Is 63:12 - Chuj San Sebastian Bible

¹² Atn Jehová 'aych yipc Moisés yic xb'ey 'a yol b'e, jun x'a'n spoj sb'a a mar 'a yojltac eb' schon̈ab', sec tzb'inax 'a smasnil tiempo yuj eb'.

Chuj San Mateo Bible

¹² Aton jun sch'oxnac spoder d'a vin̈aj Moisés. A Jehová pojjinac snan̈al a' mar d'a yichan̈ eb' schon̈ab', yic sb'inajn̈ej sb'i eb' d'a juneln̈ej.

Is 63:12 ပူးပေါင်းရင်းမြစ်များ

Nehemías 9:10

Ach 'ix a b'o jun tzo'n̈ niwc milagro satjub'tac yilx 'a sat win sreyl Eigpto, 'a sat smasnil eb' schon̈b' 'a yol snacion̈ cha, yujto ojtac chajtl wal xyutj eb' yixtn eb' qui mam quichm on̈. Caw niwquil tz'aj sb'inax a b'i 'icha 'a jun c'u tic.

Nehemías 9:11

'Ix ac' spoj sb'a snan̈l a mar 'a sat eb', 'ix 'ec' eb' 'a stacn̈il lu'um; ax eb' pechjnac eb', 'ix 'atcn eb' 'a xab'l yich a', 'icha junc q'uen tzjulx 'at 'a yojl junc a sutb'il a'.

Salmos 78:13

'Ix poj snan̈l a mar yu'uj, schecn 'ec' eb' 'anma 'a yojol, syamn can 'och wan jun a chi 'icha junc muro.

Salmos 80:1

Ach quilmal an̈ israel on̈ tic, ach 'aych 'och yilmalc eb' yin̈tl José, eb' 'icha a calnelu yaji, 'aych 'ec' 'a a despacho 'a snan̈l eb' querubín, 'ab' wal tas tzwala.

Ex 15:13

Yuj a niwn chamc'ojlal, tzon̈ e'n b'ey an̈ a chon̈b' on̈ tic, on̈ a coln 'elt yet' a poder, yic tzon̈ e'n 'at 'a lum lum to sic'b'il 'el o'oj yic tzach 'aj cajn ta'.

Ex 15:16

Mamin Jehová, xiw cab' chan̈ eb' yajl cha, sicb'oc cab' can 'el eb'. 'Icha cab' q'uen tz'ajcn eb' yuj a poder, masnto 'oj que'cn an̈ colb'iln̈ 'el 'oj tic.

Ex 15:6

Mamin Jehová, caw wal 'ay a poder, 'ix a satl eb' 'ajc'ojl cha.

Ex 6:6

A ticnec jun, 'at al 'a eb' et israelal cha, to an Jehová in, an tzwal 'ixtic: 'Oj ex in col-l 'a 'aj 'ayx 'och mosoal tic, 'aj 'oltac tzex 'aj yuj munljel. 'Oj in ch'ox in poder 'a eb' 'aj Egipto tic, to 'oj wa'ch niwc yailal 'a yib'n̈ eb'. 'Ixta 'oj ex wutc ex in coln 'el 'a yol sc'ab' jun chon̈b' tic.

Is 11:15

'Oj yac' Jehová tup chan̈ jun sc'ab' a Chac mar. Ax ya'n cot jun niwquil 'ic' caw c'ac' 'a yib'n̈ 'a niwn a Éufrates. 'Oj tupcn chan̈ a', uque 'oj 'elcn a 'a yet'l cha. Wach' 'oj 'ec' 'anma 'a yojl a', man̈x yowlalc tzyij 'el eb' xan̈ab'.

Is 43:16

A Jehová a jacjnac jun b'e 'a yojl a mar, atn jun b'e 'ix 'ec' 'a snan̈l a'.

Is 44:27

Tztac' waln 'a a mar to tztup chan̈ a', smasnil yoctc a a tzb'eyi, c'uxn 'oj tup cha'an̈.

Is 51:10

'Ix a'n tup a mar yet' eb' a niwc a caw xab' yich, ax xab'l yich a mar cha, 'ix a'ch b'eal, sec a eb' colb'il 'el o'oj, wach' 'ix 'ec' eb' 'a yojl a'.

Is 55:13

A lum lum 'aj 'ay te q'ui'ix, a te c'u'taj 'oj q'uib'x 'a sat lum sjelc te'. Ax lum lum 'aj 'ay eb' te pechac, a te arrayán 'oj q'uib' sjelc te', atn jun tic 'oj in b'o an Jehová in, yuj yi'nb'ilc chan̈ in b'i, to 'oj in nax cot yuj 'a smasnil tiempo, xchi Dios.

Jeremías 31:32

An Jehová in, an tzwala to a wal jun in trato 'oj wac' yet' eb' cha, caw man̈ lajnoc 'icha jun in b'ojnac yet' eb' smam yichm eb', yic wi'n 'elt eb' 'a lum Egipto. A yic cha, 'icha to 'ochnc in quetzn 'a sc'ab' eb' yic wi'n 'elt eb'. Wach'xam lajn in 'icha junc winc yet' yistzil, 'ixta waj 'a eb', palta ma'ix syiclj eb' jun in trato cha.

Jeremías 32:20

Ach 'ix a b'o jun tzo'n̈ niwc milagro, yet' jun tzo'n̈ ch'oxnb'il caw niwc yel'ch 'a Egipto. An̈jtona ticnec, til to wal tas tza ch'ox 'a qui cal an̈ israel on̈ tic on̈, yet' pax 'a scal smasnil 'anma'. Yuj cha, caw niwn el'chi.

Jeremías 32:21

Yet' wal a niwquil poder cha, 'ix e'n 'elt a chon̈b' Israel tic 'a Egipto, yic tza ch'oxn jun tzo'n̈ niwc milagro, yet' jun tzo'n̈ senya xlaj a ch'oxo'. Yuj cha, xlaj xiwcn chan̈ eb' 'anma'.

Ro 9:17

Tz'ib'b'il can 'a Ch'an̈ U'un̈, tas yaljnac Dios 'a win faraón, atn win syajlil Egipto. A 'aj tzyal 'ixtic: Wa'jnacch 'och reyl 'a jun chon̈b' tic, sec wach' 'oj checljoc 'el in poder yuj tas 'oj ach wutoc. Ax eb' 'anma 'a yolyib'n̈q'uinl tic, c'uxn 'oj laj yab' eb', to caw niwn wel'chi, xchi Dios.

Josué 3:16

Span̈tzan sb'a a 'a snajtil 'el sti chon̈b' Adam, masnto 'ix c'och a ste'n sb'a 'a 'aj 'aych smuroal chon̈b' Saretán. Ax a xcan 'a yaln̈ 'ejm cha, 'ix b'eyn̈j 'at a', masnto xlajw c'och 'a a Mar Muerto. 'Ix tacj can chan̈ sb'e a cha, ya sb'a x'ec' eb' israel 'a yojl a'.