Is 65:14 - Chuj San Sebastian Bible

¹⁴ A eb' in checb' tic, 'oj b'itnoc eb' yuj tzaljc'ojlal, palta ax xo tic, to 'oj 'el eyaw eyoq'ui. Caw wal 'oj e cus yuj yailal 'oj jawc 'a eyib'an̈.

Chuj San Mateo Bible

¹⁴ Ol b'itan eb' yuj tzalajc'olal, a exxo tic, ol ex oc' yuj cusc'olal yuj yaelal.

Is 65:14 ပူးပေါင်းရင်းမြစ်များ

Job 29:13

A eb' tzlajw 'ejm yuj meb'a'il, xyal eb' yuj diosal 'ayin; ax eb' 'ix 'ix chamnc yichmil, tzalj eb' 'ix yujto tzin colwj 'a eb'.

Salmos 109:28

May yel'chi, wach'xam tzin scatb'tzej eb' 'ajc'ojl ya'ch 'ayin, palta ach xo tzac' a yaxilal 'a wib'an̈. Q'uixw cab' 'el eb', ya' sb'a an a checb' in tic to tzin tzalji.

Salmos 66:4

Smasnil 'anma 'a yolyib'n̈q'uinl tic, ya' cab' 'ejm sb'a eb' 'ayach, sb'itnoc cab' eb' b'it 'a a b'i, xqui chic 'a 'a.

Is 13:6

C'uyyoc cab' yel eyaw, yujto jab'xoj wal sc'och sc'ul sjaw yowl sc'ojl Jehová 'a eyib'an̈, atn jun tztac' yuj smasnil, a tz'a'n cot jun yailal cha.

Is 24:14

A eb' 'oj can cha, caw 'oj ya'l eb' yaw yuj tzaljc'ojlal, ax sb'itnan eb' swach'c'ojlal Jehová, 'oj 'ab'xoc sjaj eb' 'a stojlal 'aj tz'em c'u.

Is 50:11

Ax xo tzeya'ch junc c'ac' mto junc e taj 'a yol eyico', b'eyn̈ec 'ec' 'a yoc e c'ac' chi quilnoc. A Jehová a 'oj 'a'n cot jun yailal 'a eyib'an̈, 'oj e can t'ocn 'a scal jun niwquil yailal cha, xchi win schecb' Jehová.

Is 51:11

'Ixta pax 'oj 'aj smeltzj eb' colb'ilx 'el 'oj Mamin Jehová, caw 'ip sb'itn eb' yuj tzaljc'ojlal ax sjapx eb' 'a Sión. Caw wal tzetzetzn sat eb' yuj tzaljc'ojlal, yujto 'oj 'ilchjoc pax wach'l yuj eb', ax yailal yet' 'oq'uel, 'oj sat 'ejm 'a scal eb'.

Is 66:14

A yic 'oj eyilnc jun cha, caw 'oj e tzalj cha'an̈. 'Oj 'ochx eyip jun 'ejm xo. Caw tz'unnan yilx e niwnal 'icha tzyac' te 'unn c'ultac. Yujto 'oj sch'ox Jehová spoder 'a scal eb' schecab', ax yowl sc'ojol, ata 'oj ya'cn 'at 'a scal eb' 'ajc'ojl yajch 'a 'a.

Is 9:3

Mamin, ach 'ix ac' niwtjoc pax qui b'isl an̈ a chon̈b' on̈ tic on̈, 'ix a'n pax qui tzaljc'ojlal on̈. Qui masnil on̈ caw tzon̈ tzalj 'a ojltac, 'icha wal tzaljc'ojlal 'a yic tzmolx chan̈ sat 'awb'en, 'icha pax stzaljc'ojlal eb' soldado yic tzpojn 'ec' eb' tas tzlaj yi'cn 'ec' 'a owal.

Jeremías 31:7

Tzyaln pax Jehová 'ixtic: B'itnan̈c 'a tzaljc'ojlal yuj jun chon̈b'al eb' yin̈tl Jacob, atn jun chon̈b' 'ec'b'al yel'ch 'a yib'n̈ smasnil nacion̈. 'Ab'x cab' e b'itni, tzeyaln 'ixtic: Mamin Jehová, coln̈ an̈ a chon̈b' on̈ tic, atn jantc on̈ 'ayn̈to cani, xe chi.

Mt 13:42

Ax sjulx can 'at eb' 'a yol jun 'icha jorna 'aj 'aych c'ac'. Caw 'oj 'oc' eb' ta', 'oj juch'ch'oc ye eb' yoq'ui.

Mt 22:13

Yuj cha, xyaln win rey chi 'a jun tzo'n̈ eb' smoso 'ayc' yet' ta': Jalc yoc jun winc tic yet' sc'ab', tzeyi'n ati', tze juln can 'at 'a 'aj 'ay q'uic'q'uinal. Ata 'oj 'oc'oc, ax sjuch'ch'i ye yab'n syal ta', xchi winac.

Mt 8:12

Ax eb' quit israelal smoj xon sc'och ta', 'ay eb' 'oj julx can 'at 'a q'uic'q'uinal. Ata 'oj 'och 'oq'uel. 'Oj juch'ch'oc ye eb' yab'n syail, xchi 'a eb'.

Lc 13:28

At wal ta 'oj eyoq'ui, caw 'oj juch'ch'oc eye eyab'n syail. Yujto 'oj eyila', ata 'ayc' Abraham, Isaac, Jacob, yet' smasnil eb' schecb' Dios, 'ayc' xo eb' 'a yol sc'ab'. Ax xo tic, 'oj e can 'a sti'.

Santiago 5:1

'Ab'c ex rico. 'El cab' wecc'oc eyaw eyoc' ticnec, yujto caw niwn yailal 'oj jawc 'a eyib'an̈.

Santiago 5:13

Toto 'ayx wan eyab'n syal ticnec, leslwan̈ec. Toto 'ayx 'ay pax e tzaljc'ojlal, b'itnan̈c 'a Dios.