Is 58:6 - Chuj San Sebastian Bible

⁶ Palta an tzwal 'ixtc 'ayex: A jun e c'ajb'c'ojlal cha, man̈ 'ichcta stzolil. A jun caw yel to c'ajb'c'ojlal, yaj stzol-l tic: Colc 'elt eb' 'anma 'a yol sc'ab' eb' tu snab'en, man̈x eyixtc eb' 'anma tzmunlj 'ayex; 'a'c 'el eb' tz'ixtx chi 'a libre, man̈x eyixtc eb'.

Chuj San Mateo Bible

⁶ Palta man̈ ichoc ta'. Ol val d'ayex to a tzec'ojc'olal scha in c'ool, aton stzolal tic: Colequelta eb' anima ayoch d'a yol sc'ab' eb' chuc spensar. Man̈xo eyixtej eb' smunlaj d'ayex, actejequel eb' tz'ixtaj chi', man̈xo eyixtej eb'.

Is 58:6 ပူးပေါင်းရင်းမြစ်များ

2 Cr 10:11

Toto a 'in mam cha, 'al 'ix yutj eyicatz, an xo pax tic, yel xo wal 'al 'oj wutc eyictz cha. Toto cojn tz'um sc'anjnac in mam yic ex sma'ni, palta an xo pax tic, a no tz'um 'aych q'uen 'a sn̈i', a 'oj wa'lb'oc 'ayex, xa chi 'a eb', xchi eb' quelmtac cha.

2 Cr 28:11

A ticnec jun, chajc eyab' tas 'oj wala', 'a'c meltzjc eb' eyit israelal xe yij cot 'icha presoal, yujto caw tzcot yowl Jehová 'ayex, xchi Oded.

Pr 24:11

Colc 'elt eb' to wan yijx 'at 'a chamel, yamc 'och wan eb' to wan sc'och 'a sti sjul-l yet'l chaml cha.

Is 1:17

Cuyc e b'a e b'on swach'il, a cab' stojlal tze sayq'ui, colwjan̈c 'a eb' 'anma tz'ixtxi, b'oc yaj eb' meb'a 'unin, colwjan̈c 'a eb' 'ix 'ix chamnc yichmil, xchi Dios.

Is 33:15

A eb' caw yel tzb'ey 'a stojlal, matz nib'j eb' tz'och ricoal yuj schan q'uen c'ultac tumin, matz ya'ch sb'a eb' yaln yic 'a junc milj cham 'anma', atn eb' tzyij 'el sb'a 'a maysch'olnil.

Is 55:7

Ex maysch'olnil e b'eyb'al yet' ex tu 'e nab'en, nac e b'a, meltzjan̈c 'a Jehová, 'oj 'o'ch sc'ojl 'ayex; 'oj ex yac' niwnc'ojlal qui Diosal.

Is 58:9

Yuj cha, toto 'oj eyawj 'ayin, yajn̈ej ax in ta'w 'ayex; toto 'oj 'el eyaw e c'ann in colwal, 'oj wal 'ixtc 'ayex: Waj 'a tic, 'oj in chioc. Tzeyij 'el jun tzo'n̈ maysch'olnil chi 'a e cal, man̈x comnoc tze tzuntzj junc eyit 'anma'il, man̈x comnoc tzeya'ch junc 'es paxti 'a yib'an̈.

Jeremías 22:3

A tojlal, yet' wach'il, a tze b'eylb'ej. Man̈ eyixtc eb' eyit 'anma'il, man̈ eyixtc eb' chuc chon̈b'al, yet' eb' meb'a 'unn chamnc smam, yet' eb' 'ix 'ix chamnc yichmil. An̈jtona', man̈ e mil cham eb' 'anma may smul.

Jeremías 50:33

A Jehová tztac' yuj smasnil, a tzaln 'ixtic: A eb' 'aj chon̈b' Israel, yet' eb' 'aj Judá, wan yab'n eb' syal yuj tas tz'aj yixtx ticnec. 'Aych eb' 'a preso yuj eb' 'ajc'ojl yajch 'a 'a, matz 'actx 'el eb' yuj eb'.

Dn 4:27

Yuj wal cha mamin rey, chaj ab' jun tzo'n̈ tzwal 'aych tic. Wach' cab' tzotj a b'a, man̈x 'och a mul. Comnoc wal tzactj can a b'on maysch'olnil, colwjan̈ 'a eb' tz'ixtxi. Toto 'ixta', tecn 'oj a can 'a junc'ojlal, ax a q'ue'ch yet' tas 'ay 'ayach, xchi Daniel 'ayin, xchi win rey cha.

Jonás 3:8

Palta a quiquec to tzca'c 'och te pichl n̈achtac sat, yic tzqui ch'oxnec 'eli, to tzon̈ cusi, yet' pax no cajb'en noc'. Leslw coyc 'a Dios yet' 'a smasnil quip. Tzlajw cha, tzcactnec qui b'on smasnil maysch'olnil tzlaj qui b'o'ec, man̈x quixtquec eb' 'anma'.

Zacarías 7:9

Atn jun tzo'n̈ tic waljnac 'a eb' in chon̈b' 'a yic pecti': Tojl cab' tzeyutj e b'eyc'ojlwi, wach' tzeyutj e nab'en, 'o'ch cab' e c'ojl 'ayx junjn ex.

A Tas Sc'ulejnac Eb' Schecab' Jesús Hechos 8:23

Yujto tzwila, caw 'ay a chichnc'ojlal, an̈j maysch'olnil wan a'n servil, xchi Pedro 'a winac.

1 Ti 6:1

An̈jtona', tzwalb't 'aych yuj eb' creyente 'aych mosoal. Niwn cab' yel'ch spatron̈ eb' 'a sat, sec wach' ma'oj b'uchxoc Dios yuj sb'eyb'al eb'. Yet' jun tzo'n̈ cuynb'il 'aj tzca'ch qui nab'en, ma'oj b'uchxoc pax yuj eb'.