Is 64:8 - Chuj San Sebastian Bible

⁸ Mamin Jehová, ach tic qui Mam aj on̈; an̈ xo tic on̈, lum on̈n̈ej, ach tz'acjnacn̈ yet' lum lu'um, caw ach b'ojnacn̈ on̈.

Chuj San Mateo Bible

⁸ Palta a ach tic Mamin Jehová, co mam ach. A on̈ tic, icha lum tz'acb'il lum caji, a achxo tic, ichato co tz'acumal aji, a ach a b'onac on̈ co masanil.

Is 64:8 ပူးပေါင်းရင်းမြစ်များ

Job 10:3

'In ach b'ojnac in, tzlajw cha tzin a patquiln can 'eli, ¿tom wach' tzab'i yic tzin a chacn 'eli, ax yet' eb' maysch'olnil tzach colwji?

Salmos 100:3

Tzcojcanec 'eli to a Jehová Dios toni; a b'ojnacn̈ec, yuj cha, to yic on̈ec; schon̈b' cajec, 'icha to scalnelu on̈ec, yuj cha, tan̈b'iln̈ec yu'uj.

Salmos 119:73

Mamin Jehová, ach ton wal b'ojnaquin, yuj cha, 'ac' nachjoc 'el wu'uj, tas wal tzwutj in cuyn a checnb'il.

Salmos 138:8

B'o 'icha tas tza nib'j 'ayin, a wal a chamc'ojlal 'ayc' cab' wet' 'a smasnil tiempo. A tas xa yamch a b'on 'ayin, man̈ c'axpoc cab' tzotj cani.

Salmos 74:1

Ach qui Diosal on̈, ¿tas yuj on̈ actj can qui ch'ocj 'a jun 'ejmn̈ej? ¿Tas yuj caw tzn̈ilchj chan̈ yowl a c'ojl 'a yib'n̈ jun a chon̈b' tic?

Salmos 95:6

Cotn̈ec, 'em coyc cuman yic tzon̈ 'ochc 'emmquilal 'a Jehová, 'em coyc cumn 'a 'a, yujto a b'ojnacn̈ec.

Ex 32:12

Comnoc ma'oj a cha yal eb' 'aj Egipto chi 'ixtic: 'In to tu snab'en Dios 'a yib'n̈ eb' 'anma cha. Ton̈j xwul yi'l eb' 'a tic yic tzcham eb' 'a cusltac lum yu'uj, sec am tzsatcn 'el eb' 'a sat lum lum tic, 'oj schic eb'. Yuj cha, comnoc man̈toc 'ayn̈j cot yowl a c'ojl 'a yib'n̈ eb' a chon̈b' tic, comnoc tzac' wal niwnc'ojlal eb'.

Ex 4:22

Tzlajw cha, ax aln 'a win rey cha. To an Jehová in an tzwal 'ixtic: A eb' israel tic, 'icha to in b'ab'l 'unnal yaj eb'.

Is 19:25

A Jehová tztac' yuj smasnil, 'oj yac' swach'c'ojlal 'a yib'n̈ eb' nacion̈ cha, ax yaln 'ixtic: 'Oj wac' in wach'c'ojlal 'a yib'n̈ in chon̈b' Egipto, yet' 'a yib'n̈ Asiria, atn in b'ob'en, yet' 'a yib'n̈ Israel, atn jun chon̈b' to wic xon yaji, 'oj schioc.

Is 29:16

Palta ax tic, jelp tzeyutej. ¿Toc wal lajn lum tz'acb'il lum yet' mach tz'acjnac? ¿Tom 'oj stac' yaln lum 'a jun tz'acjnac chi 'ixtic: Man̈oc ach tz'acjnac in, tom xchi lum 'a 'a? Mto tzyal lum 'ixtic: Ach tic man̈ ojcoc tas tza b'o'o, toc xchi lum 'a 'a.

Is 43:25

Palta an tic, yuj swach'l in nab'en, yuj cha, tzin sucsat e maysch'olnilal, man̈x 'a b'a'n̈ 'oj in na cot e mul cha.

Is 43:7

Atn smasnil eb' wico', an in pitzjnac 'el eb', in b'on eb', yuj yi'nb'ilc chan̈ in b'i, 'oj in chioc.

Is 44:21

Tzyaln pax Dios 'ixtic: Ex israel yin̈tl can Jacob, nacc coti, chajtlto in checb' ex, an in b'ojnac ex, sec tzex 'och in checb'oc. Ex israel may b'a'n̈ 'oj wac' sat in c'ojl 'ayex.*f13*

Is 44:24

A Jehová atn b'ojnacn̈ec, a on̈ 'a'nec 'el pax 'a libre. A tzaln 'ixtic: An Jehová in, an b'ojnac ex yic mantzac ex 'alji, an b'ojnac smasnil tas, an in jen̈jnac 'ec' satcha'an̈, in b'on can pax lum lum tic 'a yet'ul, may junc mach colwjnac wet'oc.

Is 45:11

A Jehová qui Diosal an̈ israel on̈ tic, atn jun Dios To Cojxni, a b'ojnac n̈ec, a tzaln 'ixtic: ¿Tom ax 'oj eyal 'ayin tas 'oj in b'o yet' eb' wunnal 'a yic b'aq'uin̈? ¿Tom ax 'oj eyac' in nab'enoc tas 'oj in b'o'?

Is 45:9

A mach tzyac' owl yet' mach b'ojnac, a jun cha, lajn 'icha lum tz'acb'il lum c'un spoji. Toc wal tzyal lum tz'acb'il lum chi 'ixtc 'a mach tzb'oni: ¿Tas tza b'o'o? Ach tic man̈ ojcoc tzach munlji, tom xchi lu'um.

Is 57:16

Man̈x 'oj wowx 'och 'a eb' in chon̈b' tic, man̈x 'oj cot wowl 'a eb' 'a smasnil tiempo, toq'ue laj 'oj schab'c'ojloc pax sb'a eb', atn eb' 'anma b'ob'il wu'uj.

Is 60:21

A smasnil eb' eyit chon̈b' 'a jun tiempoal cha, caw wach'n̈j 'oj 'aj snab'en eb'. 'Oj yico'oc pax eb' lum e lum chi 'a jun 'ejmn̈ej. Lajn wal eb' 'icha swol junc 'awb'ente', sec tzin b'inax yuj eb'.

Is 63:16

Ach tic to qui Mam aji. Wach'xam a Abraham yet' win Israel man̈x on̈ yojcoc eb', palta ach tic to qui Mam ach; toxn to qui colmal xon aji.

Is 63:8

Yuj cha, xyaln 'ixtic: A jun tzo'n̈ 'anma tic, in chon̈b' eb', wunnal eb', man̈x 'oj in yixtc paxti eb', xchi. Yuj cha, xcolx 'el eb' yuj Jehová.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Jeremías 31:9

Wan xoj sleslwi eb', wan xoj yoc' eb' ax sjaw eb'. An xo 'oj wi't eb' 'aj 'ay a a tz'el yoctac, 'a jun b'e caw wal pan̈an, man̈x 'a 'aj 'oj stench eb' yoc. Yujto an tic, Mamb'il waj 'a chon̈b' Israel, ax chon̈b' Efraín, 'icha to in b'ab'l 'unnal yaji.

Os 1:10

Palta 'ay jun c'ual, 'oj niwtjoc pax sb'isl eb' israel tic, lajn 'oj 'aj eb' 'icha yarenail sti a mar, man̈x 'a mach 'oj stac' sb'isni. A yic cob' tzwaln 'a eb' 'ixtic: Man̈ ex in chon̈b'oc, xin chi 'a eb'; a pax ta 'oj alxoc 'ixtc yuj eb': A eb' 'anma tic, caw yel yunnal jun Dios pitzn eb', 'oj schioc.

Malaquías 2:10

¿Tom man̈ junn̈joc qui Mamc qui masnil, atn Dios jun on̈ b'onec? ¿Tas pax yuj tzquixtjec qui b'a jun? 'In tzca'c tu 'ayn̈ junjn on̈ec, tzquixtnec 'el strato Dios ya'jnac yet' eb' qui mam quichmec.

Jn 8:41

Ax tic, a tas tzb'o jun e mam, an̈j tze b'o yet'oc, xchi Jesús 'a eb'. —Palta an̈ tic on̈, man̈ mitz' 'unnoc caj on̈. Junn̈j qui mam on̈, atn Dios, xchi eb' 'a 'a.

Gl 3:26

Yujto tzca'c 'och 'a qui c'ojol, yuj cha, yunnaln̈ec xo Dios, junxn̈ej cajc yet' Cristo Jesús qui masnil.

Gl 3:29

Yujto yic on̈c xo Cristo, yuj cha, yin̈tl on̈ec xo Abraham yet'oc. Ax jun tas yaljnac can Dios yic ya'n sti', 'oj qui chac quico'oc.

Ef 2:10

A Dios on̈ b'onec 'a scha'ejmal yuj Cristo Jesús, sec caw wach' tzcutjec qui b'eyb'al 'a 'a. Yictax pecti', snajnac cani, chajtl 'oj cutquec qui b'eyb'al.

Dt 32:6

¿Tom 'ixtc wal tzeyutj eya'n spac 'a Jehová? Ax chon̈b' ex tic, caw may jac e nab'en. ¿Tom man̈oc Jehová e Mam yaji? ¿tom man̈oc ex b'oni? A 'ex b'oni, xya'n e q'uinal.

Dt 9:29

Palta a jun chon̈b'al eb' 'anma tic, ec ton wal yaj eb', ach ejnac 'elt eb' 'a Egipto yet' wal a niwquil poder, xin chi 'a 'a.