Jeremías 10:18 - Chuj San Sebastian Bible

¹⁸ Yujto tzyal Jehová 'ixtic: A 'a yic jun tiempoal tic, a wal ax cajn ex 'a jun nacion̈ tic, 'oj ex wac' sactzicoc, 'oj e 'at 'a najat. 'Oj wac' syam sb'a yailal 'a eyib'an̈, sec tzeyab' syal si'mb'il, xchi.

Chuj San Mateo Bible

¹⁸ Yujto syal Jehová icha tic: A ticnaic ol in molcot yaelal d'a e patic masanto ol yal eyamchaji. Masanil ex cajan ex d'a jun chon̈ab' tic, ol ex in pechb'at d'a najat, icha tz'aj sjuljib'at junoc q'uen q'ueen yed' ch'an̈ mejmeech, xchi.

Jeremías 10:18 ပူးပေါင်းရင်းမြစ်များ

Is 22:17

Wach'xam caw niwn el'ch alni, palta an Jehová in, an 'oj ach in julcn 'at 'a caw najat. Yet' wal smasnil wip ax ach in yamni,

Jeremías 16:13

Yuj wal cha, 'oj ex wi'l 'a sat jun lum tic, ax ex wa'n can 'at 'a junx nacion̈ to man̈ eyojcoc, man̈ yojcoc pax eb' e mam eyicham. A wal ta', sc'ual, yac'wlil 'oj eyac' servil jun tzo'n̈ comn dios, caw man̈x 'oj 'o'ch in c'ojl 'ayex, xchi Dios, xa chi 'a eb'.

Jeremías 22:26

'Oj ach wac' 'ijxoc 'at yet' a nun 'a jun lum lum to man̈oc ta ex 'alji, ata 'oj e cham e chawn̈il.

Jeremías 23:20

Ma'oj 'och wan yowl in c'ojl cha, masnto 'oj 'el'choc 'icha tas tzin nib'ej. At 'a slajb' c'ual, atta 'oj nachjoc 'el jun tzo'n̈ tic eyu'uj.

Ez 6:10

Atta 'oj in yojcoc 'el eb', to an Jehová in tic, cojn in ton Dios in, man̈ nab'an̈ejc 'ix wala to tzwac' jun yailal tic 'a yib'n̈ eb', xchi Dios.

Sofonías 1:17

A Jehová a tzaln 'ixtic: 'Oj wa'ch wal eb' 'anma 'a somc'ojlal. Yuj cha, lajn 'oj 'aj yec' eb' 'icha eb' matz 'uj yilni, yujto x'och smul eb' 'ayin. A schic'l eb', tzanxn̈ej 'aj 'oj 'elcn 'a sat lu'um, ax sq'uecn b'uln sniwnal eb' 'icha stza no noc', xchi Dios.

Zacarías 1:6

Palta ax in paxti', yet' in checnb'il wa'jnac yal-l eb' in checb' cha, 'ix 'el'ch 'a eb' e mam eyichm cha. Yuj cha, 'ix snan sb'a eb', 'ix yaln eb' 'ixtic: A Jehová tztac' yuj smasnil, tox 'ix ya'ch qui yailal, 'icha wal tas snalb'ej ya'n 'och 'a quib'n̈ec yuj qui tu b'eyb'alec, yet' yuj pax maysch'olnil tzqui b'o'ec, xchi eb', xchi Dios.

Dt 28:52

'Oj 'och oyn eb' 'ajc'ojl chi 'a spatc 'el e chon̈ab'. 'Oj yac' eb' owl eyet'oc, masnto 'oj lan̈chjoc 'ejm smuroal e chon̈b' chi yuj eb', yet' jun tzo'n̈ yet'l eb' soldado 'aych yipc e c'ojol. 'Oj yoy eb' smasnil chon̈b' 'ay 'a sat lum lum 'oj yac' Jehová qui Diosalec 'ayex.

A Ch'an̈ B'ab'el Libro Samuel 25:29

Wach'xam 'ay mach tzach pechni mto tznib'n tzach miln chamoc, may 'oj e'ni, a 'a yol sc'ab' Jehová qui Diosalec 'aych 'eq'ui. Ax eb' 'ajc'ojl yajch 'ayach, 'oj a julnc 'el eb' 'icha junc mach tzjul-l junc q'uen yet' mejech'.