Is 55:6 - Chuj San Sebastian Bible

⁶ 'A'c 'och Jehová yipc e c'ojol, ya' sb'a chab'ilx to yu'uj, 'awjan̈c 'a 'a, ya' sb'a to la'nto yaj 'a e tz'ey.

Chuj San Mateo Bible

⁶ Aq'uecoch e b'a d'a yol sc'ab' Jehová, yacb'an tzato yal eyavaj d'ay. Avajan̈ec d'ay, yacb'an lac'anto ayeq'ui.

Is 55:6 ပူးပေါင်းရင်းမြစ်များ

1 Cr 28:9

Ach xo tic ach wunnal Salomón, 'ojquej 'el wal qui Diosal, 'ac' servil 'a smasnil a pixan, mun cab' wal tz'el 'a a c'ojol, yujto a Jehová yojc smasnil tas 'ay 'a qui pixan, tznachj 'el pax yu'uj tas 'ay 'a qui nab'en. Toto 'oj al a b'a 'a 'a, 'oj ta'wc 'ayach, palta toto 'oj e'cn 'el a b'a 'a 'a, 'oj ach spatquilc can 'el 'a jun 'ejmn̈ej.

2 Cr 19:3

Palta b'i'an, 'ayt wal jun tzo'n̈ xo tas wach' to yoch a wach'loc, yujto 'ix ej 'el jun tzo'n̈ sch'oxnb'il comn dios Aserá 'a yol a nacion̈ tic, 'ix a'ch wal 'a a c'ojl a'n servil Dios, xchi Jehú 'a 'a.

Esdras 10:2

Xlajw cha, ax Secanías yunnal Jehiel yin̈tl Elam, sc'ann spaxti', xyaln 'a Esdras 'ixtic: An̈ tic on̈, 'ix 'och qui mul 'a qui Diosalec, yujto 'ix quijquib'a yet' eb' 'ix 'ix chuc chon̈b'al. Palta b'i'an, 'ayt wal sb'omb'il 'ayn̈ israel on̈c tic, sec wach' tzon̈ 'ajx niwnc'ojlal.

Job 8:5

Ach tic, comnoc wal tza'ch a b'a 'a yol sc'ab' Dios tztac' yuj smasnil, al a b'a 'a 'a, comnoc tz'o'ch sc'ojl 'ayach.

Salmos 14:2

A 'a satcha'an̈, ata q'ueln 'emt Jehová 'a 'ayn̈ec an̈ 'anman̈ec tic, yic tzyilni toto 'ay junc on̈ 'aych qui nab'en 'a 'a, toto nan to cujec.

Salmos 145:18

A eb' tzyal sb'a 'aych 'a smasnil sc'ojol, caw la'n aj 'a stz'ey eb'.

Salmos 148:14

A 'ix 'a'n qui jelnal an̈ schon̈b' on̈c tic, sec tzon̈ b'inaxec an̈ yiclum on̈c tic, yujto an̈ yin̈tl on̈c Israel tic, an̈ on̈ yijec 'ochch 'a stz'ey. ¡Alx cab' wach' paxti 'a Jehová!

Salmos 27:8

Ach 'ix al 'ayn 'ixtic: Nitz 'ochl a b'a 'a in tz'ey, xa chi. Yuj cha, xin nani to tzin nitz 'ochch in b'a 'a a tz'ey.

Salmos 32:6

A eb' yiclum, yal cab' sb'a eb' 'ayach, a yic tzjaw niwc yailal 'a eb'. Wach'xam tzjaw 'icha a 'elmal a', palta ma'oj c'och 'a eb'.

Salmos 34:19

A eb' 'anma wach' sb'eyb'al, wach'xam til wal yailal tzjaw 'a yib'n̈ eb', palta ax Jehová a tzcoln 'el eb' 'a yol sc'ab' smasnil jun tzo'n̈ cha.

Salmos 75:1

Ach qui Diosal on̈, tzcal yuj diosal 'aych 'a smasnil qui c'ojol, tzqui b'inej a munljel to satjub'tac yilxi.

Salmos 95:7

Qui Diosalec yaji, an̈ec xo tic schon̈b' on̈ec. Yuj cha, 'icha to scalnelu cajec, tan̈b'iln̈ec yu'uj. Tzyal Dios 'ixtic: A ticnec toto tzeyab' tas tzwala,

Pr 8:17

A eb' tznib'j cuync jelnal, tz'ilchj yuj eb', ax eb' tznib'n jelnal cha, tz'ijx chan̈ eb' yu'uj.

Is 12:6

Ex 'aj Sión, 'el cab' eyaw yuj tzaljc'ojlal yujto a qui Diosal an̈ israel on̈c tic, atn jun Dios To Cojxni, caw 'ay smay, 'ayc' 'a qui calec, 'oj e chioc.

Is 26:9

Cojn 'ayach, ata 'aych in nab'en yic tz'ec' junjn 'ac'wal; an̈jtona 'a sq'uin̈b'ial, tzach wa'n 'och yipc in c'ojol. A yic tza b'eyc'ojlan eb' 'anma', ata 'oj nachj 'el yuj eb', tas tzyutj eb' stojlb'tzan sb'eyb'al.

Is 45:19

An tic, man̈ c'ultacloc tzin paxtini, man̈oc pax 'a q'uic'q'uinl 'a yol lum 'aj tzwala. May tas waljnac 'a eb' yin̈tl Jacob 'ixtic: Saynec 'ec' 'a nab'an̈ej, man̈ xin chic 'a eb'. An Jehová in tic, an̈j tas yel, yet' tas tojol, an̈j tzwala, xchi Dios.

Is 45:22

Jantcn̈ej ex cajn ex 'a 'aj tzlajw c'och sti lum lu'um, cotn̈ec 'ayin, 'oj ex in colo', cojn in ton Dios in, may junc xo.

Is 46:13

A colnb'il tzwac'a, la'n xo yaj wu'uj, man̈x najtoc yaj 'a e tz'ey, jab'xoj wal 'oj in colcn 'el Sión; wu'uj ax sb'inax pax chon̈b' Israel, xchi Dios.

Is 49:8

A Jehová a tzaln 'ixtic: 'Ix c'och stiempoal in ch'oxn in wach'c'ojlal, yic tzin pacn tas tza c'an 'ayin. Xc'och stiempoal wa'n a colnb'il, yuj a'n 'el'choc in trato yet' eb' in chon̈ab'. Tza b'on pax in chon̈b' 'a 'icha xon yaji, sec wach' tzyij pax eb' israel chi smacl 'a lum lum sictac 'ajnc can sat.

Is 58:9

Yuj cha, toto 'oj eyawj 'ayin, yajn̈ej ax in ta'w 'ayex; toto 'oj 'el eyaw e c'ann in colwal, 'oj wal 'ixtc 'ayex: Waj 'a tic, 'oj in chioc. Tzeyij 'el jun tzo'n̈ maysch'olnil chi 'a e cal, man̈x comnoc tze tzuntzj junc eyit 'anma'il, man̈x comnoc tzeya'ch junc 'es paxti 'a yib'an̈.

Is 65:10

A eb' chon̈b' 'oj yic' 'ejm sb'a 'ayin, ata 'oj 'em tzicn scalnelu eb' swa 'a lum ya'lical Sarón, ax lum ya'lical Acor, ata 'oj wa swacx eb'.

Is 65:24

A yic mantzac in yawtj eb', toxn b'ab'l in ta'w 'a eb'; a yic mantzac lajw spaxtin eb' 'ayin, wojc xo tas chi tzyal eb'.

Jeremías 25:5

'Ix yal eb' 'ayex, chajtlto tzeyactj can e maysch'olnilal, yet' pax e tu b'eyb'al, sec wach' 'oj eyaj cajn 'a lum lum 'ix yac' Jehová 'a eb' qui mam quicham.

Jeremías 33:3

C'anb'j 'ayin, 'oj wal jun tzo'n̈ tas caw niwn yel'ch 'ayach, to satjub'tac yalxi, atn jun tzo'n̈ to mant ojcoc.

Ez 14:6

Yuj cha, al 'a eb' to an Jehová in, an tzwal 'ixtic: Meltzjan̈c cot 'ayin, tzeyactn can jun tzo'n̈ yechl comn dios cha, tzeyactn e b'on tas yajb'entac.

Ez 33:11

An Jehová in, an tzwal 'ixtc 'a eb': Matz in nib'j to tzcham eb' tz'och smul, palta to tzin nib'j to tzjel eb' sb'eyb'al, sec pitzn eb'. Ex israel, 'actjec can jun tzo'n̈ e b'eyb'al cha, sec ma'oj e chami, xchi Dios.

Ez 8:6

'Ix yaln 'ixtc 'ayin: Ach 'anma', ¿tzam el wal tas yajb'entac tzb'o eb' et israelal tic? Atn wal yuj jun tzo'n̈ tic, tzwi'n 'el in b'a 'a in cajnub', palta 'ayt wal tas yel xo wal yajb'entac 'oj in ch'ox ela', xchi 'ayin.

Dn 4:27

Yuj wal cha mamin rey, chaj ab' jun tzo'n̈ tzwal 'aych tic. Wach' cab' tzotj a b'a, man̈x 'och a mul. Comnoc wal tzactj can a b'on maysch'olnil, colwjan̈ 'a eb' tz'ixtxi. Toto 'ixta', tecn 'oj a can 'a junc'ojlal, ax a q'ue'ch yet' tas 'ay 'ayach, xchi Daniel 'ayin, xchi win rey cha.

Os 10:12

Yuj cha, waln 'a eb' 'ixtic: A cab' tas tojl tze b'o ax tic, sec ax in chamc'ojlal 'oj e cha spacoc. Tojlb'tzejc e b'eyb'al, 'actjec can e tenmtaquil, stiempoal xo eya'n 'och e b'a 'a yol in c'ab', masnto yic 'oj in jaw wul wac' colnb'il 'ayex, 'icha wal yem n̈ab', 'ixta 'oj 'aj sjawi, xin chi 'a eb'.

Am 5:6

Ex wit israelal, meltzjan̈c 'a Jehová, sec ma'oj e chami. Toto ma'ay, 'oj ya' cot c'ac' 'a yib'n̈ smasnil qui macb'enec. May junc dios 'a Bet-el 'oj stac' ya'n tupoc.

Jonás 3:8

Palta a quiquec to tzca'c 'och te pichl n̈achtac sat, yic tzqui ch'oxnec 'eli, to tzon̈ cusi, yet' pax no cajb'en noc'. Leslw coyc 'a Dios yet' 'a smasnil quip. Tzlajw cha, tzcactnec qui b'on smasnil maysch'olnil tzlaj qui b'o'ec, man̈x quixtquec eb' 'anma'.

Mt 5:25

Q'uinloc 'ay junc mach tzex 'a'n queja, tzex yi'n 'at 'a win juez. Yic wan e 'at yet' 'a yol b'e, caw tze b'o yaj yet'oc, sec man̈x 'oj 'at ex ya'ch 'a yol sc'ab' winac. Yujto a win juez chi 'oj eya'n 'och 'a yol sc'ab' eb' policía, ax eb' 'oj eya'n 'och 'a preso.

Lc 13:25

Yujto a Dios, lajn 'icha junc win 'ajn̈a tzq'ue wan lin̈n 'a smexa, tzmacn yatut cha. 'Oj lajwc cha, ax xo tzex can 'a sti n̈a cha, 'ojt cob' eyawj 'och 'a 'ixtic: Mamin, jacn̈ 'och et' on̈, 'oj e chioc. Palta 'oj yal 'ayx 'ixtic: Man̈ ex wojcoc, 'ajm 'ay ex, 'oj schioc.

Jn 8:21

'Ix yaln Jesús 'a ewin 'ixtic: —An tic, 'oj in 'ati. Ax xo tic 'oj cob' in e sayq'ui, palta a 'a scal e mul 'oj e chami. Yuj cha, ma'oj stac' e comn c'och 'a 'aj 'oj in c'och cha, xchi.

Ef 3:13

Yuj cha, tzin tew 'at 'ayex, man̈ eyac' somchjoc e nab'en yuj jun yailal 'aych 'a wib'n̈ e mul eyujoc tic. A jun tzo'n̈ yailal tzwab' syal eyuj tic, a tzch'oxni, to caw niwn eyel'ch 'a sat Dios.

Dt 4:29

Palta toto a yic 'ayx 'ec' ta', ax snan sb'a e c'ojol, ax e c'ann scolwal Jehová qui Diosalec yet' smasnil e c'ojol mto yet' smasnil e nab'en, 'oj colwjoc ton 'ayex.

Dt 4:7

May junc xo niwquil nacion̈ to 'ayc' sdiosal yet' 'icha wal ya'jc Jehová qui Diosalec 'a qui calc tic. A yic tzqui c'annec junc tas 'a 'a, tzyac' 'ayn̈ec.

A Ch'an̈ Carta D'a Eb' Hebreo 2:3

Toto 'ixta x'aj eb' cha, ¿tast wal 'oj cutquec qui coln qui b'a an̈ec tic, toto tzquijec 'el qui nab'en 'a jun qui colnb'il caw niwn yel'ch tic? Caw a Cajlilec, a b'ab'l aljnac yab'xil qui colnb'ilec tic. Ax eb' 'ab'jnac, sch'oxjnac 'el eb' chajtlto caw niwn yel'ch jun 'ab'x tic, xyaln pax eb' 'ayn̈ec.

A Ch'an̈ Carta D'a Eb' Hebreo 3:13

Ya' sb'a 'ayt jab'x tiempo, caw tzlaj e jucb'tzoc e b'a 'a junjn c'u, sec wach' may ex tzex 'ixtx yuj maysch'olnil, may ex tzex pitb' 'el yu'uj.