Is 57:20 - Chuj San Sebastian Bible

²⁰ Palta ax eb' tu snab'en, lajn eb' 'icha a mar tzq'ue wan b'alb'noc yib'n̈ yuj 'ic', may tz'aj yoch wan a', tzlaj yi'n cot a smasnil c'alem, 'ixta yaj eb'.

Chuj San Mateo Bible

²⁰ Palta axo eb' chuc sb'eyb'al jun, lajan eb' icha a' mar scot b'alb'on sat, max ochlaj vaan, syic'ancot jantac c'alem.

Is 57:20 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 6:11

Ax sreyl chon̈b' Siria, caw 'ix somchj 'el snab'en yuj jun tic, yuj cha, 'ix yawtn cot smasnil syajlil eb' soldado, 'ix yaln 'a eb' 'ixtic: —Alc 'ayin, mach junc 'a qui calc tic 'aych yet' sreyl chon̈b' Israel, xchi 'a eb'.

Is 3:11

'Oltac wal eb' 'anma tu snab'en, a maysch'olnil 'oj scha sb'a eb' yet'oc, a tas sb'ojnac eb', a chi 'oj 'ajxoc spacc 'a eb'.

Is 3:9

A sat eb' 'anma chi tzch'oxn 'eli to b'an̈quintac eb', tzch'oxn 'el eb' to 'ay smul eb' 'icha eb' 'aj Sodoma, toc tzq'uixw eb' sb'on 'a sat 'anma'. 'Oltac wal eb', mun wal tzyij cot eb' yailal 'a yib'an̈.

Is 48:22

Ax eb' maysch'olnil tas tzb'o'o, may jac wach'l 'oj yil eb', xchi Dios.

Is 59:8

Man̈ eyojcoc tze b'eylb'ej tas wach', may xon jac tojlal 'ayc' 'a e nab'en. Caw wal tu e b'eyb'al cha, ax eb' tzlaj 'och tza'n eyu'uj, may xon jac junc'ojlal tz'ilchj yuj eb' 'a e patic.

Jeremías 49:23

'Ix yaln pax Dios yuj eb' 'aj Damasco 'ixtic: A eb' 'aj chon̈b' Hamat yet' Arfad, caw man̈x 'anmac yaj snab'en eb', yujto caw tu sc'och 'ab'x 'a eb'. Caw xniwtj xiwc'ojlal 'a eb', man̈xtzac stac' yajc' eb' 'a tzaljc'ojlal.

San Judas 1:12

A yic tzeya'n mol wa'el, tze ch'oxn e chamc'ojlal, caw tzeyac' e q'uixwloc yuj eb'. Yujto ton̈j tzcomn 'och eb' wac eyet'oc, may jac xiwc'ojlal eb'. 'Icha junc tan̈m calnelu cojxn wal tzya'ilj sb'a, 'ixta eb'. 'Icha junc tacn̈ 'asn ton̈j tzb'eyc' yuj 'ic', 'ixta pax eb'. Lajn eb' 'icha junc te may xon 'aj tzyac' junc sat. Ton̈j tztacj 'eli, tzchami. Tzlajw cha, c'uxn tz'ijx q'uet yet' sch'an̈lyib' smasnil, tzwach' satli.

San Judas 1:13

'Icha wal tzyac' yib'n̈ a mar, caw ow sq'ue wan chel-loc, 'ixta 'eb', yujto toxn matz tac' stenx 'och wan eb' 'a maysch'olnil. 'Icha swom a a tzcan 'a sti', til wal tastc maysch'olnil 'aych 'a scal, 'ixta eb' yuj jun tzo'n̈ q'uixwelal chi tzb'o cha. Q'uinloc 'ay junc c'anal tzsat 'a sb'e, 'ixta eb'. Yowlal 'oj c'och eb' 'a scal jun niwquil q'uic'q'uinal. Ata 'oj can eb' 'a jun 'ejmn̈ej.