Is 59:17 - Chuj San Sebastian Bible

¹⁷ A stojlal cha, 'icha smacl sn̈i sc'ojl eb' soldado tz'at 'a 'owal, 'ixta yajch 'a 'a, ax colnb'il tzyac' 'a eb' 'anma', 'icha q'uen xumpilin, 'ixta yaj q'ue 'a sjolom. 'Icha spichl eb' soldado yic owal, 'ixta yowl sc'ojl 'oj yac' spacc 'a eb' 'ajc'ojl tz'ixtn eb' 'anma cha.

Chuj San Mateo Bible

¹⁷ Icha eb' soldado ayoch spichul yic oval, icha chi' ol aj sjavi Jehová yed' yoval sc'ool, yic syac'an spac d'a eb' ixtum anima. A stojolal, icha q'uen maclab' n̈i' c'ol yaji. Axo scolnab'il, lajan icha q'uen xumpil.

Is 59:17 ပူးပေါင်းရင်းမြစ်များ

Job 29:14

A tojlal yet' yiclumal, a chi wic yaji; 'icha to in pichl yajch 'a junjn c'u.

Salmos 69:9

Caw pitz'n 'och 'a in c'ojl in ya'iln atut, a wal yic tzb'uchwj eb' 'anma 'ayach, caw locn in tzwab' syail.

Salmos 94:1

Mamin Jehová ch'oxl a b'a to Dios ach, ach tzac' spac tas maysch'olnil.

Is 11:5

A tas tojol yet' tas yel, a chi 'oj niwtjoc yalx 'a spatic, 'icha to spichl 'oj 'ajch jun tzo'n̈ cha.

Is 26:11

Mamin Jehová, caw wach'x yaj yailal o'oj, palta matz nachj 'el yuj eb' 'anma'. A yic 'oj yilnc eb' a niwquil chamc'ojlal 'a eb' a chon̈ab', caw 'oj q'uixwc can 'el eb' 'ajc'ojl yajch 'ayach, satl cab' eb' yuj yowl a c'ojl tzn̈ilchj 'icha te c'ac'.

Is 37:32

Ax jaywn̈ocx tzex can 'a Jerusalén yet' 'a tzaln Sión, 'oj e niwtj pax 'eli, ax e b'ut'n pax 'el e chon̈ab'. 'Ixta 'oj yutc Jehová jun cha, yujto 'ay schamc'ojlal 'ayex.

Is 42:13

'Oj 'eltc Jehová yet' yowl sc'ojol, 'icha junc 'a'm owl tzq'ue yaw ya'n owal, ax yejm eb' 'ajc'ojl chi yu'uj.

Is 51:9

Mamin Jehová, colwjan̈ yet' a poder, q'uen̈ wan yet' yipl a c'ab', 'icha otjnac 'a yictax pecti'. Ach a ch'iychtejnac no Rahab, atn no dragón sb'i 'a yojl a mar.

Is 63:15

Mamin Jehová, 'ilt on̈ cot 'a jun et'l to ecn̈ej yaji, atn satchan̈ 'aj cajn ach 'eq'ui, jun 'ajtil 'aych 'ec' yet' a niwn chamc'ojlal yet' pax 'a poder. ¿'Ajtil 'ay a wach'c'ojlal chi jun? ¿Tom xlajw c'och a chamc'ojlal chi 'ayn̈ on̈?

Is 63:2

—¿Tas laj yuj chac yilx a pichl cha, 'icha to ach te'w 'el yal uva tzwila? xin chi 'a 'a.

Is 63:3

—Yel tzala, to 'ay nan̈l te uva chi xin te'l yalil, in ch'ocj tzin b'o jun munljel cha, may xon junc nacion̈ xcolwj jac wet'oc. A eb' 'ajc'ojl yajch 'ayin, a eb' chi xin tec' 'ejm 'a sat lu'um, yujto 'ay yowl in c'ojl 'a yib'n̈ eb'. 'Ix laj tz'itj 'och schic'l eb' chi 'a in pichl tic, yuj cha, 'ix b'on̈x 'el smasnil.

Is 9:7

A 'oj 'och sjelc rey David, 'oj can sjelc 'a yopiso cha. 'Oj yac' yajlil 'a yib'n̈ smasnil 'anma 'a junjn lugar. Yu'uj ax scann̈j yolyib'n̈q'uinl tic 'a junc'ojlal. 'Oj yic' yip yopiso cha, ax sb'eyc'ojlwi 'a stojlal, ticnec yet' 'a b'aq'uin̈. A Jehová tztac' yuj smasnil, 'oj yac' 'el'choc jun tic, yujto nab'ilx yu'uj.

Ez 5:13

'Ixta wal 'oj wutc wa'n cot yowl in c'ojl 'a yib'n̈ eb'; 'ixta to b'i'an, ax sb'o in c'ojol. 'Oj yojcoc 'el eb', to yet' sc'a'l in c'ojl an Jehová in tic, 'ix waln jun tzo'n̈ paxti tic.

Zacarías 1:14

Wal 'a yajn̈ej 'ix yaln jun ángel chi 'ayin, tas jun tzo'n̈ spaxti Jehová tztac' yuj smasnil, a 'ix aln 'ixtic: Caw wal tzin chamc'ojlej Jerusalén simb'il yet' tzaln Sión.

Jn 2:17

Ax eb' scuywum, 'ix snan cot eb' tas tzyal 'a Ch'an̈ U'un̈, 'a 'aj tzyal 'ixtic: Caw pitz'n 'och 'a in c'ojl in ya'iln atut, xchi.

2 Co 6:7

A jun cuynb'il caw yel, an̈j tzcal-l on̈. Caw 'aych Dios quet' on̈. 'Icha junc soldado tzcol sb'a yet' jun tzo'n̈ syamc'ab', tzya'n pax owl yet'oc, 'ixta tzcutj qui b'a on̈, yujto caw tojl tzcutj qui nab'en on̈.

Ef 6:14

Yuj cha, caw te'n tzeyutj e b'a. Caw tzeya'ch e nab'en 'a jun 'ab'x caw yel, 'icha eb' soldado tzya'ch jun tzo'n̈ cincha yic owal. Caw tojl tzeyutj e b'eyb'al. To 'ixta', lajn ex 'icha eb' soldado tzcol sb'a yet' jun q'uen pichl tzya'ch eb' 'a sn̈i sc'ojol.

Ef 6:17

Caw tzeya'ch yipc e c'ojol to colchjnac ex. Toto 'ixta', lajn ex 'icha eb' soldado c'oxb'il jun q'uen xumpiln yu'uj. Axn̈ej spaxti Dios 'ac'b'il 'ayn̈ yuj Yespíritu tze c'anlb'ej, 'icha tzyutj eb' soldado sc'anlb'an yespada.

1 Ts 5:8

Palta an̈ec tic, yic on̈c xo c'ual. Yuj cha, caw te'n tzcutjec qui nab'en. Yowlal tzqui wach' 'a'jec 'och Cristo 'a qui c'ojol. An̈jtona', 'ay cab' pax qui chamc'ojlalec. Toto 'ixta', lajn on̈c 'icha eb' soldado tzcol sb'a yet' sq'uen pichl 'aych 'a sn̈i sc'ojol. Yowlal tzca'c 'och yipc qui c'ojol, to colchjnacn̈ec. Toto 'ixta', lajn on̈c 'icha eb' soldado c'oxb'il sq'uen xumpiln yu'uj. 'Ixta tzcutjec qui coln qui b'a.

2 Ts 1:8

Ata 'oj yac' syailal eb' matz 'ojcan 'el Dios, eb' matz yiclni wach' 'ab'x yic Cajlil Jesucristo.

A Ch'an̈ Carta D'a Eb' Hebreo 10:30

Cojquec, 'ixtc yaj yaln Cajlilec: An ton tic 'ay waln wic wa'n 'och syailal eb', an 'oj wac' spac 'a eb', 'icha smoj schan eb', xchi. Yaljnac can pax 'ixtic: An Yajl in tic, 'oj in b'eyc'ojloc eb' in chon̈ab', xchi Dios.

Apoc 19:11

Ax xwilni, jacn satcha'an̈. Ata 'ayc' jun chej caw sac. Ax jun 'ay q'ue 'a yib'an̈, Yiclum sb'i, Yel pax sb'i. Yujto caw tojl tzyutj sb'eyc'ojlwi, xya'n pax owal.