Is 60:18 - Chuj San Sebastian Bible

¹⁸ Man̈x b'a'n̈ 'oj 'ab'xoc speclal smilx cham 'anma 'a e lum cha, man̈x 'a mach 'oj satxoc 'el 'a yol e macb'en. A e colnb'il xwac'a, a chi 'icha muro yajch oyn 'ayex, ax e b'inab'ilal, a chi 'icha spuertail e chon̈b' yaji.

Chuj San Mateo Bible

¹⁸ A d'a e luum chi', man̈xa milojcham anima, oval yed' jantac chucal ol ujoc. Man̈xa tas ol satel d'a yol e macb'en chi' yuj oval. A in ol ex in col icha junoc muro, ol in eyic'chaan̈ yujto ix ex in colo'.

Is 60:18 ပူးပေါင်းရင်းမြစ်များ

A Ch'an̈ Schab'l Libro Samuel 7:10

An̈jtona', in b'ojnac jun e lugar 'aj wach' tzex can cajn ax in chon̈b' ex tic. Man̈x 'a b'a'n̈ 'ay mach 'oj eyi'n 'el 'a 'a, man̈x 'a eb' tu snab'en 'oj eyixtn 'icha 'a yictax pecti',

Salmos 147:14

A tz'a'n junc'ojlal a qui lugar 'aj 'ayn̈ec, tzya'n qui wa 'ixm trigo caw wach'.

Is 11:9

Xyaln Jehová 'ixtic: Man̈x 'a xon yailal 'oj jawc 'a tzaln Sión, atn jun sic'b'il 'el wu'uj, xchi. 'Icha wal tz'aj sb'ut'j 'el a mar, 'ixta wal tz'aj yolyib'n̈q'uinl tic sb'ut'j 'el yuj eb' 'anma tz'ojcan 'el Jehová.

Is 2:4

A Jehová 'oj sb'eyc'ojloc eb' 'anma yic junjn nacion̈ 'aj 'ay owal, 'oj yac' lajwc 'ejm owl chi 'a scal eb'. Ax syamc'ab' eb' yic owl cha, a q'uen espada, 'oj 'ochcn q'uen 'asaronal, ax q'uen lanza, 'oj 'ochcn pax q'uen josal. A 'a jun tiempoal cha, man̈x 'a junc nacion̈ 'oj yac' owl yet' junc xo nacion̈, man̈x 'a pax eb' soldado 'oj cuyxoc 'a owl cha.

Is 26:1

A 'a yic jun c'ul cha, 'oj b'itnaxc jun b'it tic 'a yol smacb'en Judá 'ixtic: 'Ay wal jun qui chon̈b'ec caw 'ay yip 'aj caw wach' qui colnec qui b'a, caw a Jehová tzon̈ colni, yujto a 'icha muro yaji.

Is 26:2

Jacw cab' spuertail jun chon̈b' cha, to 'oj 'och jun nacion̈al eb' 'anma tojl snab'en 'a yojol, atn eb' yiclumn̈ej 'a Dios.

Is 51:19

'Ix jaw chac'aj yailal 'a eyib'an̈: 'Ix ma'x 'ejm e chon̈ab', xlajw cha, 'ix 'ijx 'ec' tas 'ay 'ayex. Til wal 'anma xcham yuj wejel, 'ay pax eb' xcham yuj owal. ¿Mach to wal eb' 'oj 'o'ch sc'ojl 'ayex? ¿mach to wal eb' 'oj 'a'nc sniwnal e c'ojol?

Is 54:14

A tojlal, a chi 'oj yic' yip 'a scal eb', 'oj colchjoc can 'el eb' 'a yol sc'ab' eb' 'anma tz'ixtn eb', 'oj 'el jun xiwc'ojlal chi 'a scal eb', man̈x 'a tas 'oj xib'tnoc eb'.

Is 56:5

toto 'ixta', 'oj wac' in wach'c'ojlal 'a eb'. 'Ay jun tas niwn yel'ch 'oj wac' 'a eb', 'ec'b'al yel'ch 'a yib'n̈ to 'ay yunnal eb', mto 'ay yisl eb'; a jun cha, may b'a'n̈ 'oj 'och wan sb'inax eb' 'a yol watut yu'uj, yet' 'a scal eb' in chon̈ab'. A jun sb'i eb' cha, may b'a'n̈ 'oj sat 'ejm yalxi, 'oj alxn̈ej 'a smasnil tiempo.

Is 60:11

A spuertail e chon̈ab', jacnn̈ej ax yec' c'u, ax yec' 'ac'wal. Ma'oj macchjoc sec wach' yijx cot eb' sreyl jun tzo'n̈ nacion̈ chi 'ayx yet' sricoal.

Is 60:17

Yuj cha, a tas 'ay 'ayex, 'oj in jela': a q'uen bronce, a q'uen oro 'oj wac' sjeloc; ax q'uen hierro, a q'uen plata 'oj wac' sjeloc; ax te te', a q'uen bronce 'oj wac' sjeloc; ax q'uen q'ue'en, a q'uen hierro 'oj wac' sjeloc. A eb' eyajlil 'oj wac'a', 'oj yac' eb' yajlil 'a stojlal sec 'ay junc'ojlal 'a yol e chon̈ab'.

Is 61:11

Yujto 'icha wal tz'aj spac' q'uet junc 'in̈t 'a yol lu'um, mto 'icha tz'aj sq'uel swol junc 'awb'ente', 'ixta 'oj yutc Jehová ya'n checljoc chan̈ stojlal, sec tzalx wach' paxti yuj eb' nacion̈ 'a 'a.

Is 62:10

Ex 'aj Jerusalén, 'eln̈ect 'a sti spuertail e chon̈ab', tze b'on sb'e eb' eyit chon̈b' 'aj 'oj jawc paxi. Caw wach' tzeyutj eya'n pan̈nb'oc lum ch'olctac. Tze si'n 'el eb' q'uen q'uen 'a yol b'e cha, caw mesmni tzeyutej. Tzlajw cha, tzeya'n q'ue e bandera yil jun tzo'n̈ xo nacion̈.

Is 62:4

Yuj cha, man̈x 'oj alxoc 'ayex to 'Actb'ilx Cani, man̈x 'oj alxc pax 'a e lu'um to Satnc Ex 'Eli, palta to 'oj 'ajxoc e b'ioc, to Nib'b'ilx Yuj Dios, ax yalx 'a e lu'um, to 'Ayx Yajal. Yujto ax tic, nib'b'ilx yuj Jehová, a Yajl yaj 'a yib'n̈ e lu'um.

Is 62:7

May cab' 'iljelal eyu'uj masnto tzb'ox chan̈ chon̈b' Jerusalén jun 'ejm xo, ax smasnil 'anma 'a yolyib'n̈q'uinl tic, 'oj yal eb' wach' paxti yu'uj.

Ez 42:20

'Ix yechtej jun winc chi schan̈paq'uil sti slumal yatut Dios. Ax 'a sti 'el cha, ata oyn 'och smuroal, 250 metro jun muro chi 'a junjn pac'. Atn jun chi 'aych smacloc snan̈l jun lugar to yic Dios yaji yet' jun tzo'n̈ xo tas comn yaji.

Miqueas 4:3

A Jehová 'oj b'eyc'ojlanc eb' nacion̈. A 'oj alnoc tas 'oj 'aj junjn eb' nacion̈ to caw wal jelan, wach'xam caw najt 'ay eb'. Yuj cha, 'oj meltzjoc 'och q'uen yespada eb' asaronal, ax q'uen lanza, 'oj 'ochcn q'uen josal, yujto may junc xo chon̈b' 'oj yi' chan̈ syamc'ab' yic owal, ax yoch 'ajc'ojlal 'a junc xo chon̈ab', man̈x 'a mach 'oj cuyxoc 'a tas tz'aj yoch owal.

Sofonías 3:19

A 'a yic jun tiempoal cha, 'oj wac' yowlal 'a jun tzo'n̈ eb' ex 'ixtni. 'Oj in colwj 'a eb' 'anma 'aych syailal yet' 'a eb' sactzicnac yajcn 'ati. 'Oj wi' chan̈ e b'inab'ilal 'a 'aj ex patquilx can 'el 'a smasnil yolyib'n̈q'uinal.

Zacarías 2:5

Palta an Jehová in, an 'oj in tan̈wj chon̈b Jerusalén, 'icha to 'oj woch oyn 'a spatquil 'icha junc c'ac' yic tzin satn 'el eb' 'ajc'ojol, ax 'a snan̈l chon̈b' chi 'oj in ch'ox in tzictznial, xchi Dios, xchi jun ángel cha.

Zacarías 9:8

An xo tic, 'oj in coln̈j eb' in chon̈b' cha, ax in tan̈wni eb' 'a eb' soldado tz'ec' 'a tic. A eb' 'ixtm 'anma', man̈x 'oj 'ixtxoc in chon̈b' yuj eb'. An wal caw 'oj in tan̈wc in chon̈b' cha, xchi Dios.