Is 63:2 - Chuj San Sebastian Bible

² —¿Tas laj yuj chac yilx a pichl cha, 'icha to ach te'w 'el yal uva tzwila? xin chi 'a 'a.

Chuj San Mateo Bible

² —¿Tas yuj chacchac yilji a pichul, ichato ach tec'viel yal sat uva? xin chi d'ay.

Is 63:2 ပူးပေါင်းရင်းမြစ်များ

Gn 49:11

A mach tzpixn 'och sb'uru 'a jun 'ib'c te uva, yet' mach tzju'n 'el spichl yet' yalil te uva cha,

Is 59:17

A stojlal cha, 'icha smacl sn̈i sc'ojl eb' soldado tz'at 'a 'owal, 'ixta yajch 'a 'a, ax colnb'il tzyac' 'a eb' 'anma', 'icha q'uen xumpilin, 'ixta yaj q'ue 'a sjolom. 'Icha spichl eb' soldado yic owal, 'ixta yowl sc'ojl 'oj yac' spacc 'a eb' 'ajc'ojl tz'ixtn eb' 'anma cha.

Is 63:1

An Isaías in tic, xin c'anb'n 'ixtic: —¿Mach jun chi tzcot 'a niwquil chon̈b' Bosra, 'a yol smacb'en Edom, chac spichl 'aychi, caw wal 'ay xo smay yilxi? Caw wal niwc winc sjawi, tzjaw yet' smasnil yip, xin chi. Xta'w jun chi 'ixtic: —An tic Jehová in, 'ay waln wic in b'eyc'ojlwi, tztac' pax ex in coln 'el yet' in poder, xchi.

Ez 35:6

Yuj cha, an Jehová in, an tzwa'cn in ti', to 'oj ach wa'ch 'a yol sc'ab' chamel, ax chaml chi 'oj 'a pechn b'eyc'oc, yujto 'ayx 'och chaml chi 'a eb'an̈.

Apoc 14:19

Yuj cha, 'ix spoln 'och jun ángel chi sjos 'a yolyib'n̈q'uinal. 'Ix yi'n q'ue wan jun tzo'n̈ uva chi smasnil. 'Ix ya'n 'ejm 'a yojl jun niwquil te'lab' 'el yal uva. A jun cha, tzyal 'el'chi, atn yowl sc'ojl Dios.

Apoc 19:13

Ax spichl 'aych yu'uj, lab'b'il 'ejm 'a scal chic'. Ax sb'i, atn Spaxti Dios.

Apoc 19:15

A 'a yol sti jun 'aj tza'n 'och eb' cha, ata 'ay 'elt jun espada caw jay ye, yic tzya'n lajwc junjn nacion̈ yet'oc. A 'oj 'och Yajlil 'a eb', yet' sq'uen c'ococh. 'Icha ste'x 'el yal uva, 'ixta 'oj 'aj eb' yu'uj. Caw 'oj 'ajxc syailal eb' si'mb'il yuj yowl sc'ojl Dios, atn Dios tztac' yuj smasnil.