Is 52:14 - Chuj San Sebastian Bible

¹⁴ Til wal mach 'oj sat sc'ojl yiln 'ochi, 'oj jelmjoc yilx sat, man̈x lajnoc yilx 'icha yilx 'anma', 'oj juwc yilx yuj tas 'oj 'aj cha.

Chuj San Mateo Bible

¹⁴ Tzijtum mach ol sat sc'ol yilani, yujto ol ixtax yilji, man̈xo animaoc ol aj yilji yuj tas ol utajoc.

Is 52:14 ပူးပေါင်းရင်းမြစ်များ

Salmos 22:15

'Icha wal junc lum tacn̈ texu, 'ixta wal x'aj stacj 'el yol in jaj, tox 'ix can tzayn wac' 'a yol in jom. In a'cn 'ejm 'a scal spoccal yet'l eb' chamnac.

Salmos 22:17

Tztac' in b'isn smasnil in b'aquil. Ax eb' 'ajc'ojl cha, caw tzalj eb' in yiln 'ochi.

Salmos 71:7

Til wal eb' xnachj 'el yu'uj, yujto 'ix yil eb' chajtlto ach xin a colcn 'eli.

Is 50:6

'Ix wac' yich in patc smac' eb' 'ajc'ojol, xwa'n stzucl eb' xil in ti'. Ma'ix in c'ub'j 'el in sat 'a eb' tzin b'uchni, yet' 'a eb' tzin tzub'ni.

Mt 26:67

Xlajw cha, 'ix stzub'n 'och eb' stzub' 'a sat Jesús, 'ix smac' pax eb'. 'Ay pax eb' xpawn 'och sc'ab' 'a sti',

Mt 27:14

Palta man̈xtoc xta'w 'a winac; yuj cha, caw sat sc'ojl win yu'uj.

Mt 7:28

Ax yic xlajw yaln Jesús 'a eb' 'anma cha, caw sat sc'ojl eb' yuj jun tzo'n̈ cuynb'il cha.

Mr 10:26

Yic 'ix yab'n eb' jun cha, caw xwach' sat sc'ojl eb' si'mb'il, 'ix laj yal-lanc eb' 'ixtc 'a 'a: —Toto 'ixta', ¿macht 'oj stac' scolchji? xchi eb'.

Mr 10:32

Ax Jesús, 'ix 'atx 'a yol jun b'e tzc'och 'a Jerusalén, 'ix b'ab'lj yuj eb' scuywum. A eb' scuywum cha, ton̈j 'ix sat sc'ojl eb'. Ax jun tzo'n̈ xo eb' 'anma ajun yet' eb', caw 'ix xiw eb'. 'Ix yawtn 'elt Jesús eb' scuywum chi slajchwan̈il 'a scal eb' 'anma cha, 'ix syamn 'och yaln 'a eb', tastc 'oj jawc 'a yib'an̈, xyaln 'ixtic:

Mr 5:42

Yajn̈j wal cha, 'ix q'ue wan 'ix, 'ix b'eyq'ui. Slajchwil ab'il sq'uinl 'ix. A eb' 'anma chi 'ayc' ta', caw 'ix sat sc'ojl eb' yiln jun cha.

Mr 6:51

Xlajw cha, x'och 'a yojl te barco chi yet' eb', 'ix 'och wan jun 'ic' chi yu'uj. Yuj cha, caw wal 'ix sat sc'ojl eb' yuj si'mb'il.

Mr 7:37

Caw wal 'ix sat sc'ojl eb', 'ix laj yalnc eb' 'ixtic: Caw wach' tzyutj sb'on smasnil tas, an̈jtona tzlaj jac schicn eb' chacan̈, tzjaccn pax sti eb' matz uj spaxtini, xchi eb'.

Lc 2:47

Ax eb' wan yab'xni 'a Jesús cha, caw 'ix sat sc'ojl eb' smasnil, yujto xnachj 'el yu'uj, caw wach' xyutj spacn 'a eb'.

Lc 22:64

'Ix smacn ewin sat, xlaj spawn poj ewin sti'. Xlajw cha, 'ix tz'acn ewin yal 'ixtc 'a 'a: —Al 'ayn̈ on̈, mach tzach ma'n tzab'i, xchi ewin 'a 'a.

Lc 4:36

Ax eb' 'ayc' ta', caw 'ix sat sc'ojl eb' yiln jun cha, 'ix laj yal-lanc eb' 'ixtc 'a 'a: —¿Tas laj wal yaj jun tzo'n̈ paxti tic xyal tic? A wal jun tic, caw 'ay yopiso, 'ay spoder ya'n mandar ewin demonio, 'in tz'el ewin yu'uj, xchi eb'.

Lc 5:26

Yuj cha, caw 'ix sat sc'ojl smasnil eb' 'ayc' ta'. 'Ix laj yalnc eb' wach' paxti 'a Dios, caw 'ix xiw pax eb'. 'Ix laj yalnc eb' 'ixtic: —A jun tzo'n̈ tas xquilc 'a jun c'u tic, mant 'a xon 'aj tzquilc 'ixta', xchi eb'.