Is 60:21 - Chuj San Sebastian Bible

²¹ A smasnil eb' eyit chon̈b' 'a jun tiempoal cha, caw wach'n̈j 'oj 'aj snab'en eb'. 'Oj yico'oc pax eb' lum e lum chi 'a jun 'ejmn̈ej. Lajn wal eb' 'icha swol junc 'awb'ente', sec tzin b'inax yuj eb'.

Chuj San Mateo Bible

²¹ Masanil eb' eyetchon̈ab', vach'n̈ej ol aj spensar eb'. Ol yiquejpax slum eb' d'a juneln̈ej. Lajan ol aj eb' icha svol junoc te' avb'en te' avab'il vuuj. Ol in c'ulej jun chi' yuj vic'jichaan̈.

Is 60:21 ပူးပေါင်းရင်းမြစ်များ

A Ch'an̈ Schab'l Libro Samuel 7:10

An̈jtona', in b'ojnac jun e lugar 'aj wach' tzex can cajn ax in chon̈b' ex tic. Man̈x 'a b'a'n̈ 'ay mach 'oj eyi'n 'el 'a 'a, man̈x 'a eb' tu snab'en 'oj eyixtn 'icha 'a yictax pecti',

Salmos 37:11

A eb' 'emmquilal yeq'ui, 'oj scaj eb' lum lum tic; ax ya'n eb' snab'en yaj cajn 'a sat lum 'a junc'ojlal.

Salmos 37:18

A Jehová a 'ojtnac jantc sq'uinl eb' tojl sb'eyb'al, ax tas smacl eb' yaji, 'ayc'n̈ej 'a jun 'ejmn̈ej.

Salmos 37:22

A eb' 'aj tz'ajx yaxilal, a eb' 'oj cajnc lum lum tic, ax pax eb' tzcatb'tzax can 'eli, 'oj satxoc can 'el eb'.

Salmos 37:29

A eb' 'anma tojl snab'en, a eb' 'oj 'i'noc can lum lum tic smacloc, 'oj 'aj cajn eb' 'a sat lum 'a smasnil tiempo.

Salmos 92:13

Yujto 'ayc' eb' 'a yamq'uil atut Mamin Jehová; wach' 'oj 'el'choc eb', yujto 'ayc' eb' 'a a stz'ey ach qui Diosal on̈.

Is 19:25

A Jehová tztac' yuj smasnil, 'oj yac' swach'c'ojlal 'a yib'n̈ eb' nacion̈ cha, ax yaln 'ixtic: 'Oj wac' in wach'c'ojlal 'a yib'n̈ in chon̈b' Egipto, yet' 'a yib'n̈ Asiria, atn in b'ob'en, yet' 'a yib'n̈ Israel, atn jun chon̈b' to wic xon yaji, 'oj schioc.

Is 24:16

Caw 'oj 'ab'xoc sb'itn eb' 'a 'aj tzlajw c'och sti lum lu'um, yuj yijx chan̈ sb'i Dios, jun caw tojl snab'en. Palta xwaln 'ixtic: 'Oltacn wali, caw wan in lajw 'el tzwab'i. A eb' tu snab'en cha, caw tu tas tzb'o eb'.

Is 26:2

Jacw cab' spuertail jun chon̈b' cha, to 'oj 'och jun nacion̈al eb' 'anma tojl snab'en 'a yojol, atn eb' yiclumn̈ej 'a Dios.

Is 29:23

Yujto a yic 'oj eyiln sniwtj eb' eyin̈til, 'oj eyal wach' paxti 'ayin, ax eyi'n chan̈ in b'i, to Cojxn In Ton Dios In.

Is 43:21

B'ob'ilx wu'uj, yic tzeyaln wach' paxti 'ayin.

Is 43:7

Atn smasnil eb' wico', an in pitzjnac 'el eb', in b'on eb', yuj yi'nb'ilc chan̈ in b'i, 'oj in chioc.

Is 44:23

A satcha'an̈, 'el cab' yaw sb'itn 'a tzaljc'ojlal yuj smasnil tas sb'ojnac Jehová. A xab'l yich lum lu'um, q'ue cab' yaw, ax eb' lum niwc witz, eb' lum tzalctac, yet' eb' te niwc te smasnil, ya'l cab' eb' yaw yuj tzaljc'ojlal. Yujto a Jehová tox 'ix sch'oxl stzictznial yic 'ix 'ajx 'el eb' israel 'a libre, atn eb' yin̈tl can Jacob.

Is 45:11

A Jehová qui Diosal an̈ israel on̈ tic, atn jun Dios To Cojxni, a b'ojnac n̈ec, a tzaln 'ixtic: ¿Tom ax 'oj eyal 'ayin tas 'oj in b'o yet' eb' wunnal 'a yic b'aq'uin̈? ¿Tom ax 'oj eyac' in nab'enoc tas 'oj in b'o'?

Is 45:24

'Oj yaln eb' 'ixtic: Caw yel ton b'i'an, cojn 'a Jehová 'ay tojlal, caw 'ay pax yip, 'oj xchic eb'. Ax smasnil eb' 'ajc'ojl yajch 'ayin, 'oj q'uixwc can 'el eb'.

Is 45:25

Cojn 'ayn an Jehová in, ata 'oj yic' eb' yin̈tl Israel tojlal, 'oj yac' eb' tzaljoc sc'ojl wu'uj, xchi Dios.

Is 45:8

An 'oj wa' cot tojlal 'a satcha'an̈, 'icha tz'aj scot chicb'cha'an̈, 'icha pax tz'aj scot n̈ab' 'a scal 'asun, ax lum lum tzchan yemli. Niwtj cab' colnb'il 'icha sat te 'awb'ente', ax tojlal, pojl cab' 'icha te snich te', yujto an Jehová in, an 'oj wac' 'el'choc, xchi.

Is 49:3

'Ix yaln 'ayn 'ixtic: Ach yin̈tl Israel in checb' 'aji, ojn̈ej ax checlj 'eli to niwn wel'chi, xchi.

Is 51:2

'Iltec nab'n e mam 'ichm Abraham yet' e nun chichm Sara. May yunnal eb', sch'ocj eb' schawn̈il yic xwawtn eb'. Palta xwac' in yaxilal 'a yib'n̈ eb', til wal x'aj sniwtj yin̈tl eb'.

Is 52:1

Ex 'aj Sión mto Jerusalén, pitzc 'el 'a e sat, te'wtzejc e b'a, 'a'c eyip, yujto schon̈b' ex Dios. Ch'oxc 'el e jelnal 'ac'b'il 'ayx yu'uj, sec man̈x 'a b'a'n̈ 'oj 'oxtoc eb' chuc chon̈b'al 'a e cal, yic tzex yi'n can 'ejm eb'.

Is 54:17

Palta ach xo tic, may xon junc mach tztac' sb'on junc yamc'ab' tztac' ach satn 'eli. A eb' tzach cob' 'a'n queja, sictac xoj 'oj 'ajcn eb' o'oj. Atn jun tic tzwac' in ti wa'n 'a eb' in checab', an Jehová in, an 'oj in col-l eb', xchi Dios.

Is 57:13

A yic 'oj 'el eyaw e c'ann in colwal, an xo tzwal 'ayex to a cab' eb' e diosal chi tzex colni. A eb' cha lajn eb' 'icha c'alem, 'oj 'utz'xoc 'at eb' yuj 'ic'. Ax pax eb' tzin 'a'n 'och 'a sc'ojol, 'oj can cajn eb' 'a jun chon̈b' tic, 'oj can eb' 'a lum tzaln to wicn̈ej yaji, xchi Dios.

Is 61:11

Yujto 'icha wal tz'aj spac' q'uet junc 'in̈t 'a yol lu'um, mto 'icha tz'aj sq'uel swol junc 'awb'ente', 'ixta 'oj yutc Jehová ya'n checljoc chan̈ stojlal, sec tzalx wach' paxti yuj eb' nacion̈ 'a 'a.

Is 61:3

In jaw wul wac' scorona eb' 'aj Sión 'aych 'a scusc'ojlal, atn sniwnal sc'ojl eb' tz'ajx sjelc stan̈il c'ac' tzlaj yac' q'ue eb' 'a sjolom. Tzwa'n stzaljc'ojlal eb' sjelc yal sat, ax eb' 'ay somc'ojlal, a b'it yic alj wach' paxti', a tzwa'cn 'a eb'. Ax yalx yuj eb' to lajn eb' 'icha junc 'awb'ente 'awb'il yuj Jehová. 'Oj sb'o eb' tojlal, sec 'oj b'inaxc sb'i yuj eb'.

Is 61:7

Ax tic 'ec'b'al xo xeyutj eyab'n syail, 'ec'b'al ex 'aj e b'uchxi, ex laj b'ajxi, yuj cha, ax ticnec, 'ec'b'al xo sricoal 'oj eyaj 'a yol e chon̈ab', man̈x 'a b'a'n̈ 'ay slajb' e tzaljc'ojlal.

Is 62:4

Yuj cha, man̈x 'oj alxoc 'ayex to 'Actb'ilx Cani, man̈x 'oj alxc pax 'a e lu'um to Satnc Ex 'Eli, palta to 'oj 'ajxoc e b'ioc, to Nib'b'ilx Yuj Dios, ax yalx 'a e lu'um, to 'Ayx Yajal. Yujto ax tic, nib'b'ilx yuj Jehová, a Yajl yaj 'a yib'n̈ e lu'um.

Is 64:8

Mamin Jehová, ach tic qui Mam aj on̈; an̈ xo tic on̈, lum on̈n̈ej, ach tz'acjnacn̈ yet' lum lu'um, caw ach b'ojnacn̈ on̈.

Is 65:9

'Oj wactc can jaywn̈ocx eb' yin̈tl Jacob, sec wach' 'ay eb' 'anma cajn 'a eb' lum jolmctac witz 'a yol yic Judá. A eb' sic'b'il 'el wu'uj, 'oj can cajn eb' 'a lum lum tzwac' yico'oc cha, 'oj can cajn eb' in checb' chi ta'.

Jeremías 24:6

'Oj in tan̈wcn̈ej eb', ax wi'n meltzjoc paxt eb' 'a jun nacion̈ tic. A 'a tic 'oj wac' q'ue'choc eb', man̈x 'oj in satl eb'. 'Icha wal to 'oj wawc can 'ejm eb', man̈x 'oj in toc' chan̈ eb' jun 'ejm xo.

Jeremías 32:41

Yet' wal in tzaljc'ojlal, ax in b'on tas wach' 'a eb'. Yet' smasnil in c'ojol, 'a caw syelal, ax wa'n 'aj cajn eb' 'a jun nacion̈ tic, xchi Dios.

Ez 11:17

An 'oj ex in molb'tzoc cot 'a jun tzo'n̈ nacion̈ 'aj sactzicnac eyajcn 'ati, ax wa'n chon̈b' Israel tic eyico'oc.

Ez 34:29

An 'oj wac' yaxb'oc sat lum slum eb' cha, sec man̈x b'a'n̈ tz'ixtx eb' yuj wejel, ax yactn eb' nacion̈ chi sb'uchn eb'.

Ez 37:25

'Oj e cajx lum lum wa'jnac 'a win in checb' Jacob, atn lum 'aj 'e'nc cajn eb' e mam eyicham. A pax lum 'oj e cajx yet' eb' eyunnal yet' eb' eyin̈tl b'aq'uin̈, ax junc yin̈tl in checb' David, a 'oj 'och eyajloc 'a jun 'ejmn̈ej.

Ez 47:7

ax xwilni, til wal jun tzo'n̈ te te 'ib'ctac yaj 'a sti jun a cha, 'ayn̈j eb' te 'a schapaq'uil sti a'.

Am 9:15

An Jehová Dios in, an tzwala, to 'oj wac' scajx eb' slu'um. A slum eb' 'oj wac' cha, man̈x 'a b'a'n̈ 'oj 'ijxoc 'el eb' 'a sat jun 'ejm xo, xchi Dios.

Abdías 1:17

Palta a pax lum tzaln Sión, caw wic 'oj 'ajcn lu'um. Ata 'oj 'aj cajn eb' yin̈tl Jacob, atn eb' 'oj colchjoc to cani. 'Oj yi'x eb' slum jun 'ejm xo.

Sofonías 3:13

A eb' israel 'oj can to, man̈x 'oj sb'o eb' tas maysch'olnil, man̈x 'oj yac' eb' 'es. Man̈x 'a mach 'oj yixtc paxti eb', 'oj wa eb', ax yilj eb', man̈x 'a mach 'oj xib'tnoc eb', xchi Dios.

Mt 15:13

Palta xyaln pax 'a eb' 'ixtic: —Jantcn̈ej jun tzo'n̈ te man̈ 'awb'ilc yuj qui Mam 'ayc' 'a satcha'an̈, 'oj to'x q'uet yet' sch'an̈l yib'. Yuj cha, 'icha junc te chi tzto'x q'uet cha, 'ixta 'oj 'aj eb'.

Mt 5:5

A eb' 'emmquil tzyutj sb'a, caw wach' yic eb', yujto 'oj yico'oc eb' jun lugar 'aj ya'jnac can Dios sti'.

Jn 15:2

Toto 'ay te sc'ab' matz laj satni, ax win 'aych stzu'n 'eli. Toto 'ay te sc'ab' wach' satni, ax win 'aych laj swach' mesn 'el te', sec tzwach' satni. 'Icha tzyutj win sb'on te', 'ixta tzyutj in Mam sb'on eb' 'aych snab'en 'ayin.

Ef 1:12

An̈ tic on̈, qui b'ab'l 'a'jnac 'och Cristo yipc qui c'ojl on̈. Yuj cha, x'el 'a sc'ojl Dios to cuj on̈, tzalx wach' paxti 'a 'a, chajtlto caw niwn swach'il.

Ef 1:6

Yuj cha, tzcalc wach' paxti 'a 'a, yujto caw niwn yel'ch swach'c'ojlal. 'Ix ch'ox wal swach'c'ojlal tic 'ayn̈ec, yujto junxn̈ej cajc yet' Yunnal, atn jun caw chamc'ojlb'il yu'uj.

Ef 2:10

A Dios on̈ b'onec 'a scha'ejmal yuj Cristo Jesús, sec caw wach' tzcutjec qui b'eyb'al 'a 'a. Yictax pecti', snajnac cani, chajtl 'oj cutquec qui b'eyb'al.

Ef 2:7

'Ixta xyutj Dios 'ayn̈ec, sec wach' a yic 'oj jawc jun tiempoal, an̈j 'ijnoc 'oj sch'oxo', to niwn schamc'ojlal 'ayn̈ec. Ax sch'oxn pax swach'c'ojlal 'ayn̈ec, yujto junxn̈ej cajc yet' Cristo Jesús.

2 Ts 1:10

A 'a yic jun c'u yic 'oj jawc Cajlilec, caw niwn yel'ch 'oj 'aj 'a qui satc an̈ yic on̈c xo. Qui masnil an̈ creyente on̈ec, 'oj ca'c 'ejm qui b'a 'a 'a. Locn ex quet' ta 'on̈, yujto eya'jnac 'och e c'ojl 'a jun 'ab'x 'ec' caljnac 'ayx on̈.

A Schab'il Carta San Pedro 3:13

Palta an̈ec xo tic, wan qui tan̈wniec junx 'ac' satcha'an̈, yet' junx 'ac' yolyib'n̈q'uinal, yujto 'ixta yaj ya'n can Dios sti'. A wal eb' 'oj c'och ta', tojl xoj 'oj 'aj snab'en eb'.

Apoc 21:27

May junc maysch'olnil sb'eyb'al 'oj c'och 'a yol jun chon̈b' cha. May junc mach tzb'on jun tzo'n̈ tas yajb'il yuj Dios 'oj c'och ta'. May pax junc 'a'm 'es 'oj c'och ta'. Cojn eb' tz'ib'b'ilx sb'i 'a jun libro yic q'uinl 'a jun 'ejmn̈ej, cojn eb' 'oj c'ochoc. A jun libro cha, yic jun tzcuch Calnelu.

Apoc 21:7

A eb' tz'a'n ganar ya'n techjoc, 'oj scha eb' smasnil jun tzo'n̈ tic smacloc 'ayin. Yujto an tic, sDiosal in eb', ax eb' wunnal eb', wisl eb'.

Apoc 5:10

Ach xa'ch eb' reyal. Ach a'jnac yopiso junjn eb', yic tzya'n 'och eb' sti 'a Dios. Ax yoch eb' yajlil 'a yolyib'n̈q'uinal, xchi eb'.