Is 61:7 - Chuj San Sebastian Bible

⁷ Ax tic 'ec'b'al xo xeyutj eyab'n syail, 'ec'b'al ex 'aj e b'uchxi, ex laj b'ajxi, yuj cha, ax ticnec, 'ec'b'al xo sricoal 'oj eyaj 'a yol e chon̈ab', man̈x 'a b'a'n̈ 'ay slajb' e tzaljc'ojlal.

Chuj San Mateo Bible

⁷ A ex tic, icha val ix aj eyab'an syail, q'uixvelal yed' b'uchval, icha pax chi' ol aj e chaan e b'eyumal yed' e tzalajc'olal, malaj slajvub'.

Is 61:7 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 2:9

Ax yic tox 'ix c'axw 'ec' eb', 'ix yaln Elías 'a Eliseo 'ixtic: —Al 'ayin tas tza nib'j tzwac' 'ayach, ya' sb'a mantzac in 'ijx 'el 'a a tz'ey, xchi Elías. —Tzin tew 'ayach, comnoc cha'ejm tzotj a'n can espíritu yic opiso 'ayin, 'icha to a b'ab'l 'unnal tzin 'ajcn a jeloc, xchi Eliseo cha.

Job 42:10

A yic xlajw sleslwi can Job yuj eb' swach'c'ojl cha, 'ixta to b'i'an, 'ix ya'n pax Jehová swach'c'ojlal 'a yib'n̈ jun 'ejm xo, 'icha xon 'a yic yalan̈, 'ec'b'al to xyutj pax Dios ya'n sjel 'a 'a.

Salmos 126:5

A eb' tz'aw yet' scusc'ojlal, ax yic 'oj smolnoc chan̈ eb' sat yawb'en cha, caw 'oj tzaljoc eb'.

Salmos 16:11

'Ix ac' wojcoc 'el jun b'e yic q'uinl 'a jun 'ejmn̈ej. Caw niwn tzaljc'ojlal 'oj ac' 'ayin, yic 'oj in c'och 'a ojltac. 'Ay tzaljc'ojlal 'a a tz'ey 'a jun 'ejmn̈ej.

Is 35:10

A eb' colb'ilx 'el yu'uj, caw 'oj b'itn eb' 'a stzaljc'ojlal yic 'oj c'och eb' 'a Sión. 'Oj 'aj cajn eb' ta 'a tzaljc'ojlal yet' 'a jun 'ejmn̈ej. 'Oj 'ilchjoc wach'il yet' tzaljc'ojlal yuj eb', ax yailal yet' 'oq'uel, 'oj satcn 'eli.

Is 40:2

Wach' tzeyutj paxtinc e b'a 'a eb' 'aj Jerusalén, tzeyaln 'a eb' chajtlto man̈x b'a'n̈ 'oj 'och eb' mosoal, tox 'ix stuplajwc eb' stenmtaquil yet' smaysch'olnilal, tox 'ix schaj eb' syailal 'a 'ayn an Jehová in, xchi Dios.

Is 51:11

'Ixta pax 'oj 'aj smeltzj eb' colb'ilx 'el 'oj Mamin Jehová, caw 'ip sb'itn eb' yuj tzaljc'ojlal ax sjapx eb' 'a Sión. Caw wal tzetzetzn sat eb' yuj tzaljc'ojlal, yujto 'oj 'ilchjoc pax wach'l yuj eb', ax yailal yet' 'oq'uel, 'oj sat 'ejm 'a scal eb'.

Is 54:4

Ex 'aj Jerusalén, man̈x ex xiwoc, man̈x 'oj e can 'a q'uixwc'ojlal, man̈x 'a mach 'oj eyi'n 'ejmi. 'Oj eyac' sat e c'ojl 'a tas x'aj yel e q'uixwel 'a yic yalan̈, atn 'a yic 'actb'ilx can 'icha tzyac' junc 'ix 'ix tz'actx can yuj yichmil.

Is 60:15

Man̈x 'oj e can e ch'ocoj, man̈xtoc chacb'ilx 'eli, palta to 'oj wac' in wach'c'ojlal 'ayx 'a jun 'ejmn̈ej, yuj cha, to 'ayn̈j tzaljc'ojlal 'a smasnil tiempo.

Is 60:21

A smasnil eb' eyit chon̈b' 'a jun tiempoal cha, caw wach'n̈j 'oj 'aj snab'en eb'. 'Oj yico'oc pax eb' lum e lum chi 'a jun 'ejmn̈ej. Lajn wal eb' 'icha swol junc 'awb'ente', sec tzin b'inax yuj eb'.

Is 65:13

Palta tzwal 'ayex, to a eb' in checab' 'ay tas 'oj sc'ux eb', ax xo tic, 'oj e cham yuj wejel. 'Ay tas 'oj yuc' eb', ax xo, 'oj e cham yuj tacn̈ti'al. 'Oj tzaljoc eb', ax xo, to 'oj e q'uixw can 'eli.

Sofonías 3:19

A 'a yic jun tiempoal cha, 'oj wac' yowlal 'a jun tzo'n̈ eb' ex 'ixtni. 'Oj in colwj 'a eb' 'anma 'aych syailal yet' 'a eb' sactzicnac yajcn 'ati. 'Oj wi' chan̈ e b'inab'ilal 'a 'aj ex patquilx can 'el 'a smasnil yolyib'n̈q'uinal.

Zacarías 8:12

'Oj can eb' 'a junc'ojlal. A yuva eb', caw wal 'oj yac' sat. A slum eb', yel xo wach' 'oj yutc ya'n sb'a'al. A satcha'an̈ a 'oj 'a'nc cot chicb'cha'an̈. An xo 'oj wac' smasnil jun tzo'n̈ chi 'a eb' 'anma tzcan to 'a jun chon̈b' tic.

Zacarías 9:12

Ax 'icha preso eyaji, to an 'ayn xo 'och yipc e c'ojol, meltzjan̈c 'a 'aj wach' 'oj eyaji. Tzwal 'ayx ticnec, an 'oj wac' yaxilal 'a eyib'an̈. 'Ec'b'al 'oj wutc in pactzan 'ayx 'a yib'n̈ 'icha xeyab' syail.

Mt 25:46

A eb' cha, 'oj 'atcn eb' 'a yailal 'a jun 'ejmn̈ej. Palta ax eb' tojl sb'eyb'al, 'oj scha eb' sq'uinl 'a jun 'ejmn̈ej, xchi Jesucristo 'a eb'.

2 Co 4:17

A jun tzo'n̈ tas tzjaw 'a quib'n̈ on̈, may jac yel'ch 'a qui sat on̈, 'e'lb'an̈j yeq'ui. Palta yu'uj, 'oj qui cha jun caw niwn yel'ch on̈. A jun cha, man̈ jantcoc swach'il, 'ayc'n̈ej 'a jun 'ejmn̈ej.

Dt 21:17

Yuj cha, yowlal tzchaj win mamb'il chi jun yunnal chi sb'ab'l 'unnaloc, cha'ejm tzyutj win ya'n smacl jun yunnal chi 'a tas 'ay 'a 'a, yujto caw sb'ab'l 'unnal yaji; 'ay yaln win yic schan smasnil smacl yic sb'ab'l 'unnab'ilal cha.

2 Ts 2:16

A Cajlil Jesucristo yet' qui Mam Dios, caw 'ay schamc'ojlal 'ayn̈ec. Yuj wal swach'c'ojlal, tzya'n sniwnal qui c'ojlec 'a smasnil tiempo. Tzya'n pax ca'c 'och swach'l chi yipc qui c'ojol.