Is 58:12 - Chuj San Sebastian Bible

¹² 'Oj e b'ox chan̈ e chon̈b' 'a yet'l 'aj lan̈chjnac can 'ejmi. 'Oj eya'x 'ejm 'a yib'n̈ yipnub'al yich b'ob'il can xon 'a yic pecti'. Ax yalx eyu'uj, to b'om ex pax smuroal chon̈ab', b'om ex pax n̈a lan̈chjnac 'ejmi.

Chuj San Mateo Bible

¹² Ol e b'oxiq'ue e chon̈ab' d'a yed'tal b'aj jub'ilemi, aton d'a yib'an̈ yich aycanem d'a peca'. Ol alchaj d'ayex to b'oumexxiq'ue muro lan̈chajnac, b'oumexxiq'ue pat lan̈chajnaquemi.

Is 58:12 ပူးပေါင်းရင်းမြစ်များ

Nehemías 2:17

Xlajw cha, xwaln 'a eb' 'ixtic: —Ax tic, 'in caw eyojc si'mb'il, a jun tiempoal 'aj 'ayn̈ec 'ec' tic caw maysch'olnil, yujto mac'b'il 'ejm lan̈chjoc Jerusalén tic, ax spuertail tz'anac. Cotn̈ec, junn̈j tzcutjec qui b'a, qui b'oc pax chan̈ smuroal qui chon̈b' jun 'ejm xo, sec wach' man̈xtzac on̈ tzetzxec, xin chi.

Nehemías 2:5

'Ix waln 'a win rey 'ixtic: —Toto wach' tzab' mamin rey, toto wach'n an a checb' in tic 'a a sat, tzin c'an 'ayach to tzin a chaj 'at 'a Judá, atn 'a jun chon̈b' 'aj mucn eb' in mam wicham, to tz'at in b'ox can chan̈ sjel, xin chi 'a winac.

Nehemías 6:1

Ax xyab'n Sanbalat, Tobías, Gesem yet' jun tzo'n̈ xo eb' 'ajc'ojl yajch 'ayn̈ on̈, chajtlto tox 'ix b'o jun muro cha, man̈x 'a 'aj jacn 'eli, (wach'xam mantzac 'och spuertail 'a yet'ul).

Job 3:14

To 'ixta' junn̈j waj yet' ewin rey, yet' pax eb' niwc yopiso 'e'nc 'a pecti', eb' to b'ojnac chan̈ jun tzo'n̈ niwc n̈a lan̈chjnac xo 'ejmi,

Is 30:13

Yujto ax 'ay e mul, yuj cha, lajn 'oj eyajcn 'icha junc muro pojl xo, wal 'a yajn̈ej ax swach' 'em lan̈njoc.

Is 44:28

An tzwal 'a win Ciro 'ixtic: Ach 'aych 'och yilmalc wu'uj, ach 'oj a b'o smasnil tas tzin nib'ej, xin chi 'a 'a. Tzwaln 'a Jerusalén: Ach tic 'oj a b'ox chan̈ jun 'ejm xo, ax yajx pax 'ejm yich watut jun 'ejm xo, xin chi 'a 'a, xchi Dios.

Is 49:8

A Jehová a tzaln 'ixtic: 'Ix c'och stiempoal in ch'oxn in wach'c'ojlal, yic tzin pacn tas tza c'an 'ayin. Xc'och stiempoal wa'n a colnb'il, yuj a'n 'el'choc in trato yet' eb' in chon̈ab'. Tza b'on pax in chon̈b' 'a 'icha xon yaji, sec wach' tzyij pax eb' israel chi smacl 'a lum lum sictac 'ajnc can sat.

Is 51:3

'Ixta 'oj wutc wa'n in wach'c'ojlal an Jehová in 'a yib'n̈ eb' 'aj Sión, atn jun chon̈b' mac'b'il 'ejm lan̈chjoc. A eb' lum tacn̈ lu'um, 'oj 'och eb' lum yaxlumal, 'icha lum 'aj 'ay te 'awb'ente 'a Edén. Cojxn tzaljc'ojlal, b'it yet' alj yuj diosal 'ay 'ayn ta'.

Is 52:9

Ex 'aj Jerusalén to lan̈chjnac can 'ejm e chon̈ab', 'el cab' eyaw e b'itn yuj tzaljc'ojlal, yujto a Jehová 'ix 'o'ch sc'ojl 'a schon̈b' tic, yuj cha, ex colx 'elt yu'uj.

Is 61:4

'Oj scha b'oc pax chan̈ eb' jun tzo'n̈ schon̈b' satnc can 'ejmi, ax sb'on eb' sjel jun tzo'n̈ n̈a lan̈chjnac can 'ejm 'a yic pecti cha.

Jeremías 31:38

'Ay jun c'ul 'oj jawoc, 'oj b'ox chan̈ chon̈b' Jerusalén jun 'ejm xo wico'oc. 'Oj 'atn̈j 'a jun torre tzcuch Hananeel, masnto 'oj c'och 'a jun puerta 'ay 'a jun schiquin.

Ez 13:5

Mant 'a xon jac tas tzb'o eb' yic tzcolchj chon̈b' Israel, sec ax yic tzin jaw an Jehová in wul wac' owl 'a jun chon̈b' cha, 'oj colchjoc 'el eb' yu'uj.

Ez 36:33

An Jehová in, an tzwala: A yic 'oj ex in sacb'tzan 'a scal e mul, ata 'oj wac' e cajx e chon̈ab', ax laj e b'on pax chan̈ eb' lum chon̈b' mac'b'il 'ejmi.

Ez 36:4

Yuj cha, an Jehová in, an tzwal 'ayx 'ixtc ex israel, to tze chaj eyab' in paxti tic, jantcn̈ej ex to 'aycn e lum 'a lum jolmctac witz, 'a lum tzalctac, 'a lum stitc a', 'a lum niwc pan̈an, 'a eb' lum chon̈b' mac'b'il 'ejmi, 'a eb' lum chon̈b' cusltac yajcn sch'ocj 'a yol e macb'en cha, eb' chon̈b' to c'uxn 'elc'b'il 'at tas 'ay 'a yuj jun tzo'n̈ xo nacion̈ 'a sla'nil cha, atn eb' tzb'uchwj 'ayex.

Dn 9:25

Yowlal 'oj nachjoc 'el jun tic o'oj: A yic 'oj alxoc chajtlto 'oj 'ajxoc b'o jun chon̈b' Jerusalén jun 'ejm xo, yowlal 'oj 'e'cn uque seman b'ab'el ax sjapx junx 62 seman. 'Ixta to b'i'an, ax sjaw jun Yajl sic'b'il 'eli. A 'a yic jun tiempoal cha, 'a scal niwn yailal ax sb'o scayeal yet' smuroal chon̈b' Jerusalén jun 'ejm xo.

Am 9:11

'Ix yaln pax Jehová 'ixtic: A yopiso David, satnc 'ejmi, 'icha junc n̈a lan̈chjnac 'ejmi, palta 'ay jun c'ual 'oj in b'ox chan̈ jun 'ejm xo, ax wa'n pax jun 'opiso chi 'a yin̈til, 'icha xon 'a yic yaln̈taxi.

Am 9:14

yujto 'oj wi'x cot eb' in chon̈b' 'a 'aj 'aycn 'at 'icha presoal, ax sb'on pax chan̈ eb' schon̈b' lan̈chjnac 'ejmi. 'Oj canx cajn eb' 'a 'a, 'oj yawc eb' te uva, ax yu'n eb' yalil te'. 'Oj yawc eb' yawb'ente', ax slon eb' sat te'.

Miqueas 7:11

Ex 'aj Jerusalén, jab'xoj sjaw sc'ul e b'on pax chan̈ smuroal e chon̈b' jun 'ejm xo; caw 'oj lewnb'oc pax e macb'en.