Is 56:2 - Chuj San Sebastian Bible

² Caw tzaljc'ojlal yic eb' tzyiclni jun tzo'n̈ checnb'il tic, tzb'eylb'an eb', tzyiclni pax eb' sc'ul 'iljelal, matz 'ec' eb' 'a yib'an̈, caw tzya'ilj sb'a eb', matz comn 'a'j 'at sb'a eb' 'a scal maysch'olnil, xchi Dios.

Chuj San Mateo Bible

² Te vach' yic eb' sc'anab'ajan juntzan̈ checnab'il tic, sb'eyb'alan eb' icha val yaji, aton eb' nivan yelc'och sc'ual ic'oj ip d'ay, max yixtejb'at eb', aton eb' syailan sb'a, max sc'ulej chucal eb', xchi Jehová.

Is 56:2 ပူးပေါင်းရင်းမြစ်များ

Nehemías 13:17

Yuj wal cha, in owx 'a eb' yajl yaj 'a yol yic Judá, xwaln 'a eb' 'ixtic: —Man̈ jantcoc maysch'olnil tze b'o 'a sc'ul 'iljelal, comn xoj tzeyutej.

Salmos 106:3

Caw wach' yic eb' to yiclum tzyutj sb'a 'a 'a, eb' to a stojlal tzb'o 'a smasnil tiempo.

Salmos 112:1

¡Alx cab' wach' paxti 'a Jehová! A eb' 'ay yel'ch Jehová 'a 'a, caw wach' yic eb', yujto tzalj eb' sb'eylb'an schecnb'il 'aycni.

Salmos 119:101

'Ix wij 'el in b'a 'a jun tzo'n̈ b'eyb'al maysch'olnil, sec tztac' in yiclni a paxti'.

Salmos 128:1

Caw wach' yic eb' yiclum tzyutj sb'a 'a Jehová, yujto 'oj scha eb' swach'c'ojlal.

Salmos 34:14

'Ijec 'el e b'a 'a scal tu'al, ax tas wach' a tze b'o'o; a cab' junc'ojlal tze sayq'ui, tze b'eylb'ani.

Salmos 37:27

Qui'c 'el qui b'a 'a scal maysch'olnil. A tas wach' a tzqui b'o'ec, sec 'oj najtxb'oc qui q'uinlec.

Ex 20:10

ax 'a yucl c'ual tzex 'ilji, yujto sc'ul 'iljelal. Matz tac' e munlj 'a jun c'u cha, yujto wicn̈ej yaji. Matz tac' smunlj eb' eyunnal, eb' eyisil, ewin e moso, eb' 'ix eya'mal servil, e cajb'en noc', mto eb' 'anma chuc chon̈b'al ton̈j 'ayc' eyet'oc.

Ex 20:8

Niwn cab' yel'ch sc'ul 'iljelal 'a e sat. A 'a jun c'u cha, ata smoj eyi'n chan̈ in b'i an Jehová in.

Pr 14:16

Toto 'ay qui nab'enec, tzon̈ xiwc 'a tas 'ay smay, tzqui'nec 'el qui b'a 'a scal maysch'olnil, ax toto tu qui nab'enec, caw tzqui b'an̈c qui b'a, may yel'ch junc tas 'a qui satec.

Pr 16:17

Toto tojl qui b'eyb'alec, tzqui'nec 'el qui b'a 'a scal maysch'olnil; toto tzca'c cuenta qui b'eyb'al, wan qui ya'ilnec qui b'a tzyal cha.

Pr 16:6

Toto tzqui chamc'ojlejec eb' quit 'anma'il, toto yiclum tzcutjec qui b'a, to 'ixta', tz'ajx niwnc'ojlal qui mulec; toto 'ay yel'ch Jehová 'a qui satec, yajn̈ej tzon̈ 'elc 'a scal maysch'olnil.

Pr 4:13

'A'ch a nab'en 'a jun cuynb'il tic, man̈ actc cani; yelc'ojlal tza b'eylb'ej, yujto a 'oj 'a'nc a q'uinal.

Pr 4:27

Man̈ e'l a b'a 'a jun b'e yic tojlal, palta 'ij 'el a b'a 'a jun b'e yic maysch'olnil.

Ec 7:18

Wach' tzcutjec qui yamn 'och wan qui b'a 'a jun tzo'n̈ tic, man̈ ca'c sat 'a qui nab'en. Toto 'ay yel'ch Dios 'a qui satec, wach' 'oj quelc c'och yet' jun tzo'n̈ tic.

Is 56:4

Yujto a Jehová a tzaln 'ixtic: A eb' man̈ tz'acnoc sniwnal cha, toto tzyiclj eb' sc'ul 'iljelal, tzyiclni eb' tas tzin nib'ej, tzchan eb' yab' tas tzyal in trato,

Is 56:6

Ax pax yuj eb' chuc chon̈b'al tzya'ch sb'a wico'oc, yic tzin ya'n servil eb', mto tzin schamc'ojlej eb', sec tz'och eb' in checb'oc, toto tzyiclj eb' sc'ul 'iljelal, matz 'ec' eb' 'a yib'an̈, te'n tzyutj sb'a eb' 'a in trato,

Is 58:13

An Jehová in an tzwala: Toto tzeyiclj sc'ul 'iljelal, man̈oc eyic tzlaj e b'o 'a jun c'u to wic yaj cha. Wach' cab' tz'aj snachj 'el eyu'uj, to yic tzaljc'ojlal yaji, to wic yaj an Jehová in, 'ay cab' yel'ch jun c'u chi 'a e sat. Man̈ e say tas tze b'o 'a jun c'u cha, man̈ eyal comn paxti'.

Ez 20:12

'Ix waln 'a eb' to tzyiclj eb' sc'ul 'iljelal yic tzcheclj 'eli to wic eb', to 'ay in trato yet' eb'. An Jehová in, an si'jnac 'el eb'.

Ez 20:20

Tzeyiclni sc'ul 'iljelal yujto wic yaji, ch'oxnb'il tz'ajcn jun c'u chi 'a in cal eyet'oc, sec tzeyojquej 'eli, to e Diosal in, xin chi 'a eb'.

Lv 19:30

An Jehová in, an tzwala to yowlal tzeyiclj sc'ul 'iljelal. 'Ay cab' yel'ch in cajnub' 'a e sat.

Lc 11:28

Palta xyaln pax Jesús 'ixtic: —Yel xo wal 'ec'b'al swach'l yic eb' tz'ab'n tas tzyal Dios, tzyiclni pax eb', xchi.

Lc 12:43

Toto tzmunlj jun moso chi 'icha tznib'j spatron̈ cha, caw wach' yico', yic 'oj jawc winac.

Jn 13:17

Toto tznachj 'el jun tzo'n̈ tic eyu'uj, tzeyiclni, caw wach' eyico'.

Ro 12:9

Caw yelc'ojlal tzlaj qui chamc'ojloquec qui b'a. Tzann̈j tas maysch'olnil, qui yajc can 'eli. Ax tastc wach', ca'c 'och qui nab'en 'a 'a.

Apoc 22:14

A eb' tz'ijx 'el smul, 'icha to tzju'l eb' spichul. Caw wach' yic eb', yujto 'ay yaln eb' yic slon sat te te tz'a'n qui q'uinlec 'a jun 'ejmn̈ej. 'Oj stac' yoch eb' 'a smac jun chon̈b' cha.