Is 66:5 - Chuj San Sebastian Bible

⁵ 'Ab'tec wal spaxti Jehová, ex to tze chaj eyab' tas tzyala, a tzaln 'ixtc 'ayex: 'Ay jun tzo'n̈ eb' eyit chon̈b' tzchichn 'och 'ayex, tzex spech b'eyc'oc eb', yujto a 'ayn tzeyal e b'a; yuj cha, tzlaj yaln eb' 'ixtic: Sch'ox cab' Jehová chi stzictznil quilnoc, tzqui nib'j tzquila tas tzex 'aj e tzalji, xchi eb' 'ayex. Palta a eb' cha, 'oj q'uixwoc can 'el eb', xchi.

Chuj San Mateo Bible

⁵ A ex tze cha eyab'i, ab'ec val tas syal Jehová: Ay juntzan̈ eb' eyetchon̈ab' schichon sc'ol d'ayex, tzex spechanb'eyec' eb', yujto tzeyal e b'a d'ayin, syalan eb' icha tic: Sch'oxocab' stziquiquial Jehová chi', squil jab'oc e tzalaji, xchi eb'. Palta a eb' chi', te q'uixvelal ol ajcan eb', xchi Jehová.

Is 66:5 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 21:29

—¿Tzam ela tas tzyutj win Acab yi'n 'ejm sb'a 'ayin? Yujto xyij 'ejm sb'a win 'ayin, ma'oj wa' cot yailal 'a yib'n̈ winac yic pitzn to. At 'a yic 'aych junc yunnal chi reyl sjeloc, ata 'oj jawc cusc'ojlal wuj 'a yib'n̈ smasnil eb' yin̈til, xchi Jehová 'a Elías.

A Ch'an̈ Schab'il Libro Yic Yab'ixal Eb' Rey 22:10

An̈jtona', 'ix yaln pax win 'ajtz'ib' Safán chi 'a win rey chajtlto a win Hilcías 'ix yac' win jun ch'an̈ libro 'a 'a. 'Ix yawtn win yab' win rey cha.

2 Cr 34:27

'ix a'ch wal 'a a c'ojol, xe'n 'ejm a b'a 'a wojltac an Dios in, yic 'ix ab'ni to 'ay yowl in c'ojl 'a yib'n̈ jun lugar tic, yet' 'a yib'n̈ eb' cajn 'a 'a. Yujto ach 'och 'emmquilal 'a wojltac, xa tzilnjat a pichul, caw ach 'oq'ui, an̈jtona 'in, 'ix wab' tas 'ix ala. An Jehová in, an tzwala.

Esdras 9:4

'Ix syamn sb'a smasnil eb' wit israelal wet'oc, atn eb' to tzxiw 'a spaxti Dios, eb' tzyab' syal yuj smul eb' paxncta 'a Babilonia. Palta an xo tic, an̈ja wocn in 'ejmi, man̈x 'anmac yaj in nab'en xwab'i, masnto 'a yorail yajx xajmb'al yic yemc'ual.

Salmos 119:120

Mamin, a 'in niwnal tic, tz'ib'x yuj xiwlal 'a ojltac, yujto caw niwn yel'ch a ley 'a in sat.

Salmos 38:20

A tas wach' tzwutj 'a eb', tu tzyutj eb' spacn 'ayin; tzlaj 'och eb' 'ajc'ojlal 'ayin, yujto wach' tzwutj in b'eyb'al.

Pr 13:13

Toto may yel'ch jun tzo'n̈ checnb'il 'a qui satec, tzjaw yailal 'a quib'n̈ec; ax toto 'ay yel'ch 'ayn̈ec, caw wach' 'oj cajc 'el'chi.

Cantares 1:6

Man̈ ex 'och wal q'ueln 'ayn yuj sq'ui'l wilxi, yujto mac'b'iln yuj yoc c'u. Cotnc yowl ewin in nul'j 'ayin, yuj cha, in ya'n 'och ewin tan̈j uva, ax x'aji, ma'ix in ya'ilj in b'a.

Is 26:11

Mamin Jehová, caw wach'x yaj yailal o'oj, palta matz nachj 'el yuj eb' 'anma'. A yic 'oj yilnc eb' a niwquil chamc'ojlal 'a eb' a chon̈ab', caw 'oj q'uixwc can 'el eb' 'ajc'ojl yajch 'ayach, satl cab' eb' yuj yowl a c'ojl tzn̈ilchj 'icha te c'ac'.

Is 5:19

Tzcob' yal eb' 'ixtic: A qui Diosal an̈ israel on̈ tic, atn jun Dios Cojxni, comnoc yajn̈ej tzb'on tas 'icha tzna 'a quib'n̈ec, xchi cob' eb'.

Is 60:15

Man̈x 'oj e can e ch'ocoj, man̈xtoc chacb'ilx 'eli, palta to 'oj wac' in wach'c'ojlal 'ayx 'a jun 'ejmn̈ej, yuj cha, to 'ayn̈j tzaljc'ojlal 'a smasnil tiempo.

Is 65:13

Palta tzwal 'ayex, to a eb' in checab' 'ay tas 'oj sc'ux eb', ax xo tic, 'oj e cham yuj wejel. 'Ay tas 'oj yuc' eb', ax xo, 'oj e cham yuj tacn̈ti'al. 'Oj tzaljoc eb', ax xo, to 'oj e q'uixw can 'eli.

Is 66:2

An Jehová in, an tzwala. An b'ojnac smasnil tas, 'ixta 'ajnc spitzw chan̈ smasnil. Palta an tic tz'o'ch in c'ojl 'a eb' 'anma 'emmquilal yeq'ui, eb' tzlaj yab' syal yuj smul, eb' to 'ay yel'ch in paxti 'a sat.

Jeremías 36:16

A wal yic xyab'n ewin jun tzo'n̈ cha, caw wal 'ix xiw ewinac, 'ix 'och q'ueln junjn ewin 'a 'a, xyaln eb' 'ixtic: —Yowlal 'oj cal jun tzo'n̈ tic 'a win rey, xchi eb'.

Os 11:10

'Oj 'ochx tza'n eb' in chon̈b' wu'uj, ax yel waw 'icha no león. Yuj tz'el waw cha, ax scot eb' wunnal 'a 'aj tz'em c'u, caw wal tz'ib'x eb' yuj xiwlal ax sjaw eb' 'ayin.

Mt 10:22

Smasnil 'anma 'oj chichnc 'och 'ayx wu'uj. Palta a eb' 'oj 'a'nc techjoc smasnil jun tzo'n̈ cha masnto 'a slajub', 'oj colchjoc eb'.

Lc 13:17

Yic xyaln 'ixta', c'uxn xq'uixw 'el eb' 'ajc'ojl yajch 'a 'a. Palta ax eb' 'anma smasnil, caw xtzalj eb' yiln jun tzo'n̈ tas sb'o Jesús cha, yujto caw niwn yel'ch jun tzo'n̈ tas tzb'o'o.

Jn 16:2

Yujto 'oj ex spech 'elt eb' quit israelal 'a yol scapiya. 'Ay wal jun tiempoal 'oj jawoc, yaln̈ej mach 'oj e milni, ax snan eb', to a Dios wan ya'n servil eb'.

Jn 9:34

—'In ach tic, toxn 'ajmul ach yic alji. ¿Tom tza nib'j tzon̈ cob' a cuy on̈? xchi ewinac. Xlajw xoj cha, spechn 'elt ewin 'a scal.

2 Ts 1:12

Toto 'ixta tzeyutj e b'a, 'oj alxc wach' paxti 'a Cajlil Jesucristo eyu'uj. Ax Cristo 'oj ex yal pax wach'il. 'Ixta 'oj eyaji, yujto a qui Diosalec, yet' Cajlil Jesucristo, 'oj yac' swach'c'ojlal 'ayx quet' on̈.

Tito 2:13

Qui tan̈wc sjaw jun c'u yic tzaljc'ojlal, yic 'oj jawc qui Diosal caw niwn yel'chi, atn qui Colmal Jesucristo.

A Ch'an̈ Carta D'a Eb' Hebreo 9:28

An̈jtona Cristo, jun 'ejm wal milxnac xajmb'alil, sec wach' caw niwn on̈ec tz'el qui mul yu'uj. A yic 'oj jawc 'a scha'ejmal, man̈x yujoc yi'n 'el qui mulec ax sjawi. Palta yuj on̈ scoln an̈ec wan qui tan̈wni sjapxi.

1 Jn 3:13

Ex wu'tac, ex wanab', matz tac' ton̈j tzeyac' sat e c'ojol, yic 'oj chichnc 'och eb' yic yolyib'n̈q'uinl tic 'ayex.