Is 56:6 - Chuj San Sebastian Bible

⁶ Ax pax yuj eb' chuc chon̈b'al tzya'ch sb'a wico'oc, yic tzin ya'n servil eb', mto tzin schamc'ojlej eb', sec tz'och eb' in checb'oc, toto tzyiclj eb' sc'ul 'iljelal, matz 'ec' eb' 'a yib'an̈, te'n tzyutj sb'a eb' 'a in trato,

Chuj San Mateo Bible

⁶ Axo pax eb' ch'oc chon̈ab'il syac'och sb'a d'a yol in c'ab', yic tzin yac'an servil eb', tz'ochpax eb' ejmelal d'ayin, tzin sxajanej eb', sc'anab'ajan pax sc'ual ic'oj ip eb', tojol syutej sb'a eb' d'a in trato, ol in chaoch eb' d'a scal in chon̈ab'.

Is 56:6 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 8:41

Q'uinloc 'ay eb' chuc chon̈b'al 'a caw najat, 'oj yab' eb' a b'inax yuj tas satjub'tac tza b'o yet' a poder, yuj cha, tzjaw cajn eb' 'a qui cal on̈. Toto 'ay junc eb' tzleslwi 'aych 'a stojlal jun n̈a tic,

Is 14:1

A Jehová 'oj sch'oxx schamc'ojlal 'a eb' israel jun 'ejm xo. 'Oj scha si'c pax 'och eb' yico'oc, ax scha cajn pax eb' slum chi jun 'ejm xo. Ax eb' chuc chon̈b'al, 'oj jawc pax cajn eb' 'a scal eb', ax ya'n 'och sb'a eb' 'aj chon̈b'al yet' eb' yin̈tl can Jacob.

Is 44:5

A 'a scal eb' chuc chon̈b'al, ata 'ay eb' 'oj alnc 'ixtic: An tic yic in Jehová, 'oj xchioc, ax junc xo 'oj alnoc chajtlto yin̈tl can Jacob. 'Ay pax junc 'oj yac' tz'ib'xoc 'och 'a sc'ab' 'ixtic: Yic in n̈ej Jehová, 'oj xchioc, ax ya'n 'och sb'i Israel sjolmoc sb'i, xchi Dios.

Is 58:13

An Jehová in an tzwala: Toto tzeyiclj sc'ul 'iljelal, man̈oc eyic tzlaj e b'o 'a jun c'u to wic yaj cha. Wach' cab' tz'aj snachj 'el eyu'uj, to yic tzaljc'ojlal yaji, to wic yaj an Jehová in, 'ay cab' yel'ch jun c'u chi 'a e sat. Man̈ e say tas tze b'o 'a jun c'u cha, man̈ eyal comn paxti'.

Is 60:10

A eb' chuc chon̈b'al, a eb' 'oj b'onc pax smuroal e chon̈b' jun 'ejm xo, ax eb' sreyl eb', a eb' 'oj 'och eya'malc servil. Wach'xam yuj yowl in c'ojol, 'ix wa'n 'och eyailal, palta ax ticnec, yuj swach'l in nab'en, tz'o'ch pax in c'ojl 'ayex.

Is 61:5

A eb' chuc chon̈b'al, a eb' 'oj 'och yilmalc e calnelu, 'oj 'och eb' e mosooc, ax stan̈wni eb' eyawb'en uva.

Is 61:6

Ax yaln eb' 'anma eyu'uj, to ya'mal 'och sti eb' 'anma chi eyaj 'a Jehová, schecb' ex Dios. A tas 'ay 'a jun tzo'n̈ xo nacion̈, a chi 'oj tzaljoc e c'ojl e c'uxni, ax tas wach' yilx 'ay 'a eb', a chi 'oj e c'anlb'oc, sec 'oj e b'inaxi.

Jeremías 50:5

'Oj sc'anb'c 'ec' eb' jun b'e tzc'och 'a Sión, axta 'oj 'at eb', ax yaln eb' 'ixtic: Meltzjcoyc 'a Jehová. Junxn̈ej tzon̈ 'ajc yet'oc, qui b'oc junc qui trato yet' 'a jun 'ejmn̈ej, man̈x 'a b'a'n̈ tz'at satc'ojlal cujec, 'oj schic eb'.

Ez 20:13

Palta 'ix 'och eb' israel chi 'ajc'ojlal 'ayn 'a lum cusltac lum cha. Ma'ix syiclj eb' in ley yet' in checnb'il, atn jun tzo'n̈ xwac' 'a eb', sec 'ay sq'uinl eb' yu'uj. Ma'ix syiclj xon eb' sc'ul 'iljelal alb'il can wuj 'a eb'. Yuj cha, xin nani to tzwa' cot yowl in c'ojl 'a yib'n̈ eb', sec tzchamcn eb' 'a lum cusltac lum cha.

Ez 47:22

Tzeya'ch suerte 'a yib'n̈ lu'um, sec tzcheclji 'aj tzcan e macl junjn 'in̈tal ex, tzeya'n pax yic eb' chuc chon̈b'al cajn 'a e cal, mto yunnal eb' 'aljnac 'a yol e chon̈ab'. A yic tze pojn e lum cha, tzeyac' yic eb' chuc chon̈b'al chi eyet'oc, sec 'ay slum eb' chi 'a scal eb' yin̈tl Israel.

Zacarías 6:15

'Oj cot eb' 'anma 'a najat, yic tzcolwj eb' wul sb'onc sjel yatut Jehová eyet'oc. 'Ixtnta 'oj 'aj snachj 'el eyu'uj, chajtlto a Jehová tztac' yuj smasnil, a 'in checn cot wul wal 'ayex. A jun tic, 'oj 'el'choc, toto 'oj e cha eyab'i', ax eyiclni tas tzyal Jehová qui Diosalec.

A Tas Sc'ulejnac Eb' Schecab' Jesús Hechos 11:23

Ax yic xc'och Bernabé, 'ix yilni, to til wal swach'c'ojlal Dios 'ix ch'ox 'a eb'. Yuj cha, caw 'ix tzalj yuj eb', 'ix ya'n snab'enoc eb' smasnil. 'Ix yaln 'a eb' chajtlto caw te'n tzyutj sb'a eb', caw tzya'ch eb' snab'en 'a Cajlilec 'a smasnil tiempo.

A Tas Sc'ulejnac Eb' Schecab' Jesús Hechos 2:41

Yuj cha, 'ay eb' xya'ch 'a sc'ojl 'a tas 'ix yal Pedro cha. 'Ix laj ya'n 'ajxc bautisar sb'a eb'. A eb' x'och creyenteal 'a jun c'u cha, 'aym 'oxe'oc mil eb'.

Ro 8:28

Cojquec, jantcn̈ej jun tzo'n̈ tas tzjaw 'ayn̈ec, a Dios a tz'a'n coti, sec caw wach' quiquec an̈ 'ay qui chamc'ojlalec 'a 'a, an̈ec 'awtb'iln̈ xo yu'uj, sec tzon̈ 'ochc 'icha snajnac.

1 Co 16:22

Toto 'ay junc mach matz chamc'ojlan Cajlil Jesucristo, 'ay cab' yowl sc'ojl Dios 'a yib'an̈. Ach Cajlil on̈, comnoc tzach jaw muc'uc.

2 Co 8:5

Xqui na on̈, jantc tzyac' eb', palta yel xo wal niwn xyac' eb', yujto b'ab'l xyac' sb'a eb' 'a Cajlil. Xlajw cha, xya'n pax sb'a eb' 'ayn̈ on̈, 'icha tznib'j Dios.

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

Ef 6:24

Jantcn̈ej eb' tzchamc'ojlan Cajlil Jesucristo 'a smasnil tiempo, 'ay cab' swach'c'ojlal Dios 'a eb'. [Ya' cab'i'.]

Santiago 1:12

Toto tzca'c techjoc, yic tzon̈ 'ajxec prowal, caw wach' quiquec. Yujto a yic tox xlajw cajxec prowal, 'oj qui chac spac, atn qui q'uinlec 'a jun 'ejmn̈ej. Ya'jnac can Dios sti', chajtlto 'oj yac' jun tic 'a jantcn̈ej eb' 'ay schamc'ojlal 'a 'a.

Santiago 2:5

Ex wu'tac, ex wanab', chamc'ojlb'ilx wu'uj. 'A'c 'och e chicn 'a junx tic. A eb' meb'a 'a yolyib'n̈q'uinl tic, atn eb' tzsi'x 'elt yuj Dios, sec wach' tzya'ch eb' sc'ojl 'a 'a. Yuj cha, 'icha to rico tz'aj eb' 'a sat, yujto a 'oj 'i'nc 'at eb' 'a yol sc'ab'. A ya'jnac sti', chajtlto 'ixta 'oj yutc eb' 'ay schamc'ojlal 'a 'a.

Apoc 1:10

Ax 'a jun c'u yic Cajlilec, caw xjaw wal spoder Yespíritu 'ayin. Ax xwab'ni, 'ay jun mach caw 'ip x'awj 'a in patic, 'icha yoc' junc trompeta.