Is 9:17 - Chuj San Sebastian Bible

¹⁷ Yujn̈ej wal jun tzo'n̈ cha, man̈x 'oj 'o'ch sc'ojl Jehová 'a eb' quelmtac winac, 'a eb' meb'a 'unn chamnc smam yet' 'a eb' 'ix 'ix chamnc yichmil. Yujto a eb' 'anma tic, jun 'eln̈ej maysch'olnil eb', tu eb' smasnil, cojn tu paxti'al tzyal eb'. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Chuj San Mateo Bible

¹⁷ Yuj chi' man̈xo ol oc' sc'ol Jehová d'a eb' quelemtac vinac, d'a eb' unin man̈xa smam yed' d'a eb' ix ix chamnac yetb'eyum, yujto a eb' anima tic, juneln̈ej ix te chucb'i eb', axon̈ej chucal lolonel syal eb' smasanil. Yuj chi' manto ol ochlaj vaan yoval sc'ol Jehová, ol yac'n̈ejcot yaelal d'a schon̈ab'.

Is 9:17 ပူးပေါင်းရင်းမြစ်များ

Job 15:34

A eb' 'anma maysch'olnil sb'eyb'al, may yin̈tl eb' 'oj q'uib'cn cha'an̈, ax sricoal eb' xniwtj chan̈ yuj schan tumn 'a c'ultaquil, 'oj tz'a smasnil yet' yatut eb'.

Salmos 109:12

May cab' mach tz'o'ch sc'ojl 'a jun winc cha, yet' 'a eb' yunnal tzcan meb'a'il.

Salmos 147:10

A 'a Jehová may yel'ch yip no chej mto yip junc 'anma 'a 'a, yic tzcoln sb'a 'a junc owal,

Is 1:4

Ex wit chon̈ab', caw wal 'ajmul ex, an̈j maysch'olnil tze b'o 'icha ya'jnac eb' qui mam quichmec, an̈j tu tze b'o'o. Xeyi'n 'el e b'a 'a stz'ey Jehová, xeyactn can qui Diosal To Cojxni.

Is 10:2

Matz e b'o yaj eb' meb'a 'anma', matz e chaj eyab' tas tzyal eb' tz'ixtxi. Caw wal tz'ixtx eb' wit chon̈b' tic eyu'uj, tzlaj eyelc'n tas 'ay 'a eb' 'ix 'ix chamnc yichmil yet' 'a eb' meb'a 'unin.

Is 10:4

Toto ma'oj eyamchj 'at 'icha presoal, 'oj e milx cham yet' eb' chamnc xo cha. Palta man̈ yujoc cha, 'oj 'ec' yowl sc'ojl Dios, 'ipn ya'n 'och eyailal.

Is 10:6

A win tzin checb't mu'c 'a junc nacion̈ may wel'ch 'a sat, atn 'a eb' chon̈b' tzuntzj cot wowal, tzya'n owl yet' junc nacion̈ cha, tzyi'n can 'ec' tas 'ay 'a eb' 'anma', tzte'n can 'ejm junc nacion̈ chi 'icha ste'x can 'ejm lum b'i'ch 'a yol caye.

Is 13:18

'Oj julxoc cham eb' quelmtac 'unn yet' sjul-lab' eb' cha. May sniwnc'ojlal eb' 'a yib'n̈ eb' tz'ulc 'unn tzat 'alji, matz 'o'ch xon pax sc'ojl eb' 'a eb' cotc 'unin.

Is 14:20

Ma'oj a mucx 'icha eb' rey mucb'il 'a yol lu'um, yujto 'ix extj 'el eb' a chon̈ab', til wal eb' et chon̈b' xa mila. Yuj cha, man̈x 'a b'a'n̈ 'oj b'inaxc yin̈tl win tu cha.

Is 24:5

Caw wal xjuw 'el lum lum tic yuj eb' cajn 'a 'a, yujto matz yiclj eb' 'icha tzyal ley, matz yiclj eb' jun tzo'n̈ checnb'il, caw xyixtj 'el eb' jun trato b'ob'il 'a jun 'ejmn̈ej.

Is 27:11

A yic tztacj sc'ab' eb' te te cha, tzlaj lo'chjc cot eb' te', ax eb' 'ix 'ix tzlaj 'ec' si'nc chan̈ eb' te sc'ab' cha, tzya'n 'och eb' 'ix sc'ac' yet' te'. A jun chon̈b' tic, may xon jac snab'en. Yuj cha, a Dios b'ojnac, caw man̈x 'oj 'o'ch sc'ojl 'a 'a, man̈x 'oj cus pax yu'uj.

Is 3:8

Man̈x 'a swach'l yilx Jerusalén, ax Judá 'oj sat 'ejmi, yujto a tas tzyal eb' 'anma', yet' tas tz'el sb'on eb', a chi tz'och 'ajc'ojlal 'a Jehová. Atn jun tzo'n̈ chi tzuntzn cot yowal.

Is 31:2

A Dios caw jeln paxi, tztac' ya'n cot yailal 'a eyib'n̈ yuj tas maysch'olnil tze b'o'o. Matz 'ec' tas tzyalcn 'el 'a eyib'an̈, yet' 'a eb' cob' tzcolwj eyet'oc.

Is 31:3

A eb' 'aj Egipto 'anman̈ej eb', man̈ diosoc eb', ax schej eb' caw chib'jn̈ej, man̈ espírituoc. A yic tzya'n 'och Jehová eyailal, yajn̈ej tzex 'em yet' eb' cob' tzex coln cha; junn̈j 'oj eyaj e cham yet' eb'.

Is 33:11

A tas nab'il eyuj ax tic, yet' tas tze b'o'o, lajn wal yet' c'alem yet' pax 'ac, 'oj wutz'c 'at wic' 'a 'a, ax stz'acn 'ejm smasnil.

Is 33:12

Tan̈tac 'oj 'ajcn e chon̈ab', 'oj n̈ilchjoc sc'a'l eb' 'icha sn̈ilchj sc'a'l te tacn̈ q'ui'ix.

Is 40:30

An̈jtona eb' quelem, caw wal tzc'unb' eb', tz'el yip eb', 'ixta pax eb' to caw 'ay xon yip, tztelw pax eb'.

Is 5:24

Yuj cha, 'icha wal tz'aj stz'a 'ejm te 'ac yuj c'ac', c'uxn tz'a te xil chi smasnil, 'ixta 'oj 'aj slajw 'el eb' tic, 'oj tacjoc 'el eb' 'icha te te c'al xo sch'an̈lyib', munxoj tzpucl snich, 'icha xoj pococ tz'ajcni. Yujto tzpatquiljcan 'el eb' sley Jehová tztac' yuj smasnil, atn qui Diosal to Cojxni.

Is 5:25

Yuj wal jun tzo'n̈ mul cha, ax ya'n cot Jehová yowl sc'ojl 'a yib'n̈ schon̈ab', ax ya'n 'och syailal eb' 'anma cha. A eb' lum niwc witz, c'uxn 'oj 'ib'xoc eb' lum 'a yet'ul, ax eb' 'anma cha, t'octac 'oj 'ajcn eb' scham 'a yol caye. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Is 62:5

Yujto 'icha junc win quelm tznupn yet' junc 'ix cob'es, 'ixta 'oj ex yutc Dios, 'oj 'och eyajloc, ax ya'n tzaljoc sc'ojl eyet'oc, 'icha stzalj junc win quelm yet' yistzil, 'ixta 'oj eyaji.

Is 65:19

An̈jtona 'in, 'oj in tzalj pax yuj chon̈b' Jerusalén, 'oj in tzalj pax wiln 'och eb' in chon̈ab'. Man̈x 'a b'a'n̈ 'oj 'ab'xoc yel yaw 'anma yoc' 'a jun chon̈b' cha.

Is 9:12

A eb' 'aj Siria, 'oj cot eb' 'a stojlal 'aj tzq'uel c'u, ax eb' filisteo, 'oj cot eb' 'a stojlal 'aj tz'em c'u. Junn̈j 'oj yutc sb'a eb', ax satn 'el eb' chon̈b' Israel. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Is 9:21

'Oj meltzjoc 'och eb' yin̈tl Manasés 'a eb' yic Efraín, ax spacn sb'a eb' yic Efraín chi 'a eb' yic Manasés cha, ax 'oj 'ajoc, 'oj meltzjoc 'och eb' schac'ajil 'a eb' 'aj Judá. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Jeremías 18:21

A ticnec, cham cab' yunnal eb' yuj wejel, cham cab' eb' yuj owal. Cancn cab' yistzil eb' 'a man̈x 'a yichmil, man̈x 'a cab' yune eb'. Cham cab' yichmil eb' 'ix yuj yab'il, ax yune eb' to quelmtac, cham cab' eb' 'a scal owal.

Jeremías 5:1

Xyaln Jehová 'ayn 'ixtic: B'eyn̈ 'ec' 'a scayeal Jerusalén, tza maclni wal el si'mb'il. Tz'ec' a saync el 'a 'aj 'ay smasnil chon̈, tzelni toto 'ay mach caw tojl tas tzb'o'o, caw yeln̈j tas tzyala. Toto tz'ilchj junc o'oj, to 'ixta', 'oj wac' niwnc'ojlal 'a Jerusalén.

Ez 20:33

An Jehová in, an tzwa'cn in ti', to 'oj jawc yowl in c'ojl 'a eyib'an̈, yet' in poder ax wa'n 'och eyailal niwquil.

Am 4:10

Wa'jnac cot jun tzo'n̈ yailal 'a eyib'an̈, 'icha wal wutjnac wa'n cot yailal 'a Egipto. 'Ix wac' milxoc cham eb' eyunnal 'a scal owal, ax eb' 'ajc'ojl yajch 'ayx cha, a eb' 'ix 'i'n can e chej. Til wal 'aj 'e'nc sjab' eb' chamnc 'a e camplamento. Palta man̈ yujoc cha, ex meltzj paxt 'ayin.

Am 8:13

A wal eb' 'ix cob'stac 'ix caw wal wach' yilxi, yet' eb' quelmtac winc caw 'aych 'a ste'nal, 'oj 'el yip eb' yuj tacn̈til 'a jun c'ul cha.

Miqueas 7:2

'Icha te sat 'awb'ente cha, 'ixta waji, yujto man̈xtzac 'ilchj junc 'anma wach' sb'eyb'al, tojl snab'en 'a sat Dios 'a yol qui chon̈b'ec. A eb' wit chon̈b' cha, cojxn milj cham 'anma tznib'j eb' sb'o'. Tzlaj yac' 'ejm junjn eb' sch'an̈ yal 'a yol sb'e.

Zacarías 9:17

Man̈x jantcoc swach'il, caw wal wach' yilx 'oj 'aj eb' 'aj chon̈b' cha. Yujto 'oj yac' sobra 'ixm trigo yet' yal uva, yuj cha, caw wal wach' 'oj 'aj sq'uib' eb' quelem, yet' eb' cob'es.

Mt 12:34

Ax tic, caw 'ixtm 'anma 'ex, lajn ex 'icha no chan. Yuj cha, ¿tom 'ay jac tas wach' tz'el eyalni? Yujto an̈j tas 'ay 'a e nab'en, an̈j chi tzeyala.

Mt 16:3

'Ay 'aj tzeyal pax 'a junc sq'uin̈b'ial: A ticnec musan, caw q'uic' 'asun, 'oj yac' n̈ab', xe chi. Jeln ex ton eyiln jun tzo'n̈ 'asun, tzeyalni toto 'oj yac' n̈ab', mto ma'ay. 'Ay wal jun tzo'n̈ xo senya tzch'oxni, tas yaj jun tiempoal tic, palta 'in matz nachj 'el jun tzo'n̈ chi eyu'uj, yuj cha, caw chab'sat ex.