Is 66:23 - Chuj San Sebastian Bible

²³ A yic tzpac' 'uj 'a junjn 'ujal, yet' 'a yic sc'ul 'iljelal 'a yol junjn seman, 'oj jawc smasnil 'anma 'a wojltac, ax yem cumn eb' 'ayin.

Chuj San Mateo Bible

²³ Junjun sc'ual ic'oj ip d'a junjun semana yed' juntac el tz'alji q'uen uj, ol javoc masanil eb' anima, ol ul em cuman eb' d'ayin.

Is 66:23 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 4:23

—¿Tas yuj tzach 'at el win ticnec jun? Man̈ stiempoaloc spac' 'uj, man̈ sc'uloc pax 'iljelal, xchi win yichmil 'ix cha. —Man̈ ach 'och 'il, xchi 'ix 'a winac.

Salmos 22:28

yujto Rey ach. Ach tzac' yajlil 'a yib'n̈ smasnil nacion̈ 'a yolyib'n̈q'uinl tic.

Salmos 65:2

Smasnil 'anma tzjaw 'ayach, yujto tzab'n̈j slesl eb'.

Salmos 65:3

A wal qui maysch'olnilal on̈, a chi tzon̈ 'a'n telwc on̈, palta ach xo tzac' lajwc qui mul chi 'on̈.

Salmos 86:9

Mamin, ach xa b'o smasnil eb' nacion̈, 'oj jawc eb' 'anma chi wul yac' 'ejm sb'a 'ayach, yic tzyi'n chan̈ eb' a b'i.

Is 19:21

'Ixta wal 'oj yutc Jehová sch'oxn sb'a 'a eb' 'aj Egipto sec tz'ojcax 'el yuj eb', yuj cha, ax ya'n 'ejm sb'a eb' 'a 'a. 'Oj laj yac' eb' xajmb'al yet' yofrenda, ax laj ya'n can eb' sti 'a Jehová to yowlal 'oj syiclc eb'.

Is 19:23

A 'a jun tiempoal cha, 'ay jun niwn b'e 'oj 'at 'a Egipto masnto 'oj c'och 'a chon̈b' Asiria. A eb' 'aj Asiria 'oj stac' sc'och eb' 'a Egipto, 'ixta pax eb' 'aj Egipto 'oj stac' sc'och pax eb' 'a Asiria cha. A chab' nacion̈al eb' 'anma tic, 'oj smol alc sb'a eb' 'a Jehová.

Is 2:2

A 'a jun slajb' c'ul cha, a lum switzl Sión 'aj 'ay yatut Jehová, 'oj q'ue wan lum 'a cha'an̈, 'oj 'ec' stel lum 'a jun tzo'n̈ lum niwc witz 'a stz'ey cha. Ax smasnil eb' 'anma 'a junjn nacion̈, 'oj c'och b'uln eb' 'a 'a.

Is 27:13

A 'a jun c'ul cha, 'oj 'utz'xoc jun trompeta to 'oj 'ab'xoc sjaj 'a najat, a eb' satnc can 'at 'a Asiria, yet' eb' 'ijxnac can 'at 'a Egipto, 'oj jawc eb' wul yac' 'ejm sb'a 'a Jehová, atn 'a lum tzaln to yic 'emmquilal yaj 'a Jerusalén.

Is 49:7

A Jehová Dios, scolmal chon̈b' Israel, atn jun Dios To Cojxni, a tzaln 'ixtc 'a jun schecb' to caw patcab'il 'eli, yajb'il yuj jun tzo'n̈ nacion̈, atn jun checb' yajch 'a eb' rey: A wal eb' rey yet' jun tzo'n̈ xo eb' yajal, a yic 'oj ach yilnc 'och eb', caw 'oj q'ue wan eb', ax yem n̈ojn eb' 'a ojltac, yujto an Jehová in, sDiosal in Israel, an si'jnacch 'eli, 'oj wac' 'el'choc in ti wa'jnac o'oj, xchi Dios 'a jun schecb' cha.

Ez 20:40

An Jehová Yajl in, an tzwal 'ixtc 'a smasnil eb' israel: A lum niwquil tzaln wic yaj 'a chon̈b' Israel, ata 'oj wul eya'x 'ejm e b'a 'ayin. 'Oj ex in cha ta', 'oj in c'an jun tzo'n̈ ofrenda 'ayx ta', ax eyi'n cot sb'ab'l sat tas 'awb'il eyu'uj, yet' smasnil tas to wic xon yaji.

Ez 45:17

Ax win yajl cha, a win tz'och 'ajcuentail ya'n tz'a no xajmb'al tz'a'i, 'ixm harina, yal uva tz'ajx ofrendail 'a yic tzpac' 'uj, 'a yic sc'ul 'iljelal, 'a yic tzjaw junjn q'uin̈ 'a chon̈b' Israel. A pax win 'oj 'a'nc no xajmb'al yic stojl mul, yet' yofrendail 'ixm trigo, no xajmb'al tz'a'i, yet' no xajmb'al yic junc'ojlal, sec tz'ajx niwnc'ojlal smul eb' israel cha.

Ez 46:1

An Jehová Yajl in, an tzwala: A jun puerta 'ay 'a sti 'amc' 'a yojl 'ochi, jun 'ay 'a stojlal 'aj tzq'uel c'u, macnn̈ej 'a yic 'ay munljel 'a waque c'ual, at 'a yic sc'ul 'iljelal yet' 'a yic tzpac' 'uj, atta tzjacwi.

Ez 46:6

Palta ax yic tzpac' 'uj, ata tz'ajx jun quelm wacx xajmb'alil, wacwn̈ quelm calnelu yet' jun mam calnelu, e no may spaltail.

Zacarías 14:14

A 'a yic jun tiempoal cha, 'oj cot eb' 'ay 'a yol smacb'en Judá colwjc yet' eb' 'aj Jerusalén. Ax sto'n 'ec' eb' sricoal smasnil nacion̈ 'ay 'a stz'ey, caw wal niwn q'uen oro, q'uen plata yet' pichl 'oj smolb'tzoc eb'.

Zacarías 14:16

A yic 'oj lajwc 'ec' jun tzo'n̈ cha, a jancto eb' 'anma 'oj can 'a jun tzo'n̈ chon̈b' 'oj 'a'nc owl yet' Jerusalén cha, 'a junjn ab'il 'oj jawc eb' wul sna q'uin̈ Chinama, ax sjaw eb' wul yac' 'emmquilal 'a jun Rey, atn Jehová tztac' yuj smasnil.

Zacarías 14:18

Atn jun niwn yailal tic 'oj jawc yuj Jehová 'a yib'n̈ eb' 'aj Egipto yet' 'a yib'n̈ jun tzo'n̈ xo nacion̈ to ma'oj jawc wul sna q'uin̈ Chinama 'a Jerusalén.

Malaquías 1:11

An tzwala to niwn wel'ch 'a sat smasnil nacion̈ 'a yolyib'n̈q'uinal. A wal tas caw wach' a chi tzyac' tz'a eb' xajmb'alil, yet' ya'n eb' yofrendaoc 'ayin, yujto caw niwn wel'ch 'a sat eb'.

Jn 4:23

'Ay eb' a 'a qui Mam Dios tzyal sb'a wal 'a yel. Al ticnec, tox 'ix jaw stiempoal 'oj yal sb'a eb' 'a caw yel, 'a 'esal. Yujto a qui Mam Dios, tznib'ej to 'ixta tzyutj eb' yaln sb'a 'a 'a.

Apoc 15:4

Toc 'ay junc mach ma'oj xiw 'aych Mamin. Toc 'ay junc ma'oj alnoc wach' paxti 'ayach. Yujto cojxn ach caw wach'chn̈ej. 'Oj cot eb' 'anma 'a junjn nacion̈, 'oj wul yal sb'a eb' 'ayach. Yujto xlaj yil eb', chajtlto caw tojl tzotj a b'eyc'ojlwi, xchi eb'.