Is 58:1 - Chuj San Sebastian Bible

¹ 'Ix yaln Dios 'ayn 'ixtic: 'Awjan̈ yet' smasnil ep 'a eb' in chon̈ab', atn eb' yin̈tl Jacob. May yuj tzach xiwi, caw 'ip yel aw 'icha yic tz'utz'x q'uen trompeta. Tzaln yab' eb' to caw wal tenmtac eb', 'ix 'och smul eb' 'a in sat.

Chuj San Mateo Bible

¹ Ix yalan Jehová d'ayin icha tic: Avajan̈ d'a chaan̈, man̈ ach xiv avaji. Te chaan̈ tz'el av icha spuji junoc q'uen trompeta. Al d'a eb' yin̈tilal Jacob tic to te pit eb', te chuc eb'.

Is 58:1 ပူးပေါင်းရင်းမြစ်များ

Is 2:5

Cotn̈ec ex yin̈tl can Jacob, b'eycoyc 'a sacq'uinlal Jehová.

Is 27:13

A 'a jun c'ul cha, 'oj 'utz'xoc jun trompeta to 'oj 'ab'xoc sjaj 'a najat, a eb' satnc can 'at 'a Asiria, yet' eb' 'ijxnac can 'at 'a Egipto, 'oj jawc eb' wul yac' 'ejm sb'a 'a Jehová, atn 'a lum tzaln to yic 'emmquilal yaj 'a Jerusalén.

Is 40:6

'Ay jun 'aw 'ix aln 'ayn 'ixtic: 'Awjan̈, xchi. Xin c'anb'n 'a 'a, ¿tas 'oj wutc 'awjoc in b'a? xin chi. 'Ix yaln 'ayin: Al-li chajtlto a sq'uinl eb' 'anma smasnil, lajn 'icha te c'ultc c'un stacji. Caw yajn̈ej tzlajw 'ejm swach'l yilx eb' 'icha tz'aj slajw 'ejm swach'l yilx te nich te 'ay 'a lum 'a'lic.

Is 43:27

A eb' e mam eyicham, a eb' b'ab'l 'ochnc smul, ax eb' scuymal eb', 'ix meltzj 'och eb' 'ajc'ojlal 'ayin.

Is 50:1

A Jehová a tzaln 'ixtc 'a schon̈ab': Ex Israel, ¿tzam e na to an pechjnacx 'el 'icha junc winc tzpechl yistzil? Toto 'ixta' ¿'ajtil 'ay yun̈al pojjb'al 'a in cal eyet'oc? ¿Tzam e na'a to an tzex in chon̈b't yuj in b'oc yic tzex 'och mosoal? Ax tic yuj e mul eyijx 'at 'icha presoal, yuj e maysch'olnilal ex in pechn 'eli.

Is 56:10

yujto a eb' stan̈mal in chon̈ab', 'icha to man̈xtzac uj yiln eb', man̈xtzac uj snan eb' tas tzb'o'o. Lajn xoj tzyutj sb'a eb' 'icha no tz'i matz chiwj xoni, teln 'ec' eb' swayi tz'ec' c'u, cojxn wayl chi tzc'an eb' sb'o'.

Is 57:12

Palta ax ticnec jun, 'oj wal-l jun e b'eyb'al tic 'a scal 'anma', a cob' eyu'uj to wach' e b'eyb'al, palta may jac tas 'oj eyic' 'a spatc jun tzo'n̈ cha.

Is 59:12

Ach qui Diosal on̈, caw yel x'och qui mul 'aych on̈, mun wal a qui mul chi tz'i'n cot 'a quib'n̈ on̈. A tas xlaj qui b'o on̈, caw checl yaji, cojc wal si'mb'il 'aj xlaj 'och qui mul on̈.

Jeremías 2:2

'Ixic, 'at al yab' eb' 'aj Jerusalén, to an Jehová in, an tzwal 'a eb' 'ixtic: Tzin na cot wal eyiclumal 'ayin, yic ex wi'n 'och wico'oc, caw tzin e chamc'ojlej, 'icha junc cob's 'ix tot xnupni, caw 'ay schamc'ojlal 'a yichmil, 'ixta ex. 'Ochnc ex tza'n wuj 'a lum cusltac lu'um, atn lum lum may xon 'aj tz'awxi.

Jeremías 36:9

A 'a yic sb'aln̈il 'uj, yic yol ab'il xo yoch win Joacim win yunnal Josías reyl 'a Judá, ata 'ix sna'a, to a eb' 'anma cajn 'a Jerusalén, yet' jun tzo'n̈ xo eb' cotnc 'a jun tzo'n̈ xo lugar 'a yol yic Judá, to yowlal tz'och eb' smasnil 'a c'ajb'c'ojlal 'a yojltac Jehová.

Jeremías 6:17

'Ix wa'n 'och jun tzo'n̈ eyilmal, 'ix waln 'ayx 'ixtic: Macljec eyab' 'aj 'oj 'utz'xoc q'uen trompeta yuj jun tzo'n̈ eyilmal cha, xin chi. Palta 'ix eyaln 'ixtc 'ayin: Ma'ay, matz yal qui c'ojl tzcab'i, xe chi.

Lm 2:14

A eb' cob' tzyalch sb'a schecb'oc Dios 'a e cal, ton̈j ex yixtj paxti eb', 'esn̈j tas xyal eb' 'ayex. Ma'ix schecltej 'el eb' e mul, yuj cha, matz e jel e nab'en. 'Ix alx 'es paxti 'ayex, xeya'n 'och jun chi yipc e c'ojol.

Ez 11:4

Yuj cha, al yab' eb' in paxti tic ach 'anma', xchi Dios 'ayin.

Ez 16:2

Ach 'anma', al yab' eb' 'aj Jerusalén tas yajb'entac tz'el sb'on eb'.

Ez 20:4

Ach 'anma', b'eyc'ojlej eb' ach tic, 'ac' yojcoc 'el eb' tas syajb'entacl x'ec' smam yichm eb'.

Ez 22:2

Ach 'anma', b'eyc'ojlej chon̈b' Jerusalén, ax alni tas 'oj 'aj yuj smilm 'anma'il. Tza ch'oxn yil smasnil tas yajb'entac sb'o'o.

Ez 23:36

'Ix yaln Jehová 'ayn 'ixtic: Ach 'anma', al yab' 'ix Ahola yet' 'ix Aholiba, to 'oj yab' eb' syal yuj jantcn̈ej tas yajb'entac sb'o'o.

Ez 33:3

A yic tzyiln win sjaw eb' 'a'm owl cha, yajn̈ej tzyutz'n win strompeta, sec tzyac' lista sb'a eb' chon̈ab' yic tzcoln sb'a eb'.

Os 8:1

Ach Oseas, ¡'Utz'j a trompeta! yujto wan sjaw tza'n̈joc eb' 'ajc'ojl 'a eb' in chon̈b' 'icha junc no c'uc'um, yujto ma'ix syiclj eb' in trato in b'ojnac yet'oc, tenmtac xyutj sb'a eb' 'a in cuynb'il.

Jonás 1:2

'Ixc 'a jun niwquil chon̈b' Nínive, tzaln yab' eb' 'anma ta', to 'oj in satl jun chon̈b' chi yet' smasnil eb' cajn 'a 'a, yujto 'ix niwtj smaysch'olnilal eb' 'ayin, xchi Dios.

Tito 2:15

Caw tzal-l wal jun tzo'n̈ tic 'a scal eb' creyente ta'. Tzac' wal snab'enoc eb'. Caw tza tench wan eb' maysch'olnil sb'eyb'al, yujto atn opiso chi ta'. Caw wach' tzotj a b'a, sec may eb' tztac' yaln o'oj, to may opiso.

Apoc 1:10

Ax 'a jun c'u yic Cajlilec, caw xjaw wal spoder Yespíritu 'ayin. Ax xwab'ni, 'ay jun mach caw 'ip x'awj 'a in patic, 'icha yoc' junc trompeta.

Apoc 4:1

Xlajw cha, xwilni, 'ay jun puerta jacn 'a satcha'an̈. A jun 'ix aln 'ayn 'a b'ab'el, atn jun lajn sjaj yet' trompeta, a 'ix aln 'emt pax 'ayn 'ixtic: —Q'uen̈ta 'a tic. A 'aych 'oj in ch'ox jun tzo'n̈ tas tot 'oj jawoc, xchi 'ayin.