Is 65:4 - Chuj San Sebastian Bible

⁴ Ata tzlaj 'at 'em wocn eb' 'a scal eb' xi'lb'a 'a campusan, tzlaj sc'ub'n 'el sb'a eb' 'aj c'ultac yaji, ata tz'ec' 'ac'wl yuj eb' yic tzc'umn sb'a eb' yet' eb' chamnc chi snani. Tzchin eb' schib'jal no chitam, caw tzb'ut'j yuc'b' eb' yet' yalil no chib'j cha, atn jun tzo'n̈ tas man̈ wach'c 'a sat ley.

Chuj San Mateo Bible

⁴ Tz'em c'ojan eb' d'a scal b'ajtac mucan eb' chamnac. Tz'ec' ac'val yuj eb' b'ajtac c'ub'eltac. Schi'an schib'ejal noc' chitam eb', syac'an b'ud'joc schen eb' yuj yal chib'ej to ay yovalil yuj ley.

Is 65:4 ပူးပေါင်းရင်းမြစ်များ

Ex 23:19

A wal sb'ab'l sat eyawb'en wach' tz'el-l 'a sat lum lu'um, a tzeyij cot 'a watut an Jehová e Diosal in tic. Man̈ e tz'an̈ no cotc chiwo 'a scal yal yim no snun.

Ex 34:26

Smasnil sb'ab'l sat 'awb'en tz'el 'a sat lum lum cha, yowlal tzeyij cot 'a watut an Jehová e Diosal in. Man̈ e tz'an̈ e no cotc chiwo 'a scal yal yim no snun, xchi Dios.

Is 66:17

A Jehová, a tzaln 'ixtic: 'Oj in satl eb' tzya'ch sb'a 'emmquilal 'a jun tzo'n̈ comn dios 'ayc' 'a scal te 'awb'ente'. Tzlaj sb'o eb' 'icha tas tzb'o junc tzjucb'tzan eb' cha. Tzlaj schi eb' schib'jal no chitam, yet' no ch'o'ow. A eb' 'anma tzchin jun tzo'n̈ no noc' man̈ wach'c tic, junn̈j 'oj 'aj satl eb', yujto wojtac tas tzlaj sb'o eb', wojtac tas nab'il yuj junjn eb'. An tic 'oj in jaw in molb'tzoc eb' 'anma 'a junjn nacion̈ yet' 'a junjn chon̈ab'. 'Oj jawc eb' 'a wojltac, ax yiln eb' in poder.

Is 66:3

'Ay mach yel xo wal yajb'entac tas tzb'eylb'ej, caw wal tzalj eb' sb'on jun tzo'n̈ tic: 'Ay mach tzmiln junc wacx xajmb'alil, ax 'a in sat 'icha to a junc 'anma tzmila; a mach tzmiln junc no calnelu xajmb'alil, ax 'a in sat 'icha to a junc no tz'i tzc'uychtej 'el sjaj; 'ay mach tz'a'n sat yawb'en ofrendail, ax 'a in sat 'icha to a schic'l junc chitm tzyac'a; 'ay pax mach tz'a'n tz'a jun tzon̈ incienso, 'icha to a 'a yechl junc comn dios 'aj tzyal sb'a.

Ez 4:14

'Ix waln 'ixtc 'a 'a: Mamin Jehová, caw wal may 'aj tzin yam junc tas man̈ wach'c 'a yic 'unnal, may 'aj tzin chi no noc' mun tzchami, mto no noc' tzcham yuj yit noc'al, may xon 'aj tzin chi no chib'j man̈ wach'oc, xin chi 'a 'a.

Zacarías 9:7

Man̈x 'oj wac' schi eb' no chib'j 'ayt 'och schiq'uil, man̈x 'oj sc'ux eb' jun tzo'n̈ tas to 'ay yowlal sc'uxxi, 'icha yaln sleyal. Palta a 'a scal jun tzo'n̈ 'anma cha, 'ayt eb' 'oj canoc, 'oj 'ochcn eb' wico'oc. Lajn 'oj 'ajcn eb' 'icha eb' 'aj Judá. Ax eb' 'aj Ecrón, lajn 'oj 'ajcn eb' 'icha eb' jebuseo.

Nm 19:11

A mach tzyamn sniwnal junc chamnc 'anma', a jun cha, man̈ wach'c tz'ajcn 'a uque c'ual, 'icha wal yaln ley.

Mt 8:28

Xlajw cha, xc'och eb' 'a junx sc'axpil 'ec' a'. A jun lugar cha, Gadara sb'i. Ata 'ix cot chawn̈ winc 'a 'aj mucn eb' chamnac. 'Ix jaw eb' 'a Jesús. A eb' chawn̈ cha, 'aych ewin demonio 'a eb'. Yel xo wal caw 'ay smay eb'. Yuj cha, may mach tzb'ey 'a jun b'e tz'ec' 'a 'aj 'ayc' eb' cha.

Lc 8:27

Yic 'ix 'el'ch Jesús 'a sti a', 'ix jaw jun win 'aj chon̈b' chi 'a 'a. Caw 'ayx tiempo 'ochnc jun tzo'n̈ demonio 'a winac, yuj cha, may xon jac spichl win tzya'chi. Toxn matz nib'j xon win tz'aj 'a yol junc n̈a, an̈j 'a 'aj mucn eb' chamnac, an̈jta 'ayc' winac.

Dt 14:21

Man̈ e chi no noc' mun tzchami, yujto an̈ec tic, sic'b'iln̈ec 'el schon̈b'oc Jehová Dios. A no noc' cha, tztac' eya'n schi eb' chuc chon̈b'al cajn 'a e cal; atn eb' chi tztac' schin no', mto tze chon̈ no 'a eb' chuc chon̈b'al ton̈j tzb'eyc' 'a e cal. Man̈ e tz'an̈ no cotc chiwo 'a scal yal yim no snun.

Dt 14:3

Man̈ e chi no noc' yajb'entac.

Dt 14:8

No chitam pojl yech no', palta matz jax no yan̈. Yowlal tzeyojquej 'eli to man̈ wach'c no', man̈ e chi schib'jal jun tzo'n̈ noc' tic. A yic chamnc xo no', matz tac' eyamn sniwnal no'.

Dt 18:11

mto b'almil. May cab' junc mach tzc'anb'j sb'a 'a eb' tznan 'el paxti', yet' pax 'a eb' tzyal to tzc'umj spixn eb' chamnac.