Is 52:4 - Chuj San Sebastian Bible

⁴ A eb' in chon̈b' 'a pecti cha, 'e'lb'a 'anma yaj eb' 'a Egipto. Ax 'a spatquilx cha, 'ix 'ixtx eb' yuj eb' 'aj Asiria, 'a nab'an̈ej.

Chuj San Mateo Bible

⁴ A in chon̈ab' tic, b'atnac d'a Egipto d'a peca', ch'oc chon̈ab'il ajnac yec' eb' ta'. Axo ticnaic ix ixtaj eb' yuj eb' aj Asiria, vach'chom malaj jab'oc yuuj.

Is 52:4 ပူးပေါင်းရင်းမြစ်များ

Gn 46:6

X'at Jacob yet' smasnil eb' yin̈tl 'a Egipto yet' smasnil tas 'ay 'a 'a; xyi'n 'at eb' scalnelu, swacax, yet' smasnil tastc 'ay 'a eb' 'a Canaán cha.

Gn 46:7

Xyij 'at Jacob smasnil eb' yunnal, eb' yisil yet' eb' yixchiquin, 'ix 'at eb' yet' 'a Egipto.

Job 2:3

Yuj cha, xyaln Jehová 'ixtc 'a winac: ¿May am 'aj 'ix 'elcn win in checb' Job? May junc xo mach lajn snab'en yet' win 'a yolyib'n̈q'uinal, caw wal yiclum win 'ayin, tojl sb'eyb'al, 'ay xiwc'ojlal, may 'aj tzb'o win tas maysch'olnil. O'oj 'ix in satn 'el smasnil tas 'a winac, palta man̈ yujoc cha, sjun win snab'en, xchi Dios.

Salmos 25:3

Wojtac, to a smasnil eb' tzach 'a'n 'och yipc sc'ojol, may xon b'a'n̈ 'oj 'el sq'uixwel eb'. 'El cab' sq'uixwel eb' ton̈j tzcomn meltzj 'och 'aych 'a nab'an̈ej.

Salmos 44:12

Nab'an̈ej xcob' on̈ a chon̈cn 'el an̈ 'a chon̈b' on̈ tic, toc niwn jac qui tojl xa cha'aj.

Salmos 69:4

'Ec'b'al sb'isl eb' tzcomn chichn 'och 'ayn 'icha sb'isl xil in jolom; caw xjelnb'i eb' 'ajc'ojl yajch 'ayin. Wach'xam may in mul, palta tznib'j eb' tzin smil chamoc, tznib'j eb' tzc'an meltzjoc tas 'ayn 'a nab'an̈ej, palta may tas wel'jnac.

Is 14:25

'Oj in satl eb' asirio 'a sat in lu'um, ax wa'n lajwc 'el eb' 'a lum jolmctac witz, lum 'ay 'a yol in macb'en, ax wi'n 'el yailal 'aych yuj eb' 'a yib'n̈ eb' in chon̈ab'. Man̈x 'a pax b'a'n̈ 'oj 'ixtxoc eb' in chon̈b' chi jun 'ejm xo yuj eb'.

Jeremías 50:17

'Ix yaln pax Jehová 'ixtic: 'Icha no calnelu satnc can 'ati, pechb'il no yuj no león, 'ixta yaj eb' israel. B'ab'el 'emnc eb' yuj win sreyl Asiria. Xlajw cha, ax Nabucodonosor sreyl Babilonia, a 'ix wach' satn 'el eb'.

Jn 15:25

Palta 'ixtn tic tz'aj yel'ch jun tzo'n̈ tic, sec tz'el'ch tas tz'ib'b'il can 'a ch'an̈ ley 'aj tzcob' ya'ch eb' snab'en. 'A 'aj tzyal 'ixtic: Tzcomn chichn 'och eb' 'ayin, xchi 'a Ch'an̈ U'un̈.