Is 7:14 - Chuj San Sebastian Bible

¹⁴ Yuj cha, caw a Dios 'oj ch'oxnc eyil junc senya cha: 'Ay jun cob's 'ix, 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel.

Chuj San Mateo Bible

¹⁴ A val lac'an Jehová ol ch'oxan junoc tas satub'tac d'ayex: A jun ix cob'es tic ol pitzvococh jun unin d'a spatic ix, ol aljoc jun svinac unin ix, Emanuel ol yac' ix sb'iej.

Is 7:14 ပူးပေါင်းရင်းမြစ်များ

Gn 16:11

Totn et'x one jun, yuj cha, a yic 'oj 'aljoc jun one cha, 'oj ac' sb'ic Ismael, yujto xyil Jehová a cusc'ojlal.

Gn 29:32

Scuchn chan̈ 'ix Lea yune', ax yic x'alj jun swinc 'unn 'ix, xya'n eb' sb'ic Rubén, yujto xyal 'ix 'ixtic: A Jehová, a x'ilni to patcab'iln 'el yuj wichmil, ax ticnec 'oj in chamc'ojlax yu'uj, xchi 'ix.

Gn 3:15

A ticnec, tzwa'cn 'och chacjb'al 'a a cal yet' 'ix 'ix, yet' smasnil en̈til, yet' yin̈tl 'ix. A yin̈tl 'ix tic, a 'oj ma'nc poj a jolom, ach xo 'oj a chi yich sq'uenl yoc yin̈tl 'ix cha, xchi Dios.

Gn 30:6

Xyaln Raquel 'ixtic: Dan 'oj sb'ic win 'unn tic, yujto xyab' Dios in lesal, in sb'oyaji, yuj cha, xya'n jun 'unn tic 'ayin, xchi 'ix.

Gn 30:8

Xyaln pax 'ix Raquel chi 'ixtic: A jun 'unn tic 'oj sb'ic Neftalí, yujto tzwac' owl yet' 'unx in nul'j Lea, ax ticnec wan wa'n ganar 'unix, xchi 'ix.

Gn 4:25

Ax win Adán, x'alj junx yunnal win yet' 'ix Eva, Set xyac' 'ix scuch win 'unn cha. Xyaln 'ix 'ixtic: A Dios x'a'n junx wune tic, sjelc win Abel mac'b'il cham yuj Caín, xchi 'ix.

A Ch'an̈ B'ab'el Libro Yic Yab'ixal Eb' Rey 13:3

A 'a yic jun c'u cha, 'ay jun ch'oxnb'il 'ix sch'ox jun schecb' Dios cha, 'ix yaln 'ixtic: Atn jun ch'oxnb'il tic 'ix yal Jehová: A jun yet'l xajmb'al tic, 'oj pojoc, ax q'uen tan̈ 'ay q'ue 'a yib'an̈, 'oj puccn 'at q'ue'en, xchi.

Salmos 46:8

Cotn̈ec, wul 'iltec wal satjub'tacl x'aj slajw 'el eb' chon̈b' 'a sat lum tic.

Is 38:7

Xyaln Isaías chi 'ixtic: —Atn jun senya tic 'oj sch'ox Jehová 'ayach yic tzya'n 'el'choc tas tzyala:

Is 8:10

'Oj cob' e mol aloc tas 'oj eyutc e b'a, palta ma'oj scha sb'a eyalni; 'oj cob' eya'ch 'a yoclemal tas 'oj e b'o', palta ma'oj stac' eyu'uj, yujto 'ayc' Dios quet' on̈.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Jeremías 23:6

A 'a yol stiempoal yic 'oj ya'nc reyl cha, caw 'oj colchjoc can 'el eb' 'aj Judá, yet' pax eb' 'aj Israel, man̈x 'a tas 'oj sna eb'. Atn jun b'i tic 'oj 'ajxoc sb'ioc: A Jehová Tzon̈ B'onyajec 'A Stojlal, 'ixta 'oj sb'ioc, xchi.

Jeremías 31:22

¿B'a'n̈ to 'oj eyoch wan eyoyb'x 'ec' 'icha junc 'ix 'ix tzoyb'x 'ec' yuj stenmtaquil? An Jehová in tic, 'oj wac' ujc junc tas to mant 'a 'aj tzuj 'a yolyib'n̈q'uinl tic, to a junc 'ix 'ix, a 'oj tan̈wnoc junc winac, xchi Dios.

Jeremías 44:29

An Jehová in, an tzwa'cn jun senya tic 'ayex, chajtlto 'oj wa' cot yailal nab'il wuj 'a eyib'an̈. 'Oj ex wac' lajwc 'el 'a jun nacion̈ tic, 'icha wal xwutj wa'n can in ti'.

Miqueas 5:2

A Dios a tzaln 'ixtic: A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta ata 'oj cot jun yajal, ax wa'n 'och syajlilc chon̈b' Israel. 'Oj 'eltoc 'a scal jun 'in̈tal eb' israel cha, a jun cha, 'ayc' xon 'a yic pecti', xchi Dios.

Mt 1:23

'Ay jun cob's 'ix, mant 'a xon junc winc tzyi'aj, palta 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel, xchi. (Emanuel tzyal 'el'chi, 'ayc' Dios quet'oc).

Lc 1:31

A ticnec, 'oj pitzwc chan̈ jun winc 'unn 'ayach, ax a'n sb'ic Jesús.

Lc 1:35

—A spoder Yespíritu Dios, atn jun yel xo niwn yel'ch cha, a 'oj 'emlc 'a eb'n̈ 'icha sjaw junc 'asun. Yuj cha, a jun 'unn 'oj 'aljoc cha, yicn̈ej Dios 'oj 'ajoc. 'Oj alxc yu'uj, chajtlto Yunnal Dios.

Lc 2:12

'Oj eyila', b'ac'b'il 'och nip 'a jun tz'ulc 'unn cha, 'ayc' 'a yol jun sjucb' no chej 'aj tzwa no'. 'Ixta 'oj 'aj snachj 'el eyu'uj to a', xchi jun ángel cha.

Lc 20:44

'Ixta yutjnac David yalni, chajtlto a Cristo, Yajl yaj 'a 'a. Yuj cha, ¿tom yin̈tln̈ej David chi yaji? xchi Jesús 'a eb'.

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

Ro 9:5

A jun tzo'n̈ ewin niwn yel'ch 'a sat Dios 'a pecti', atn ewin yin̈tl can smam yichm eb'. A Cristo 'ochnc yit chon̈b'oc eb', yic wul ya'nc 'och sb'a 'anma'il. A Cristo tic, Dios, Yajl yaj 'a yib'n̈ smasnil tas. Smasnil tiempo 'oj alxoc wach' paxti 'a 'a. 'Ixta cab' tz'aji.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.

Jueces 6:36

'Ix yaln Gedeón 'ixtc 'a Dios: Toto caw yel an tzin a c'anlb'ej yic tza coln 'el a chon̈ab', 'icha wal xotj alni, ch'ox junc senya 'ayin.

A Ch'an̈ B'ab'el Libro Samuel 1:20

'Ixta x'aj scuchn chan̈ 'ix yune'. Ax yic xc'och stiempoal, 'ix 'alj jun swinc 'unn 'ix, xya'n sb'ic Samuel. Xyaln 'ix 'ixtic: A win 'unn tic to c'anb'il win wuj 'a Jehová, xchi 'ix.

A Ch'an̈ B'ab'el Libro Samuel 4:21

Ax jun 'unn cha, 'ix ya'n 'ix sb'ic Icabod. Xyaln 'ix 'ixtic: A ticnec 'ix 'ijx 'ec' sb'inab'ilal chon̈b' Israel, yujto 'ix 'ec' te scaxail strato Dios, xchi 'ix, yujto xcham win yalb' 'ix yet' win yichmil 'ix cha.