Is 52:8 - Chuj San Sebastian Bible

⁸ 'Ab'ec, a eb' stan̈mal chon̈ab', caw wal checl yel yaw eb'. Junlajn yel yaw eb' smasnil yuj tzaljc'ojlal, yujto caw wal tzyil eb' tas tz'aj smeltzj paxt Jehová 'a lum tzaln Sión.

Chuj San Mateo Bible

⁸ Ab'ec, a eb' stan̈vumal e chon̈ab', tz'el yav eb', jun lajan tz'aj sq'ue n̈ilnaj eb' yel yav yuj tzalajc'olal, yujto syil val eb' sjax Jehová d'a Sion.

Is 52:8 ပူးပေါင်းရင်းမြစ်များ

Salmos 102:22

a yic 'oj syam sb'a eb' 'anma 'oj cot 'a junjn nacion̈, ax ya'n eb' 'emmquilal 'aych Mamin Jehová.

Cantares 3:3

Xlajw cha, xin c'anb'n 'a eb' policia tztan̈wni jun chon̈b' cha, xwaln 'a eb' 'ixtic: ¿May am 'aj xeyil ni quelm chamc'ojlb'il wu'uj? xin chi 'a eb'.

Cantares 5:7

Ax x'aji, xin chan in b'a yet' eb' policia tztan̈wni jun chon̈b' cha, in sma'n eb', in lajw yuj eb', sto'n 'ec' eb' in potil.

Is 24:14

A eb' 'oj can cha, caw 'oj ya'l eb' yaw yuj tzaljc'ojlal, ax sb'itnan eb' swach'c'ojlal Jehová, 'oj 'ab'xoc sjaj eb' 'a stojlal 'aj tz'em c'u.

Is 26:1

A 'a yic jun c'ul cha, 'oj b'itnaxc jun b'it tic 'a yol smacb'en Judá 'ixtic: 'Ay wal jun qui chon̈b'ec caw 'ay yip 'aj caw wach' qui colnec qui b'a, caw a Jehová tzon̈ colni, yujto a 'icha muro yaji.

Is 27:2

A 'a jun c'ul cha, 'oj yal Jehová 'ixtic: B'itnejc te 'awb'en uva to man̈x jantcoc swach'il.

Is 30:26

A yoc 'uj, lajn 'oj 'aj 'icha yowl yoc c'u, ax yoc c'u, uc 'ejm 'oj 'aj yowb' sacq'uinlal, 'icha wal sacq'uinlal uque'oc c'u to yamn yaji, 'ixta wal 'oj 'aj jun c'u cha. Atn wal 'a yic jun c'ul cha, ata 'oj yan̈tc Jehová eb' schon̈ab', ax spichn tas lajwnac 'a eb' yu'uj.

Is 35:10

A eb' colb'ilx 'el yu'uj, caw 'oj b'itn eb' 'a stzaljc'ojlal yic 'oj c'och eb' 'a Sión. 'Oj 'aj cajn eb' ta 'a tzaljc'ojlal yet' 'a jun 'ejmn̈ej. 'Oj 'ilchjoc wach'il yet' tzaljc'ojlal yuj eb', ax yailal yet' 'oq'uel, 'oj satcn 'eli.

Is 40:9

'Ex 'aj Sión, q'uen̈ec c'och 'a sjolm junc lum witz, tzex 'awj 'a caw 'ip ta', yic tzeyaln 'el wach' 'ab'ix. Ex 'aj Jerusalén, man̈ex xiw eya'n 'el eyaw, alc 'el 'ixtc 'a yoltc chon̈b' yic Judá: 'Iltec yaj qui Diosalec 'a tic, xe chi.

Is 48:20

A Jehová a tzaln 'ixtic: 'Eln̈ect 'a Babilonia, 'eln̈ect 'a scal eb' caldeo cha. Alc 'el yab'xil jun tic yet' 'aw yic tzaljc'ojlal, 'a'c 'ojcaxc 'eli, masnto 'a 'aj tzlajw c'och lum lu'um. Alc 'ixtic: A Jehová a 'on̈ 'a'nec 'el 'a libre an̈ yin̈tl on̈c Jacob tic, atn jun schecab', xe chi.

Is 56:10

yujto a eb' stan̈mal in chon̈ab', 'icha to man̈xtzac uj yiln eb', man̈xtzac uj snan eb' tas tzb'o'o. Lajn xoj tzyutj sb'a eb' 'icha no tz'i matz chiwj xoni, teln 'ec' eb' swayi tz'ec' c'u, cojxn wayl chi tzc'an eb' sb'o'.

Is 58:1

'Ix yaln Dios 'ayn 'ixtic: 'Awjan̈ yet' smasnil ep 'a eb' in chon̈ab', atn eb' yin̈tl Jacob. May yuj tzach xiwi, caw 'ip yel aw 'icha yic tz'utz'x q'uen trompeta. Tzaln yab' eb' to caw wal tenmtac eb', 'ix 'och smul eb' 'a in sat.

Is 62:6

Ex 'aj Jerusalén, xwa'cn 'och e tan̈mal 'a yib'n̈ smuroal e chon̈ab', sec sc'ual yac'wlil stew eb' eyu'uj. Ax tzex tew 'a Jehová cha, man̈ 'och cab' wan eyaln e b'a 'a 'a.

Jeremías 31:12

'Oj jawc eb', ax sb'itnan eb' b'it 'a tzaljc'ojlal 'a tzaln Sión, ax ya'n tzaljoc eb' sc'ojl yet' tas wach' 'oj wac' 'a 'a, atn 'ixm trigo, yal uva, aceite, no calnelu, yet' pax no wacax. Lajn 'oj 'ajcn eb' 'icha jun tzo'n̈ 'awb'ente caw 'aychn̈ej yalil, man̈x 'oj 'el yip eb' jun 'ejm xo.

Jeremías 32:39

Junxn̈ej 'oj 'aj snab'en eb' wu'uj, jun lajnxoj 'oj yutc eb' in ya'n servil 'a smasnil tiempo, yic tz'och swach'loc eb', yet' swach'loc yin̈tl eb'.

Jeremías 33:11

Palta ax 'oj 'ajoc, a 'a tic 'oj 'ab'xoc pax yoch b'it yic q'uin̈ yet' yic tzaljc'ojlal jun 'ejm xo, yet' b'it yic eb' quelem yet' eb' 'ix cob'es yic tznupn eb'. 'Oj 'ijxoc cot ofrenda yic alj yuj diosal 'a watut, ax laj yalnc eb' 'ixtic: Alc yuj diosal 'a Jehová tztac' yuj smasnil, yujto caw wach' snab'en, 'ay schamc'ojlal 'a smasnil tiempo, 'oj schic eb'. An Jehová in, an tzwala: Caw 'oj wi'xq'ue'ch jun chon̈b' tic 'icha xon yaj 'a yic yaln̈taxi.

Jeremías 33:7

'Oj wi'x meltzjoc eb' 'aj Judá yet' eb' 'aj Israel jun 'ejm xo 'a 'aj 'ayc' eb' 'icha presoal, ax in b'on pax chan̈ schon̈b' eb' jun 'ejm xo 'a 'icha xon yaji.

Jeremías 6:17

'Ix wa'n 'och jun tzo'n̈ eyilmal, 'ix waln 'ayx 'ixtic: Macljec eyab' 'aj 'oj 'utz'xoc q'uen trompeta yuj jun tzo'n̈ eyilmal cha, xin chi. Palta 'ix eyaln 'ixtc 'ayin: Ma'ay, matz yal qui c'ojl tzcab'i, xe chi.

Ez 3:17

Ach 'anma', tzach wa'ch stan̈malc chon̈b' Israel. Tzcham wal ab'n tas 'oj wal 'ayach, ach xo 'oj a paxtin in jelc 'a eb' 'anma tic.

Ez 33:7

Ach 'anma', tzach wa'ch stan̈malc chon̈b' Israel. Tzcham wal ab'n tas 'oj wal 'ayach, ach xo 'oj a paxtin in jelc 'a eb' 'anma tic.

Sofonías 3:9

A yic 'oj jawc jun c'ul cha, cojxn wach' paxti 'oj wac' yal eb' 'anma smasnil, sec smasnil chon̈b' 'oj yal sb'a eb' 'ayin, junxn̈ej 'oj yutc eb' in ya'n servil.

Zacarías 12:8

An Jehová in, 'oj in tan̈wc eb' cajn 'a Jerusalén cha. A eb' may wal sjelnal ya'n owl 'a scal eb' cha, caw wal 'oj jelnb'oc eb' 'icha rey David. Ax eb' yin̈tl David cha, a eb' 'oj jucb'tzan eb' 'a jelnal, 'icha to a jun wángel b'ab'l s'at 'a yojltac eb' mto 'icha to a 'in.

A Tas Sc'ulejnac Eb' Schecab' Jesús Hechos 2:1

Yic 'ix japx sc'ul q'uin̈ Pentecostés, junn̈j 'aj 'ix syam sb'a eb' creyente smasnil.

A Tas Sc'ulejnac Eb' Schecab' Jesús Hechos 4:32

Ax eb' creyente smasnil, jun lajnn̈ej xyutj eb' snab'en. Junc'ojlaln̈ej x'aj eb'. May junc mach 'ix aln yico'oc junc tas sch'ocoj. Yujto jantcn̈ej tas 'ay 'a eb', junn̈j yaj yuj eb' smasnil.

1 Co 1:10

Ex wu'tac, ex wanab', tzin tew 'ayx 'a sb'i Cajlil Jesucristo, to junxn̈ej tz'aj e nab'en e masnil ta'. Man̈ comnoc tze pojl e b'a. Caw jun lajn xoj tzeyutj e nab'en, jun lajnn̈ej tzeyutj e nan smasnil tas.

1 Co 13:12

Yujto a ticnec, mantzac nachj 'el wal yic Dios cujec. 'Ichan̈ej quilnec jun tzo'n̈ tas 'a junc nen q'uic'moynac sat, 'ixta cajec. Palta a yic jun tiempoal cha, 'oj nachjc 'el smasnil tas yic Dios cujec. Yujto si'mb'il 'oj quilc wal smasnil tas. A ticnec, mantzac tz'acw cojcanec 'el yic Dios, palta a 'a jun tiempoal cha, 'oj cojcoquec 'eli. A ticnec, yojc on̈c Dios si'mb'il. 'Ixta 'oj 'aj cojcanec 'el smasnil yic Dios ta'.

A Ch'an̈ Carta D'a Eb' Hebreo 13:17

Caw tzeyiclj tas tzyal eb' tzex 'a'n cuenta. Yiclum tzeyutj e b'a 'a eb'. Yujto a eb' cha, wan ex stan̈wni eb'. Yojc eb', chajtlto 'oj yac' eb' scuenta 'a Dios. Wach' tzeyutj e b'a, sec tzalj eb' yiln jun munljel cha, sec matz cus eb'. Toto tzeyac' cus eb' yuj e tenmtaquil, caw man̈ wach'c eyico'.

Apoc 18:20

Palta ax xo ex 'aj satcha'an̈, tzaljan̈c yuj jun chon̈b' cha. Ex schecb' Jesucristo, yet' ex schecb' Dios, e masnil ex yic xo, tzaljan̈ec. Yujto eyu'uj, 'ix sb'eyc'ojlan Dios jun chon̈b' cha, 'ix ya'n syailal.

Apoc 19:4

Ax eb' 24 'ichm winac, yet' eb' querubín schan̈wn̈il, 'ix 'em n̈ojn eb' 'a sat lu'um. 'Ix yaln sb'a eb' 'a Dios, atn 'a jun wocn 'ejm 'a sdespacho. 'Ix yaln eb' 'ixtic: ¡B'o cab' 'ixta'! ¡Alx cab' wach' paxti 'a Dios! xchi eb'.