Is 54:11 - Chuj San Sebastian Bible

¹¹ Xyaln pax Dios 'ixtic: 'Oltacch wal ach chon̈b' Jerusalén, 'ix ab' wal syal tas 'ix 'ec' 'a eb'an̈, may xon mach 'ix 'a'n jac sniwnal a c'ojol. Ax pax ticnec jun, an 'oj wac' b'oxc 'a chon̈b' jun 'ejm xo yet' q'uen q'uen wach' yilxi, ax wa'n 'ejm yipnub'al yich 'a yib'n̈ q'uen safiro.

Chuj San Mateo Bible

¹¹ Ix yalanxi Jehová icha tic: Ob'iltac ex, ex aj Jerusalén. Ix eyab' val syail yuj tas ix ec' d'a eyib'an̈, malaj val junoc mach ix ac'an snivanil e c'ool. Axo ticnaic ol vac'canem e chon̈ab' tic d'a yib'an̈ q'uen q'ueen vach' yilji, ol vac'ancanem yich d'a yib'an̈ q'uen zafiro.

Is 54:11 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 5:17

'Ix ya'n win rey ma'xoc 'elt q'uen niwc q'ue'en, caw tzya'ilx yelta, yet' q'uen pachpmb'a yaj stzeyxi, sec wach' to a q'uen tz'em yipnub'alc yich yatut Dios.

A Ch'an̈ B'ab'el Libro Yic Yab'ixal Eb' Rey 6:30

An̈jtona', 'ix ya'n pax 'ajxoc 'ejm oro 'a yib'n̈ te 'a'nte 'ay 'ejm 'a yojl jun yatut Dios cha, yet' pax 'a te 'ay 'ejm 'a spatquil.

1 Cr 29:2

An tic, yet' wal smasnil wip 'ix in yamb'tzan can smasnil tas 'oj c'anxc 'a yatut qui Diosalec: atn q'uen oro, q'uen plata, q'uen bronce, q'uen hierro yet' pax te te', a tzyal tas 'oj c'anxc 'a junjn macn̈ munljel. Yet' pax q'uen ónice, eb' q'uen wach' yilxi, eb' q'uen q'uic' q'ue'en, eb' q'uen chucchc yilxi, yet' smasnil junjn macn̈ q'uen chan̈ stojol, caw niwn pax q'uen mármol.

2 Cr 3:6

'Ix ya'n 'ajxoc 'och jun tzo'n̈ q'uen q'uen man̈x jantcoc swach'l yilx yelwnub'loc. A q'uen oro 'ix sc'an eb' cha, atn q'uen caw wach' cotnc 'a Parvaim.

Job 28:16

Matz tac' qui tojnec yet' q'uen oro caw wach', mto yet' q'uen cornalina, mto yet' q'uen zafiro.

Salmos 34:19

A eb' 'anma wach' sb'eyb'al, wach'xam til wal yailal tzjaw 'a yib'n̈ eb', palta ax Jehová a tzcoln 'el eb' 'a yol sc'ab' smasnil jun tzo'n̈ cha.

Ex 2:23

Niwn xo tiempo x'eq'ui, 'ix cham win sreyl Egipto cha. Ax eb' israel an̈j 'ijnoc yab'n eb' sya'il, mosoaln̈ej yajch eb', man̈ yico'oc sb'a eb', caw tz'el yaw eb'. 'Ix yiln Dios scusc'ojlal eb' yet' syailal eb',

Ex 24:10

Ata xyil eb' israel chi sDiosal. Caw tzictzni yilx 'aj te'n 'ejm yoc, lajn yilx 'icha q'uen zafiro, caw yaxt'ujnac yilx 'icha satcha'an̈.

Ex 3:2

Ata 'ix sch'ox sb'a jun yángel Jehová 'a scal jun te q'uix tzn̈ilchj sc'aq'uil; caw ow sn̈ilchj sc'a'l te', palta matz lajw te stz'a'i.

Ex 3:7

'Ix yaln Jehová 'ixtic: —Wal yel caw wal 'oltac tz'aj eb' in chon̈b' yab'n syal 'a Egipto, tzwab' yoc' eb' yuj tas tz'aj yixtx yuj eb' 'aych yilmalc eb'. Wojtac to caw wal 'oltac tz'aj eb' in chon̈ab'.

Cantares 5:14

A sc'ab' na, lajn yilx 'icha junc q'uen oro xoyn xoj yaj sb'o'i, a q'uen topacio 'aych 'a spatic; ax sniwnal na, lajn yilx 'icha q'uen marfil, ax q'uen zafiro 'aych yelwnub'loc.

Is 14:32

¿Tas wal 'oj yutc eb' sta'w 'a eb' checb'il cot yuj jun nacion̈ cha? 'Oj yal eb' 'ixtic: A Jehová a 'ix 'a'n ste'nal eb' aj Sión, sec a eb' 'ay somc'ojlal 'a scal eb', 'oj 'at scol sb'a eb' 'a jun chon̈b' cha, 'oj schic eb', xchi Isaías.

Is 28:16

Yuj cha, tzyaln Jehová 'ixtic: An 'oj wa'cn 'och jun mach yipnub'alc 'a Sión, lajn jun chi 'icha junc q'ue'en. A jun cha to niwn yel'chi, sic'b'il 'el wu'uj yic tz'och 'a schicn n̈a. May b'an̈ 'oj satl jun yich 'aycn 'ejm cha. A eb' tzya'ch jun mach chi yipc sc'ojol, may b'a'n̈ 'oj somchjoc eb'.

Is 44:28

An tzwal 'a win Ciro 'ixtic: Ach 'aych 'och yilmalc wu'uj, ach 'oj a b'o smasnil tas tzin nib'ej, xin chi 'a 'a. Tzwaln 'a Jerusalén: Ach tic 'oj a b'ox chan̈ jun 'ejm xo, ax yajx pax 'ejm yich watut jun 'ejm xo, xin chi 'a 'a, xchi Dios.

Is 49:14

Tzyaln eb' 'aj Sión 'ixtic: On̈ 'actxec can yuj Jehová, 'ix sat sc'ojl Dios 'ayn̈ec, xchi eb'.

Is 51:21

Yuj cha, ex 'aj Jerusalén, caw wal tzex 'ixtx si'mb'il, 'icha eb' 'u'm 'an̈, 'ixta xoj eyilxi, palta man̈ ex 'u'moc 'an̈.

Is 51:23

Ata 'oj wa'x 'a eb' tzlaj ex 'ixtn cha, atn eb' xlaj aln 'ayx 'ixtic: E'n̈ec teln 'a sat lum tic, ax qui b'atj 'ec' 'a eyib'n̈ on̈, xchi eb' 'ayex; ex 'ec' teln 'a sat lum cha, ex ste'wtan̈n eb' 'icha pococ, xchi Dios.

Is 54:12

'Oj in b'o jun tzo'n̈ a torreal yet' q'uen rubí, 'oj in b'o jun tzo'n̈ a puertail yet' q'uen berilo, ax a muroal, a eb' q'uen q'uen wach' yilx 'oj wa'ch 'a 'a.

Is 54:6

A jun e chon̈b' tic, lajn 'icha junc 'ix cob's 'ix 'actb'il can yuj yichmil, 'aycn 'a cusc'ojlal, 'ixta yajcni. Ax ticnec tz'awtx pax yuj Dios jun 'ejm xo, tzyaln 'a 'ixtic:

Is 60:15

Man̈x 'oj e can e ch'ocoj, man̈xtoc chacb'ilx 'eli, palta to 'oj wac' in wach'c'ojlal 'ayx 'a jun 'ejmn̈ej, yuj cha, to 'ayn̈j tzaljc'ojlal 'a smasnil tiempo.

Jeremías 30:17

Wach'xam tzyal eb' 'ajc'ojl 'a e patc 'ixtic: A Sión tox 'ix 'actx cani, toc 'ayt mach tz'och 'il yu'uj, 'oj xchic eb'. Palta an Jehová in, an tzwala, 'oj wac' b'oxc e c'ojl jun 'ejm xo, 'oj wan̈t tas lajwnac 'ayx cha, xchi Dios.

Lm 1:21

A eb' 'anma', tzlaj yab' eb' yel caw yuj qui cusc'ojlal on̈, palta may mach tz'a'n sniwnal qui c'ojol. A smasnil eb' 'ajc'ojl yajch 'ayn̈ on̈, yojc xo eb' to 'aych qui yailal on̈. Caw wal tzalj eb' yuj yailal tza'ch 'a quib'n̈ tic on̈. Jaw cab' jun c'u alb'il can oj 'a pecti', sec lajn tz'aj eb' 'icha tzon̈ 'aj tic on̈.

Ez 1:26

A 'a yib'n̈ jun jen̈n 'ec' cha, ata b'achn q'ue jun despacho caw wach' yilx 'icha q'uen zafiro, ax 'a jun despacho cha, ata wocn 'ejm jun 'icha yilx junc winac.

Ez 10:1

Ax xwilni, a 'a yib'n̈ jun 'icha samq'uen pachn q'ue 'a yib'n̈ sjolm eb' querubín cha, ata 'ix checlj chan̈ jun 'icha yilx junc despacho, lajn wal yilx 'icha q'uen zafiro.

Miqueas 7:11

Ex 'aj Jerusalén, jab'xoj sjaw sc'ul e b'on pax chan̈ smuroal e chon̈b' jun 'ejm xo; caw 'oj lewnb'oc pax e macb'en.

Mt 8:24

Palta a yic wan sb'ey eb', 'ix jaw jun 'ic' caw ow. 'Ix yutz'n chan̈ a', 'ix 'och chel-loc a 'a yojl te barco cha, ax Jesús, waync 'a yojl te'.

Jn 16:33

'Ix wal smasnil jun tzo'n̈ tic 'ayex, sec wach' junc'ojlal xoj 'oj 'aj e pixn wu'uj. A 'a yolyib'n̈q'uinl tic, 'oj eyab' ton syail. Palta te'n tzeyutj e b'a, yujto a jun yolyib'n̈q'uinl tic, 'ix can 'a yaln̈ wu'uj, xchi 'a eb'.

A Tas Sc'ulejnac Eb' Schecab' Jesús Hechos 14:22

X'ec' eb' sjucb'tzoc eb' creyente 'a 'oxe chon̈b' cha. X'ec' yac' eb' snab'enoc eb'. 'Ix yaln eb' 'ixtc 'a eb': —Caw te'n tzeyutj e b'a eya'n 'och e c'ojl 'a Cajlil, yujto a yic mantzac on̈ c'ochc 'a yol sc'ab' Dios, yowlal niwn syal 'oj jawc 'a quib'n̈ec, xchi eb'.

Ef 2:20

'Icha junc n̈a 'ix b'o'i, 'ixta 'ex. An̈ schecb' on̈ Jesús tic on̈, yet' jun tzo'n̈ xo eb' schecb' Dios, 'icha to an̈ ca'jnac 'ejm yich on̈. Ax xo, 'icha to ax tusb'ilx q'ue 'a yib'an̈. Ax Jesucristo, 'icha junc q'uen q'uen yipnub' yich n̈a yaji, 'ixta yaj 'ayn̈ec.

Dt 31:17

Yuj wal cha, 'oj cot wowl 'a eb', ax wactn can eb' sch'ocoj. Man̈x 'oj in na cot eb', man̈x yalnb'ilc yailal yet' pax b'ilc'ojlal 'oj jawc 'a yib'n̈ eb', masnto 'oj yal eb' 'ixtic: ¿Tas wal yuj tzcab'c syail, yuj am to man̈x 'ayc 'ec' qui Diosalec quet'oc? 'oj schic eb'.