Is 54:15 - Chuj San Sebastian Bible

¹⁵ Toto 'ayt mach 'oj cob' jawc yac' owl yet' eb', a jun cha, man̈xoc in tzwa' coti, 'oj spac sb'a eb' 'a 'a, ax slajw 'el yuj eb'.

Chuj San Mateo Bible

¹⁵ Tato ay mach ol javoc yac' oval eyed'oc, man̈oc in svac'cot eb', yuj chi' ol eyac'n̈ej ganar eb'.

Is 54:15 ပူးပေါင်းရင်းမြစ်များ

Salmos 56:6

Tzan 'ajtil tzyam sb'a eb', tzlaj sc'ub'nc 'el sb'a eb' yic tzin smacn eb', tzin stan̈wni eb', ax yec' a janic' tzin smiln eb' snani.

Is 40:2

Wach' tzeyutj paxtinc e b'a 'a eb' 'aj Jerusalén, tzeyaln 'a eb' chajtlto man̈x b'a'n̈ 'oj 'och eb' mosoal, tox 'ix stuplajwc eb' stenmtaquil yet' smaysch'olnilal, tox 'ix schaj eb' syailal 'a 'ayn an Jehová in, xchi Dios.

Is 43:14

A Jehová qui Diosal an̈ israel on̈ tic, jun tzon̈ 'a'nec 'el 'a libre, Dios To Cojxni, a tzaln 'ixtic: A wal 'oj wutc ex in coln ax tic, to 'oj in checb't nan̈l eb' soldado yac' owl 'a Babilonia, ax s'at eb' 'aj Babilonia chi elc 'a yol jun tzo'n̈ barco to 'aych yipc sc'ojol.

Is 54:16

'Ilt nab'an, an waljnac, yuj cha 'ay win tenm q'ue'en, tzya'ch win sc'ac', ax yet' stzac'ac' chi tzyac' win c'acb'c q'uen q'ue'en, tzb'on win jun tzo'n̈ yamc'ab' yic owal. An pax waljnac, yuj cha 'ay eb' soldado tzyamc'ab'n jun tzo'n̈ yamc'ab' yic owl cha, sec 'ay pax mach tzsatl yu'uj.

Zacarías 12:3

A 'a yic jun tiempoal cha, a Jerusalén 'icha junc q'uen q'uen man̈x jantcoc yalil, 'ixta 'oj wutc 'a jun tzo'n̈ xo nacion̈. A mach 'oj snib'c 'i'nc 'el 'a yet'ul, 'oj lajwc yu'uj. Smasnil nacion̈ 'oj syam sb'a, ax cob' ya'nc eb' owl yet' Jerusalén.

Zacarías 12:9

A wal 'a yic jun c'ul cha, an 'oj in satl smasnil nacion̈ 'oj 'a'nc owl yet' Jerusalén.

Zacarías 2:8

A Jehová tztac' yuj smasnil, a in checn coti yic tzwaln jun tzo'n̈ paxti 'a yib'n̈ jun tzo'n̈ nacion̈ 'ix 'i'n can 'ec' tas 'ay 'ayex. A Jehová a tzaln 'ixtic: Tzann̈j mach tz'och sc'ab' 'ayx in chon̈b' ex tic, 'icha to a 'a sc'ul yol in sat tzlow sc'ab'. Yuj cha, an wal 'oj wac' owl yet' jun tzo'n̈ nacion̈ cha, an 'oj in chec eb' nacion̈ 'aych 'a yaln̈ schecnb'il yic tzya'n owl yet' eb', yic tzcan eb' 'a yaln̈ yuj eb', xchi Dios. 'Ixtnta 'oj yutc Jehová sch'oxn stzictznial, ax eyojcan 'eli chajtlto checb'iln cot yu'uj.

Apoc 16:14

A 'oxwn̈ eb' demonio cha, checb' yaj eb' yic tzch'oxn eb' jun tzo'n̈ milagro. X'at eb' yac' syam sb'a jantcn̈ej eb' niwc yajl 'a smasnil yolyib'n̈q'uinal, yic tzya'n eb' owl 'a yic jun c'u niwn yel'ch yic Dios, atn Dios tztac' yuj smasnil.