Is 60:16 - Chuj San Sebastian Bible

¹⁶ Ax eb' nacion̈ cha, 'oj yac' eb' tas wach' 'oj e c'uxu'. 'Oj ex yac' servil eb' rey yet' tas wach' 'ay 'a 'a, 'icha tzyutj junc 'ix nunb'il ya'n chuw yune'. 'Ixta 'oj ex yutc eb' rey chi ex ya'n servil, ax eyojcan 'eli, to an Jehová in, e Diosal in to tztac' wuj smasnil, e Colmal pax waji.

Chuj San Mateo Bible

¹⁶ A juntzan̈ nación chi', ol yac' e vael eb' te vach', axo eb' sreyal eb', ol yic'cot sb'eyumal eb', ol ex yac'an servil eb', icha syutej junoc ix nunab'il yac'an chunoc yune'. Icha chi' ol aj eyojtacaneli to a in Jehová e Diosal in, e Columal vaji, a in sDiosal in vin̈aj Jacob, tzex in colo'.

Is 60:16 ပူးပေါင်းရင်းမြစ်များ

Ex 6:7

'Oj ex wi'ch in chon̈b'oc, ax woch e Diosaloc. 'Ixta 'oj eyutc eyojcan 'eli to an ton Jehová in, e Diosal in. An tzex in col-l 'a yol sc'ab' eb' 'aj Egipto tic.

Is 1:24

Yuj cha, an Jehová in tztac' wuj smasnil, Syajlil in chon̈b' Israel, an tzwal 'ixtic: Ax xo 'ajc'ojl eyajch 'ayin. Wal in b'on yaj in b'a eyet' tic, 'oj in pac in b'a 'ayex.

Is 12:6

Ex 'aj Sión, 'el cab' eyaw yuj tzaljc'ojlal yujto a qui Diosal an̈ israel on̈c tic, atn jun Dios To Cojxni, caw 'ay smay, 'ayc' 'a qui calec, 'oj e chioc.

Is 19:20

A jun chi 'oj 'och ch'oxnb'il yuj Jehová, chajtlto 'ay mach tz'och 'emmquilal 'a Dios 'a yol yic Egipto cha. A yic 'oj 'el yaw eb' 'anma chi yuj eb' tz'ixtn eb' cha, ax ya'n cot Dios jun scolmal eb' sec tzcolchj eb'.

Is 25:9

A 'a yic jun c'ul cha, 'oj calc 'ixtic: Atn wal Jehová qui Diosalec tic, a ca'jnaquec 'och yipc qui c'ojol, yuj cha, on̈ scolnec. Ca'c wal tzaljoc qui c'ojol, yujto a 'on̈ colnec, 'oj qui chioc.

Is 29:24

A eb' matz nachj 'el yu'uj, 'oj cuychjoc 'el jelnal yuj eb', ax eb' b'uchwjum, 'oj scha eb' yab' in cuynb'il, xchi Dios.

Is 33:22

A Jehová a 'aych qui juezaloc, a tzb'on qui leyal, a pax 'aych qui Reyloc, a tzon̈ colnec paxi.

Is 43:11

Cojn in ton Jehová in, may junc xo mach tztac' scolwji.

Is 45:15

Yel ton wal b'in Mamin, Dios ach, matz tac' ach quiln yet' qui sat, an̈ israel on̈ tic qui colmal aji.

Is 45:21

Paxtinan̈ec, alec tas chi eyojc cha, c'anb'jlajec 'ayex, jun lajn tzeyutj eyalni. ¿Mach aljnac 'el jun tzo'n̈ tic 'a yictax yel yich sb'o smasnil tas? ¿Mach aljnac 'el 'a yictax pecti'? ¿Tom man̈ oquin an Jehová in 'ix wal-l jun tzo'n̈ tic? May junc xo Dios, To Cojxn In Toni. Cojn in tzwac' 'el'choc tas tzwala yic tzex in coln 'eli.

Is 49:23

A ewin rey, a ewin 'oj c'uytzanc eb' one cha, ax eb' 'ix reina a eb' 'ix 'oj cuchnb'eyc'oc eb'. A eb' rey cha, 'oj yic' 'ejm sb'a eb' 'ayach. Ata 'oj nachjoc 'el o'oj, chajtlto an ton Jehová in. A eb' tzin 'a'n 'och 'a sc'ojol, ma'oj can eb' 'a q'uixwc'ojlal, xchi Dios.

Is 49:26

A eb' tzach 'ixtn cha, an 'oj wac' schilac sb'a eb', ax yu'lan eb' schiq'uil. 'Oj q'ue 'a sjolm eb' 'icha te 'an̈. 'Ixta to b'i'an, ax yojcan 'el smasnil 'anma', to an ton Jehová a colmal waji. An tzach wa'l 'a libre, sDiosal in Jacob, tztac' wuj smasnil, xchi Dios.

Is 52:6

Yuj cha, 'oj c'och sc'ual, ax in yojcan pax 'el eb' in chon̈b' tic, 'oj nachjoc 'el yuj eb' to an paxtinnacn 'a eb', 'aynn̈ej pax 'ec' yet' eb', xchi Dios.

Is 59:20

A 'ix alni to 'oj jawc wul scol 'elt eb' 'aj Sión 'a yol sc'ab' syailal, atn smasnil eb' yin̈tl Jacob to tzna sb'a yuj smul.

Is 60:17

Yuj cha, a tas 'ay 'ayex, 'oj in jela': a q'uen bronce, a q'uen oro 'oj wac' sjeloc; ax q'uen hierro, a q'uen plata 'oj wac' sjeloc; ax te te', a q'uen bronce 'oj wac' sjeloc; ax q'uen q'ue'en, a q'uen hierro 'oj wac' sjeloc. A eb' eyajlil 'oj wac'a', 'oj yac' eb' yajlil 'a stojlal sec 'ay junc'ojlal 'a yol e chon̈ab'.

Is 61:6

Ax yaln eb' 'anma eyu'uj, to ya'mal 'och sti eb' 'anma chi eyaj 'a Jehová, schecb' ex Dios. A tas 'ay 'a jun tzo'n̈ xo nacion̈, a chi 'oj tzaljoc e c'ojl e c'uxni, ax tas wach' yilx 'ay 'a eb', a chi 'oj e c'anlb'oc, sec 'oj e b'inaxi.

Is 63:16

Ach tic to qui Mam aji. Wach'xam a Abraham yet' win Israel man̈x on̈ yojcoc eb', palta ach tic to qui Mam ach; toxn to qui colmal xon aji.

Is 63:8

Yuj cha, xyaln 'ixtic: A jun tzo'n̈ 'anma tic, in chon̈b' eb', wunnal eb', man̈x 'oj in yixtc paxti eb', xchi. Yuj cha, xcolx 'el eb' yuj Jehová.

Is 66:14

A yic 'oj eyilnc jun cha, caw 'oj e tzalj cha'an̈. 'Oj 'ochx eyip jun 'ejm xo. Caw tz'unnan yilx e niwnal 'icha tzyac' te 'unn c'ultac. Yujto 'oj sch'ox Jehová spoder 'a scal eb' schecab', ax yowl sc'ojol, ata 'oj ya'cn 'at 'a scal eb' 'ajc'ojl yajch 'a 'a.

Jeremías 15:21

'Oj ach in col-l 'a yol sc'ab' eb' maysch'olnil snab'en, 'oj ach in coln̈j 'a yol sc'ab' eb' ma'm cham 'anma', xchi Dios 'ayin.

Ez 34:30

Atta 'oj yojcoc 'el eb', to an Jehová in, sDiosal in eb', cajn in 'ec' 'a scal eb', in chon̈b' pax eb', atn eb' yin̈tl can Israel.

Apoc 21:24

Ax eb' 'anma 'a junjn nacion̈, 'oj b'eyc' eb' 'a scal sacq'uinl 'ay 'a jun chon̈b' cha. Ax eb' niwc yajl 'a yolyib'n̈q'uinal, 'oj c'och eb' ta'. 'Oj yi't eb' sricoal siylab'oc.

Apoc 21:26

Ax eb' 'anma 'a junjn nacion̈ 'oj c'och eb' ta', 'oj laj yi't eb' sricoal siylab'oc ta'.