Is 52:12 - Chuj San Sebastian Bible

¹² Palta man̈toc ji'lti 'oj eyelt muc'uc, may cab' mach to 'oj sna to 'oj 'at 'eloc, yujto a Jehová qui Diosalec an̈ israel on̈c tic, a 'oj b'ab'ljoc 'ayex, ax yoch tza'n eyu'uj yic tzex stan̈wni.

Chuj San Mateo Bible

¹² Man̈ sc'ac'aliloc, man̈ elelaloc ol ex elta, yujto a Jehová co Diosal ol oymaj d'a e patictac, ol ex stan̈vani.

Is 52:12 ပူးပေါင်းရင်းမြစ်များ

1 Cr 14:15

A yic 'oj ab'noc, 'icha to 'ay mach tzc'an̈ sb'eyc' 'a schon eb' te te cha, yajn̈ej tzex 'elt eyac' owl yet' eb'. 'Ixta 'oj wutc in ch'oxni, to an Dios in 'oj in b'ab'l 'elt 'ayex, yic tzin miln cham eb' soldado filisteo cha, xchi Dios.

Ex 12:11

A yic tzex wa cha, lista xo cab' eyaji. 'Ayx 'och cab' e pichl yic b'eyl eyu'uj, 'ayx 'och cab' e xan̈ab', yamb'ilx cab' e c'ococh. Caw wal ji'ltixn̈ej 'oj eyutc e chin no', yujto an Jehová in, an 'oj wec' 'a jun 'ac'wl cha.

Ex 12:33

Locn eb' 'aj Egipto chi xchecn 'elt eb' israel cha, sec yajn̈ej tz'el eb' 'a yol schon̈b' eb', yujto tzna eb' 'aj Egipto cha, toq'ue tzcham eb' smasnil.

Ex 12:39

Man̈x 'a tiempo 'ix sb'o eb' tas sc'uxu, ji'ltixn̈ej xpechx 'elt eb' yuj eb' 'aj Egipto cha. Toxn̈ej sb'ol eb' yoch cha, atn 'ixm harina may yich xyij cot eb'.

Ex 14:8

'Ixta 'ix yutj pax Jehová ya'n pitb'oc 'el snab'en win rey, 'ix 'ochx tza'n win yuj eb' israel. Palta toc 'ay xon eb' israel chi tzxiwi yic x'elt eb' 'a Egipto.

Is 26:7

A sb'eyb'al eb' wach' snab'en, caw tojl toni; Mamin, ach xo tza wach' tojlb'tzej sb'eyb'al eb', 'icha pan̈n 'a'lic 'ixta tzotj can sb'e eb' cha.

Is 28:16

Yuj cha, tzyaln Jehová 'ixtic: An 'oj wa'cn 'och jun mach yipnub'alc 'a Sión, lajn jun chi 'icha junc q'ue'en. A jun cha to niwn yel'chi, sic'b'il 'el wu'uj yic tz'och 'a schicn n̈a. May b'an̈ 'oj satl jun yich 'aycn 'ejm cha. A eb' tzya'ch jun mach chi yipc sc'ojol, may b'a'n̈ 'oj somchjoc eb'.

Is 42:16

A eb' matz uj yilni, 'oj wi't eb' 'a jun tzo'n̈ b'e to man̈ yojcoc. A q'uic'q'uinal, sacq'uinl 'oj wutc can 'a yojltac eb', ax wa'n pan̈ljoc eb' lum ch'olctac. Yowlal 'oj wac' 'el'choc jun tzo'n̈ tic 'a eb', ma'oj wactc can eb' schoc'oj.

Is 45:2

An 'oj in b'ab'lj 'a ojltac, smasnil lum lum chan̈ yaj cha'an̈, 'oj wa' pan̈nb'oc lu'um. 'Oj in mac' poj jun tzo'n̈ puerta to nab'a bronce, choc' 'oj wutc in b'ijchtan jun tzo'n̈ q'uen hierro 'aych yipnub'oc.

Is 49:10

Man̈x 'oj yac' eb' wejel, mto tacn̈ti'al. Man̈x 'oj yab' eb' syal yuj sc'a'l yoc c'u, yujto 'ay in chamc'ojlal 'a eb'. 'Oj in jucb'tzoc eb', ax wi'n pax 'at eb' 'a 'aj tzpac' a a'.

Is 49:11

'Oj in b'o junc b'e 'a eb' lum jolmctac witz, caw wach' 'oj wutc in b'on sb'e eb' in chon̈b' ta', xchi Dios.

Is 51:14

A mach tz'ixtx 'a nab'an̈ej, yajn̈ej ax scolxi; ma'oj cham 'a preso, ma'oj yac' pax wejel.

Is 57:18

Xcham wal woch q'ueln 'a sb'eyb'al eb', palta 'oj wan̈tc eb', ax wa'n 'iljoc eb'. 'Oj wac' pax stzaljc'ojlal eb' si'mb'il, ax wa'n sniwnal sc'ojl eb' in chon̈b' 'ay scusc'ojlal yuj smul.

Is 58:8

Toto 'ixta 'oj eyutc e b'a, yajn̈ej ax scheclj 'el in wach'c'ojlal 'ayex, 'icha tz'aj sq'uin̈lb'i 'a junc xo c'u. Yajn̈ej ax e colchj 'eli. A 'in tojlal, a chi b'ab'l s'at eyu'uj, ax in tzictznial a tza'n 'och eyu'uj.

Miqueas 2:13

An e Diosal in tic, 'oj in b'ab'lj eyu'uj, yuj in jacn e b'e, ax eyoch tza'n wu'uj. 'Oj eyelcn 'a sti 'el spuertail chon̈ab', 'ixta 'oj eyaj e colchjcan 'eli. An Jehová in, e Reyl in, an b'ab'l in eyu'uj, xchi Dios.

Nm 10:25

Ax 'a slajub', 'a spatc smasnil jun tzo'n̈ soldado cha, ata 'ix 'och tza'n eb' 'et'jnac sbandera Dan; a Ahiezer yunnal Amisadai a 'aych syajlilc eb'.

Dt 16:3

A no noc' tzeyac' e xajmb'alc cha, tze chi no', tze wan pax 'ixm pan may yich. Uque c'u tze waj 'ixm pan cha, sec a 'ixm tz'och snanb'ilc cot yailal, yujto caw ji'ltixn̈ej on̈ 'eltec 'a Egipto. Ya' sb'a pitzn ex, 'a junjn ab'il yowlal tze na cot jun c'u yic queltec cha.

Dt 20:4

yujto a Jehová qui Diosalec a 'aych quet'ec. A 'oj 'a'nc owl yet' eb' 'ajc'ojl cha, a 'oj 'a'nc ca'c ganar, xchi cab' winac.

Josué 4:11

A yic xlajw ye't eb' 'anma chi smasnil, 'ixta to b'i'an, xwach' 'e't eb' 'et'jnac te caxa chi 'a sat smasnil eb' chon̈b' cha.

Josué 6:9

Ax eb' soldado, 'ix b'ab'lj eb' yet' syamc'ab' yuj eb' ya'mal 'och sti eb' 'anma cha. 'Ay jun c'aj xo eb' 'ix 'och tza'n yuj te scaxail trato cha, xlaj yutz'nc eb' scacha.

Jueces 4:14

Xlajw cha, xyaln 'ix Débora chi 'a Barac 'ixtic: —'Ixc muc'uc, yujto a ticnec xc'och sc'ul ya'n 'och Jehová win Sísara 'a yol qui c'ab'. B'ab'l xo s'at Jehová 'a cojltac, xchi 'ix. Xlajw cha, x'em paxt Barac 'a lum jolm witz Tabor, tza'n 'och lajn̈e mil soldado yu'uj.