Is 58:11 - Chuj San Sebastian Bible

¹¹ Toto 'ixta 'oj eyutc e b'a, an xo an Jehová in, an 'oj ex in quetz b'eyoc. 'Oj yac' sobra wa'n tas tze c'ux 'a lum cusltac lu'um. 'Oj wac' eyip, lajn 'oj eyaj 'icha junc 'awb'ente 'aychn̈ej yalil, mto 'icha junc spac'b'a may tz'aj stupi.

Chuj San Mateo Bible

¹¹ Tato icha chi', ol ex in cuchb'ejn̈ej. Jantac e vael ol vac' d'a lum tz'inan luum. Ol vac'an yip e nivanil, lajan ol ex aj icha junoc tas avab'il ayn̈ejoch yalil, ma icha junoc sjaj a a' malaj b'aq'uin̈ stupi.

Is 58:11 ပူးပေါင်းရင်းမြစ်များ

Job 5:20

A yic 'oj laj cham 'anma yuj wejel, 'oj a colx 'el 'a yol sc'ab' chaml chi yu'uj; ax yic 'oj jawc owl 'a yib'n̈ eb' 'anma', 'oj a colx 'el yuj 'a scal owl cha.

Salmos 1:3

Smasnil tas tzb'o eb', caw wach' tz'aj 'el'chi. A eb' cha, lajn wal eb' 'icha junc te te 'ayc' 'a sti junc a a', tzyac' sat 'a stiempoal, may pax b'a'n̈ tzpucl xi'il.

Salmos 107:9

Yujto a tz'a'n tas tz'i'n 'ec' qui tacn̈ti'al, tzya'n pax tas wach' tzqui c'uxec.

Salmos 25:9

ax eb' 'emmquilal yeq'ui, tza ch'ox eb' 'a tojl b'eyb'al.

Salmos 32:8

Mamin Jehová, ach 'ix al 'ayn 'ixtic: Q'ueln in 'ochn̈ej 'ayach, 'oj ach in cuyu', 'oj wac' a nab'enoc, ax in ch'oxn jun b'e 'aj 'oj a b'eyi.

Salmos 33:19

sec tzcolx 'el eb' 'a yol sc'ab' chaml yu'uj. Tzya'n pax tas tzc'ux eb' 'a yic stiempoal 'ay wejel.

Salmos 37:19

Ax 'a yic maysch'olnil yib'n̈q'uinal, 'a yic 'ay wejel, ma'oj yac' eb' sq'uixwloc, palta 'ayn̈j tas 'oj sc'ux eb'.

Salmos 48:14

A sDiosal Sión, atn qui Diosalec 'a jun 'ejmn̈ej. A tzon̈ 'i'nec b'ey 'a smasnil tiempo, masnto 'a slajub'.

Salmos 73:24

In a cuy 'a wach' b'eyb'al, ax 'a slajub' caw wach' 'oj otc in a chani.

Salmos 84:7

'Oj 'och yip eb' si'mb'il, ax 'a lum tzaln Sión, ata 'oj ach yil eb' ach in Diosal.

Salmos 92:14

Wach'xam 'ichm 'anma xo eb', palta an̈j 'ijnoc te'nto yip eb'. 'Icha junc te te tzsatni, 'ixta 'eb'.

Pr 11:25

A eb' tz'el 'a sc'ojl ya'n junc tas, tzniwtj tas 'ay 'a eb'; ax eb' tzcolwji, 'oj colxoc pax eb'.

Pr 13:4

A eb' 'isaj, 'ay tas tznib'j eb', palta matz 'ilchj yuj eb'; ax eb' tzmunlji, caw wal 'oj niwtjoc tas 'ay 'a eb'.

Pr 28:25

A mach til wal tas tznib'j 'och yet' snab'en, cojn owl tzyij cha'an̈; palta toto a Jehová tzya'ch yipc sc'ojol, caw wal 'oj alxoc wach'il.

Pr 3:8

Toto 'ixta', a Jehová 'oj 'a'nc a tzatzil, ax ya'n ste'nal a niwnal.

Cantares 4:15

Lajn ach pax 'icha a spac'b'a 'a scal te 'awb'ente', jun a to tzb'ey 'emt 'a lum Líbano, xchi winac.

Is 27:3

An Jehová in tic an tzin tan̈wj te', jab'jb' scal tzwa'n 'och yalil, tan̈b'il wuj 'a 'ac'wal yet' 'a c'ual, sec may tas tz'i'n te'.

Is 33:16

A eb' cha, 'oj 'aj cajn eb' 'a junc chon̈b' q'uenn̈ej smuroal, ata 'oj scol sb'a eb', 'ayn̈j tas tzc'ux eb', 'ayn̈j pax tas tzyu'j eb'.

Is 41:17

A eb' 'anma to meb'a', eb' may tas 'ay 'a 'a, tzsayc' eb' cob' a a', palta matz 'ilchj a yuj eb'. Caw tacn̈tzaynac tz'aj yac' eb' yuj tacn̈ti'al. An xo Jehová in tic, 'oj in colwjn̈ej 'a eb', ma'oj wactc can eb'.

Is 44:4

'Icha wal sq'uib' te c'ultc 'aych yalil, 'ixta wal 'oj 'aj eb' sq'uib'i, 'icha pax sq'uib' eb' te álamo 'ay 'a stitc a a tzb'eyi.

Is 49:10

Man̈x 'oj yac' eb' wejel, mto tacn̈ti'al. Man̈x 'oj yab' eb' syal yuj sc'a'l yoc c'u, yujto 'ay in chamc'ojlal 'a eb'. 'Oj in jucb'tzoc eb', ax wi'n pax 'at eb' 'a 'aj tzpac' a a'.

Is 57:18

Xcham wal woch q'ueln 'a sb'eyb'al eb', palta 'oj wan̈tc eb', ax wa'n 'iljoc eb'. 'Oj wac' pax stzaljc'ojlal eb' si'mb'il, ax wa'n sniwnal sc'ojl eb' in chon̈b' 'ay scusc'ojlal yuj smul.

Is 61:11

Yujto 'icha wal tz'aj spac' q'uet junc 'in̈t 'a yol lu'um, mto 'icha tz'aj sq'uel swol junc 'awb'ente', 'ixta 'oj yutc Jehová ya'n checljoc chan̈ stojlal, sec tzalx wach' paxti yuj eb' nacion̈ 'a 'a.

Is 66:14

A yic 'oj eyilnc jun cha, caw 'oj e tzalj cha'an̈. 'Oj 'ochx eyip jun 'ejm xo. Caw tz'unnan yilx e niwnal 'icha tzyac' te 'unn c'ultac. Yujto 'oj sch'ox Jehová spoder 'a scal eb' schecab', ax yowl sc'ojol, ata 'oj ya'cn 'at 'a scal eb' 'ajc'ojl yajch 'a 'a.

Jeremías 17:8

Lajn wal eb' 'icha te te 'awb'il 'a sti a', tz'at sch'an̈l yib' te 'a 'aj tzb'ey a a cha. Wach'xam 'ay c'ac', palta may tz'i'n te', caw pimn̈j xil te'. A 'a yic may n̈ab', matz tac sc'ojl te', may xon tz'aj yoch wan te ya'n sat.

Jeremías 31:12

'Oj jawc eb', ax sb'itnan eb' b'it 'a tzaljc'ojlal 'a tzaln Sión, ax ya'n tzaljoc eb' sc'ojl yet' tas wach' 'oj wac' 'a 'a, atn 'ixm trigo, yal uva, aceite, no calnelu, yet' pax no wacax. Lajn 'oj 'ajcn eb' 'icha jun tzo'n̈ 'awb'ente caw 'aychn̈ej yalil, man̈x 'oj 'el yip eb' jun 'ejm xo.

Ez 36:35

Yuj cha, ax yaln eb' 'ixtic: 'In cannc jun tzo'n̈ lugar tic 'a cusltaquil, palta ax ticnec, lajn xo pax yilx 'icha lum Edén. Mac'b'il 'ejm jun tzon̈ chon̈b' tic, ax ticnec xlaj b'ox eb', 'ayx 'anma cajn pax 'a 'a, 'oj schic eb'.

Os 13:5

Caw wach' wutjnac in tan̈wni eb' 'a lum cusltac lu'um, 'a 'aj caw 'ay c'ac'.

Jn 16:13

At 'a yic 'oj jawc Yespíritu Dios caw yel, at 'oj 'a'nc nachjc 'el smasnil tas yel eyu'uj, yujto man̈ munoc 'oj yal 'a yol yico'. Jantcn̈ej tas 'oj alxc 'a 'a, an̈j 'oj yala'. 'Oj yal pax 'ayex, yuj tastc tot 'oj jawoc.

Jn 4:14

Palta ax eb' tz'u'n jun a tzwac'a, man̈x b'a'n̈ 'oj cot stacn̈til eb' jun 'ejm xo. Yujto a jun a tzwac' tic, 'oj 'aj sjaj a 'a eb', ax ya'n a sq'uinl eb' 'a jun 'ejmn̈ej, xchi Jesús 'a 'ix.

Jn 7:38

Toto 'ayx tzeya'ch e c'ojl 'ayin, 'icha to 'ay jun a 'oj pac' 'a e pixan, ax yel yoctac. Atn jun chi tz'a'n e q'uinl 'a jun 'ejmn̈ej. Yujto 'ixta yaj yalx can 'a Ch'an̈ U'un̈, xchi Jesús 'a eb'.

Dt 15:4

Sec may eb' 'anma meb'a 'oj 'aj 'a e cal, ax Jehová qui Diosalec, 'oj yac' syaxil 'a eyib'n̈ 'a sat lum lum 'oj yac' eyico'oc cha,

1 Ts 3:11

Tzqui nib'j on̈, a qui Mam Dios yet' Cajlil Jesucristo, tz'och quet' on̈, sec 'oj stac' qui 'at 'ayx on̈.