Is 62:5 - Chuj San Sebastian Bible

⁵ Yujto 'icha junc win quelm tznupn yet' junc 'ix cob'es, 'ixta 'oj ex yutc Dios, 'oj 'och eyajloc, ax ya'n tzaljoc sc'ojl eyet'oc, 'icha stzalj junc win quelm yet' yistzil, 'ixta 'oj eyaji.

Chuj San Mateo Bible

⁵ Yujto icha val junoc vin̈ quelem snupnaj yed' junoc ix cob'es, icha chi' ol in aj eyed'oc, ol in ochxoc eyed'oc, ol in tzalaj eyed'oc, icha stzalaj junoc vin̈ quelem yed' yetb'eyum, icha chi' ol in tzalaj eyed'oc.

Is 62:5 ပူးပေါင်းရင်းမြစ်များ

Cantares 3:11

Ex 'ix 'aj Jerusalén, 'eln̈ect eyil sjaw rey Salomón. 'Ay q'ue scorona 'a sjolom, atn jun 'ac'b'il q'ue 'a sjolm yuj snun, jun 'oj sc'ana', yic 'oj 'och 'a nupnel. A 'a jun c'u cha, til wal tzaljc'ojlal 'oj 'och ta', xchi eb' 'anma'.

Cantares 4:8

Ach cob's 'ix to 'oj och wistloc, 'el con̈ 'a lum Líbano tic. 'Oj calcn qui b'a 'a lum jolm witz Amana, 'a lum jolm witz Senir yet' 'a lum jolm witz Hermón; a 'a lum jolm witz chi 'ay sn̈aq'uen e no león, a pax ta 'ay yet'l e no leopardo.

Is 62:4

Yuj cha, man̈x 'oj alxoc 'ayex to 'Actb'ilx Cani, man̈x 'oj alxc pax 'a e lu'um to Satnc Ex 'Eli, palta to 'oj 'ajxoc e b'ioc, to Nib'b'ilx Yuj Dios, ax yalx 'a e lu'um, to 'Ayx Yajal. Yujto ax tic, nib'b'ilx yuj Jehová, a Yajl yaj 'a yib'n̈ e lu'um.

Is 65:19

An̈jtona 'in, 'oj in tzalj pax yuj chon̈b' Jerusalén, 'oj in tzalj pax wiln 'och eb' in chon̈ab'. Man̈x 'a b'a'n̈ 'oj 'ab'xoc yel yaw 'anma yoc' 'a jun chon̈b' cha.

Jeremías 32:41

Yet' wal in tzaljc'ojlal, ax in b'on tas wach' 'a eb'. Yet' smasnil in c'ojol, 'a caw syelal, ax wa'n 'aj cajn eb' 'a jun nacion̈ tic, xchi Dios.

Os 2:19

Ach chon̈b' Israel, 'icha to 'oj ach wistzilc 'a jun 'ejmn̈ej yet' 'a stojlal, 'a 'icha wal sleyal, yujto 'oj ach in ya'iloc, ax ach in chamc'ojlani.

Os 2:21

An Jehová in, an tzwala: A 'a jun tiempoal cha, 'oj wal 'a satcha'an̈, ax satchan̈ chi 'oj 'a'nc paxt n̈ab' 'a sat lum lu'um.

Sofonías 3:17

A Jehová e Diosal, a 'ayc' eyet'oc. A spoder tzex colni. Caw 'oj tzaljoc eyet'oc. Yuj schamc'ojlal 'ayex, yuj cha man̈x 'a tas 'oj e na'. A yuj stzaljc'ojlal cha, ax e b'itn cha'an̈, 'oj schioc.

Malaquías 3:12

'Oj yal smasnil nacion̈ eyu'uj, chajtlto caw wach' eyico', yujto yel xo caw wach' 'oj 'aj 'el'ch jun e nacion̈ tic, xchi Dios.

A Ch'an̈ Carta D'a Eb' Hebreo 12:2

Ca'c 'at qui nab'en 'a Jesús, yujto a tz'a'n ca'c 'och qui c'ojl 'a 'a. Yu'uj, caw tz'acn tzcutjec ca'n 'och 'a qui c'ojol. 'Ix yab' syal 'a te culus. Ma'ix sna jab'oc toto q'uixweltac x'aj schami, yujto yojtac, a yic tzlajw yab'n syal cha, caw tzaljc'ojlal yico'. Ax ticnec, wocn 'ejm 'a sdespacho Dios 'a swach' c'ab'.