a Judá, xchi Dios.

Jeremías 49:32

'El'jec cot scameyo eb' yet' swacx eb', xin chi. Tzanxn̈ej 'aj 'oj wa' cot yailal 'a yib'n̈ eb' tzjoxn 'el xil sjolm 'a spac'b'il sjolom, yuj cha, 'oj sactzic can 'at eb'.

Jeremías 5:31

Cojn 'es tzyal-l eb' tzcob' yalch sb'a in checb'oc. Ax eb' ya'mal 'och sti eb' 'anma 'ayin, tzyac' eb' yajlil 'icha tas tznib'ej. Ax jun in chon̈b' tic, wach' tzyab' 'ixta'. Palta ¿tas wal 'oj yutc sb'a eb', yic 'oj jawc jun slajb' tiempoal? xchi Dios.

Jeremías 50:17

'Ix yaln pax Jehová 'ixtic: 'Icha no calnelu satnc can 'ati, pechb'il no yuj no león, 'ixta yaj eb' israel. B'ab'el 'emnc eb' yuj win sreyl Asiria. Xlajw cha, ax Nabucodonosor sreyl Babilonia, a 'ix wach' satn 'el eb'.

Jeremías 8:9

A eb' tzyal jelnal sb'a cha, caw 'oj q'uixwc can 'el eb'. 'Oj xiw eb', 'oj somchjoc can 'el eb', 'oj jawc 'a yib'n̈ eb'. Yujto spatquilj can 'el eb' in paxti', yuj cha, may xon jac sjelnal eb'.

Ez 34:12

'Icha wal yoch junc 'ilm calnelu 'il yuj scalnelu satnc can 'ati, 'ixta woch 'il yuj eb' in chon̈ab'. 'Oj in molb'tzoc paxt eb' 'aj sactzicnac yajcn 'at cha, ax wi'n 'elt eb' 'a scal q'uic'q'uinl 'aj 'aycn 'ati.

Zacarías 10:3

A Jehová a tzaln 'ixtic: Caw wal xcot wowl 'a eb' yilmal in chon̈ab', yuj cha, 'oj wa'ch syailal eb' yajl yaj 'a eb'. An Jehová tztac' wuj smasnil, an 'oj in tan̈wc eb' in chon̈ab', atn eb' yin̈tl Judá. A eb' 'oj in c'anlb'oc 'icha no chej 'a'm owal.

Zacarías 13:7

A Jehová tztac' yuj smasnil, a tzaln 'ixtic: 'Ijx cab' q'ue wan q'uen espada yuj smilx cham jun mach 'icha yilmal in calnelu yaji, to junn̈j yaj wet'oc. 'Oj milx chamoc, ax sactzic can eb' 'icha 'in calnelu yaj cha. Ax eb' 'icha to may yip 'oj canoc, 'oj woch 'ac'ojlal 'a eb'.