Is 59:10 - Chuj San Sebastian Bible

¹⁰ Lajn on̈c wal 'icha junc mach matz uj yilni; ton̈j tzmachlj 'aj tz'eq'ui, caw wal chimc'ual tztelwi, 'icha to 'ac'wl 'aj 'ayq'ui. Wach'xam te'n on̈c to calni, palta 'icha to chamnc on̈c xo.

Chuj San Mateo Bible

¹⁰ Toxon̈ej sco machlej b'aj tzon̈ eq'ui, icha yec' machmon junoc mach max uji yilan d'a sat pat. A d'a chimc'ualil tzon̈ telvi, ichato d'ac'valil ayon̈eq'ui. Vach'chom tec'an on̈ scab'i, palta ichato chamnac on̈xo.

Is 59:10 ပူးပေါင်းရင်းမြစ်များ

Job 5:14

Caw wal chimc'ual tzlaj telw 'ejm eb' 'icha to 'ac'wl xo 'ayc' eb'. Toxn̈ej tzlaj smachlc eb' tz'ec' eb'.

Pr 4:19

Palta ax eb' maysch'olnil cha, a sb'eyb'al eb', lajn wal 'icha q'uic'q'uinal, yuj cha, matz yil eb' 'aj tztench eb' yoc.

Is 28:13

Yuj cha, a spaxti Jehová 'a eb' chuc chon̈b'al, 'ay eb' 'oj alnoc yu'uj, to 'icha spaxti eb' cotc 'unin, 'ixta yaj jun tzo'n̈ cuynb'il chi 'a eb', junn̈j tas tzyala, junn̈j b'eyb'al tzyala, junn̈j pax checnb'ilal tzyala. Yuj cha, a 'oj 'a'nc telwc eb', 'oj lajwc eb', ax syamchj eb' yuj 'icha junc ya'al.

Is 8:14

An xo tic 'oj woch a cajnub'oc 'a 'aj tztac' a coln a b'a. Palta a 'a eb' 'aj israel yet' 'a eb' 'aj Judá 'icha wal junc q'uen 'aj tztench eb' yoc, 'ixta 'oj waj 'a eb'. Yuj cha, ata 'oj yamchjoc eb' 'aj Jerusalén tic.

Is 8:15

Til wal eb' 'oj stench yoc, 'oj telwc eb', ax swecchj pax eb'. Til wal eb' 'oj can 'a jun ch'an̈ yal cha, ax syamchj eb', xchi 'ayin.

Jeremías 13:16

A tze na'a, to 'oj jawc sacq'uinal, palta to 'oj wach' q'uic'b'oc si'mb'il yu'uj. Yuj cha, meltzjan̈c 'a Jehová qui Diosalec, tzeyaln q'uet e mul, ya' sb'a mantzac ex telw 'a lum tzalctac yuj q'uic'q'uinl 'oj ya' coti.

Lm 3:6

A 'a scal q'uic'q'uinl in ya'cn 'ati, lajn waj 'icha yaj eb' pectix chamnac.

Lm 4:14

Yuj cha, ax ticnec toxn̈ej tzmachlj eb' tz'ec' eb' 'a yol caye, lajn xoj yec' eb' 'icha eb' matz tac' xon yilni. Caw chi'ctac spichl eb', may xon mach tznib'n yamnc spichl eb' cha.

Ez 21:15

'Oj xiw smasnil 'anma yuj chaml 'oj 'och cha, 'etzn xo 'och jun espada chi 'a stitc chon̈ab', 'oj xib'tc sb'a 'anma yuj q'ue'en. A jun espada cha, atn q'uen jay yaj ye, q'uen tzictzni yel sc'aq'uil, lista xo yaj smilwji.

Am 8:9

An Jehová in, an tzwal 'ixtc yuj jun c'u 'oj jawc cha: Caw wal chimc'ual, ax wa'n 'och q'uic'q'uinal, yic wach' yem yoc c'u, ax wa'n q'uic'b'oc 'el yolyib'n̈q'uinl tic.

Miqueas 3:6

'Icha to yajn̈ej 'oj 'ec' c'u 'a yib'n̈ eb', ax scancn eb' 'a scal q'uic'q'uinal. Man̈x 'a b'a'n̈ 'oj ch'oxxoc yil eb' jun tzo'n̈ tas 'a 'icha waychil, man̈x 'oj stac' yaln pax 'el eb' tas 'oj ujc b'aq'uin̈, xin chi, xchi Dios.

Jn 12:35

Yuj cha, xyaln pax 'a eb' 'ixtic: —An tzwac' sacq'uinl 'a e pixan, 'ayn 'ec' 'a e cal ticnec, palta jab'xoj wal tiempo 'ayn 'eq'ui. Caw tze b'o e b'eyb'al, ya' sb'a 'aynto 'ec' jacx eyet'oc. Toto ma'ay, 'oj somchjc 'el e nab'en. 'Icha junc mach tzb'eyc' 'a q'uic'q'uinal, matz uj yiln 'aj tz'ati, 'ixta 'oj eyaji.

Jn 12:40

'Icha to tzin mac sat eb', tzin wach' 'a'n pitb'oc 'eb', sec wach', 'icha to matz yil eb', matz nachj 'el yuj eb', sec man̈xtzac sjel xon eb' jac snab'en. Yuj cha, ma'oj wac' lajwc smul eb', xchi Dios, xchi can Isaías cha.

Dt 28:29

Toxn̈ej 'oj e machloc, yic 'oj e b'eyc' 'a chimc'ual, 'icha yec' machmnoc eb' toxn to matz uj yilni. Ax smasnil tas 'oj e b'o', may xon tas 'oj 'el'choc 'a wach'. Caw wal 'oj eyixtxi, 'oltac wal 'oj eyaji. Man̈x 'a mach 'oj stac' ex scolni.

1 Jn 2:11

Palta a eb' tzchichn 'och 'a eb' yit creyenteal, q'uic'q'uinl to yaj spixn eb'. 'Icha junc mach tzb'eyc' 'a q'uic'q'uinal, matz yil 'aj tz'ati, 'ixta 'eb', yujto juwnac 'el snab'en eb'.