Is 54:16 - Chuj San Sebastian Bible

¹⁶ 'Ilt nab'an, an waljnac, yuj cha 'ay win tenm q'ue'en, tzya'ch win sc'ac', ax yet' stzac'ac' chi tzyac' win c'acb'c q'uen q'ue'en, tzb'on win jun tzo'n̈ yamc'ab' yic owal. An pax waljnac, yuj cha 'ay eb' soldado tzyamc'ab'n jun tzo'n̈ yamc'ab' yic owl cha, sec 'ay pax mach tzsatl yu'uj.

Chuj San Mateo Bible

¹⁶ Ilecnab'i, a in ix in b'o vin̈ tenum q'ueen, syac'och sc'ac'al te' tzac'ac' vin̈ yic sb'oan yamc'ab' vin̈ yic oval. A in pax ix in b'o eb' satanel anima yed' juntzan̈ syamc'ab' vin̈ chi'.

Is 54:16 ပူးပေါင်းရင်းမြစ်များ

Ex 9:16

Palta mantzac ach in satli, sec wach' 'oj checljoc 'el in poder yuj tas 'oj ach wutoc. Ax eb' 'anma 'a yolyib'n̈q'uinl tic, c'uxn 'oj laj yab' eb', to caw niwn wel'chi.

Pr 16:4

A Jehová, a xb'on can smasnil tas yic tz'el'ch tas nab'il yu'uj; an̈jtona', a 'ix aln cani to a eb' 'anma maysch'olnil snab'en, a eb' 'ay yaln yic 'a yailal.

Is 10:15

'Iltec nab'an, ¿tom a junc ch'acb' 'ec'b'al yel'ch 'a yib'n̈ mach tzc'anlb'ani? ¿Tom a junc serrucho 'ec'b'al yel'ch 'a yib'n̈ mach tzmunlj yet'oc? A junc c'ococh, nab'a ten̈ej, ¿tom a te tz'a'n 'ib'xc junc 'anma tzc'anlb'an cha?

Is 37:26

¿Tom may 'aj 'ix ab' yalxi to an ton Jehová in? Wujn̈ej tz'el'ch smasnil jun tzo'n̈ tic. Pecti xon nab'il can wu'uj to tz'el'ch jun tic, yuj cha, stac' a satn 'el jun tzo'n̈ nacion̈ caw wach' yajch smuroal, 'ix q'uecn b'uln sc'ajl o'oj.

Is 46:11

'Ay jun mach tox 'ix wawtj cot 'a stojlal 'aj tzq'uel c'u, caw najt 'oj cot 'icha junc no c'uc'um. A jun cha 'oj wac' sb'o smasnil tas nab'ilx wu'uj. A tas 'ix wala, mto a tas nab'il wu'uj, 'oj wac' 'el'choc.

Is 54:15

Toto 'ayt mach 'oj cob' jawc yac' owl yet' eb', a jun cha, man̈xoc in tzwa' coti, 'oj spac sb'a eb' 'a 'a, ax slajw 'el yuj eb'.

Is 54:17

Palta ach xo tic, may xon junc mach tztac' sb'on junc yamc'ab' tztac' ach satn 'eli. A eb' tzach cob' 'a'n queja, sictac xoj 'oj 'ajcn eb' o'oj. Atn jun tic tzwac' in ti wa'n 'a eb' in checab', an Jehová in, an 'oj in col-l eb', xchi Dios.

Zacarías 1:20

Yajn̈ej sch'oxn pax Jehová wil junx tas 'a 'icha waychil, 'ay chan̈wn̈ eb' tenm q'uen xwila.

Zacarías 2:1

'Ix wiln pax junx 'a 'icha waychil. 'Ay jun win quelm 'et'jnac jun ch'an̈ 'echtab' lu'um.

Zacarías 2:4

'Ixc muc'uc, 'at al 'a jun quelm 'et'jnac jun ch'an̈ 'echtab' lum cha: To a Jerusalén 'oj b'ox cha'an̈, ax scajn eb' 'anma jun 'ejm xo. Caw 'oj niwtjoc sb'isl eb' 'anma cha, yel xo 'oj niwtjoc scajb'en noc' eb', man̈x 'oj stac' yoch smuroal chon̈b' cha.

Jn 19:11

Yuj cha, 'ix yaln Jesús 'ixtc 'a winac: —Yujto a Dios 'a'jnac opiso tic, toto ma'ay, may xon jac aln ec 'ayin. Yuj cha, a jun in 'a'n 'och 'a yol a c'ab', a 'ec'b'al smul 'a eb'an̈, xchi Jesús 'a winac.

A Ch'an̈ B'ab'el Libro Samuel 13:19

A 'a smasnil yol yic chon̈b' Israel, may xon junc eb' tzb'on q'uen hierro 'ay ta', yujto yaljnac eb' filisteo 'ixtic: May cab' junc eb' hebreo tic tztac' sb'on q'uen espada, mto q'uen lanza, xchi eb'.