Is 63:3 - Chuj San Sebastian Bible

³ —Yel tzala, to 'ay nan̈l te uva chi xin te'l yalil, in ch'ocj tzin b'o jun munljel cha, may xon junc nacion̈ xcolwj jac wet'oc. A eb' 'ajc'ojl yajch 'ayin, a eb' chi xin tec' 'ejm 'a sat lu'um, yujto 'ay yowl in c'ojl 'a yib'n̈ eb'. 'Ix laj tz'itj 'och schic'l eb' chi 'a in pichl tic, yuj cha, 'ix b'on̈x 'el smasnil.

Chuj San Mateo Bible

³ Ix yalani: —Yujto ix in teq'uem juntzan̈ nación icha stec'jiel yal sat uva. A inn̈ej, malaj junocxo nación ix och ved'oc. Aycot voval ix in tec'anem eb' vajc'ool, yujto aycot yoval in c'ool d'a eb'. Icha chi' ix aj yoch chititoc schiq'uil eb' d'ayin, ix chic'ax in pichul tic.

Is 63:3 ပူးပေါင်းရင်းမြစ်များ

Gn 49:11

A mach tzpixn 'och sb'uru 'a jun 'ib'c te uva, yet' mach tzju'n 'el spichl yet' yalil te uva cha,

A Ch'an̈ Schab'il Libro Yic Yab'ixal Eb' Rey 9:33

'ix yaln q'ue Jehú 'a eb' 'ixtic: —¡Ecc 'elt jun 'ix cha! xchi 'a eb'. Yuj cha, 'ix yecn 'elt eb' 'ix, 'ix tz'itj can 'och schic'l 'ix 'a sat yich n̈a, yic sma'n 'och sb'a yemta, ax no chej 'ix te'n ch'iychjoc 'ix.

Job 40:12

A eb' tzcob' yi' chan̈ sb'a yet' eb' maysch'olnil sb'eyb'al tzlaj 'ilchjoc o'oj, tza te'cn 'ejm eb'.

Salmos 60:12

A yet' Dios 'oj stac' ca'nec ganar owl cha, a 'oj te'noc can 'ejm eb' 'ajc'ojl yajch 'ayn̈ec.

Is 22:5

Yujto a Jehová tztac' yuj smasnil, a 'ix alni, to 'oj jawc jun c'u yic 'ay niwquil xiwc'ojlal, somc'ojlal, yet' pax yailal 'a yib'n̈ lum pan̈n 'aj tzch'oxx 'ilxoc junc tas 'a 'icha waychil. 'Oj ma'xoc 'ejm lan̈chjoc smuroal chon̈ab', ax yab'x yel yaw eb' 'aj chon̈b' chi 'a lum jolmctac witz.

Is 25:10

A Jehová, a 'oj tan̈wnoc lum tzaln Sión, ya' sb'a ax chon̈b' Moab, wan ste'x can 'ejm 'icha tz'aj ste'x 'at te 'ac 'a scal stza no noc' 'a yol junc jul.

Is 28:3

A jun chon̈b' caw wal tzb'an̈ eb' 'u'm 'an̈ 'ay 'a yol yic Efraín, 'oj te'xoc can 'ejm yuj jun winc to caw wal 'ay yip cha.

Is 59:17

A stojlal cha, 'icha smacl sn̈i sc'ojl eb' soldado tz'at 'a 'owal, 'ixta yajch 'a 'a, ax colnb'il tzyac' 'a eb' 'anma', 'icha q'uen xumpilin, 'ixta yaj q'ue 'a sjolom. 'Icha spichl eb' soldado yic owal, 'ixta yowl sc'ojl 'oj yac' spacc 'a eb' 'ajc'ojl tz'ixtn eb' 'anma cha.

Is 63:6

Yet' wal yowl in c'ojol, xin te'n can 'ejm smasnil nacion̈, xin satl eb' yet' yowl in c'ojol, xwa'n b'ey schic'l eb' 'anma 'a sat lu'um, xchi Dios.

Lm 1:15

Caw wal najt xyijcan 'el Cajlil eb' 'anma caw jeln on̈ scoln on̈. Ax eb' soldado 'ajc'ojl yajch 'ayn̈ on̈, a eb' xyij coti, sec tzlajw 'el smasnil eb' qui soldado caw jeln on̈ scolni. An̈ 'aj Judá on̈ tic on̈, on̈ te'x can 'ejm yuj Cajlil 'icha tz'aj ste'x 'el yalil te uva.

Jl 3:13

'Icha wal tz'aj spolx 'ixm trigo tox xc'anb'i, 'ixta tzeyutj eb', yujto 'ix c'och stiempoal sb'eyc'ojlax eb'. Te'c 'ejm eb', 'icha ste'x 'el yalil te uva wach'x yaj 'a yet'ul, yujto caw wal maysch'olnil eb'.

Miqueas 7:10

An̈jtona eb' 'ajc'ojl yajch 'ayn̈ec, 'oj yac' Dios yil pax eb' jun tic, caw 'oj q'uixwc can 'el eb' yu'uj. Atn eb' aljnac 'ayn̈ec 'ixtic: ¿'Ajtil 'ay Jehová e Diosal cha? xchi eb'. Palta a ticnec, 'oj quilc wal tas 'oj 'aj slajw 'el eb'. 'Oj te'wtan̈xoc eb' 'icha lum b'i'ch 'a yoltc caye.

Zacarías 10:5

'Oj ste'cn 'ejm eb' smasnil eb' 'ajc'ojl yajch 'a 'a, 'icha tzyutj eb' soldado ste'n chan̈ b'i'ch 'a yol caye. 'Oj yac' ganar eb' owal, yujto 'ayn 'och yet' eb'. A eb' soldado 'ay q'ue 'a yib'n̈ chej, 'oj can eb' 'a yaln̈ yuj eb'.

Malaquías 4:3

A 'a yic jun c'ul cha, 'oj e te'cn 'ejm eb' tzb'on maysch'olnil, 'icha wal tz'aj ste'x q'uen stan̈il c'ac', 'ixta 'oj eyutc eb'.