Is 50:10 - Chuj San Sebastian Bible

¹⁰ Ex to 'ay yel'ch Jehová 'a e sat, ex tzeyab' tas tzyal schecab': Toto scal q'uic'q'uinl tzex b'eyi, 'a'c 'och Jehová yipc e c'ojol, cann̈ec yamn 'a qui Diosal.

Chuj San Mateo Bible

¹⁰ A ex ay yelc'och Jehová d'a yol e sat, tzeyab'anpax tas syal schecab': Tato tzex b'ey d'a q'uic'alq'uinal, tato malaj tas tz'ac'an sacq'uinal d'ayex, aq'uecoch Jehová yipoc e c'ool, tzex b'eyn̈ej yed'oc.

Is 50:10 ပူးပေါင်းရင်းမြစ်များ

A Ch'an̈ Schab'l Libro Samuel 22:29

Mamin Jehová, ach ton sacq'uinl aj 'ayin; ach in Diosal, ach 'oj e'cn 'el q'uic'q'uinl 'ayin.

1 Cr 5:20

'Ix 'och Dios yet' eb', yuj cha, 'ix 'ajx ganar eb' agareno yet' eb' 'aych yet' eb'. 'Ix can eb' 'a yol sc'ab' eb', yujto a yic wan ya'n eb' owl cha, 'ix sc'an eb' scolwal Dios. 'Ix colwj Dios yet' eb', yujto 'ix ya'ch eb' sc'ojl 'a 'a.

2 Cr 20:12

Ach qui Diosal on̈, 'el cab' 'a a c'ojl a'n 'och yailal 'a yib'n̈ eb'. Yujto an̈ tic on̈, may wal quip yic tzqui te'wtzan qui b'a 'a sat eb' soldado caw niwn sb'isl cha, atn eb' tznib'j tzyac' owl quet' on̈. Man̈ cojcoc tas 'oj cutc qui b'a on̈, yuj cha, a wal 'aych tzca'ch qui nab'en, xchi win rey 'a Dios.

2 Cr 20:20

Ax 'a sq'uin̈b'il 'a junx c'u, caw 'ix seb' q'ue wan eb', 'ix 'at eb' 'a sb'el cusltac lum 'a yol yic Tecoa. Ya' sb'a wan yel eb', 'ix 'och wan lin̈n Josafat, xyaln 'a eb' 'ixtic: 'Ab'c ex 'aj Judá yet' ex 'aj Jerusalén: Ca'c 'och qui c'ojl 'a Jehová qui Diosalec, sec wach' may tas 'oj qui'nec. Tzca'nec pax 'och eb' schecb' Dios yipc qui c'ojol, sec wach' 'oj quel'chec 'a smasnil, xchi 'a eb'.

Job 13:15

Wach'xam yuj cha tzin smiln cham Dios, palta 'oj wa'chn̈ej Dios yipc in c'ojol, 'oj in col in b'a 'a yojltac.

Job 29:3

A tzin tzictajni, yuj cha wach' wec' 'a scal q'uic'q'uinal.

Salmos 111:10

Toto tzqui nib'jec to jeln tzon̈ 'ajec, yowlal tzqui yicljec tas syal Jehová. Smasnil eb' tzcuyn schecnb'il, jeln tz'aj 'el'ch eb'. Smasnil cab' tiempo tzalx wach' paxti 'a 'a.

Salmos 128:1

Caw wach' yic eb' yiclum tzyutj sb'a 'a Jehová, yujto 'oj scha eb' swach'c'ojlal.

Salmos 145:21

Tzach in b'itnej wal Mamin. Smasnil tas b'ob'il o'oj, yal cab' swach' paxti 'ayach, ticnec yet' 'a smasnil tiempo.

Salmos 23:4

Wach'xam tzin 'ec' 'a junc lugar 'aj caw q'uic'q'uinal, 'a 'aj 'ay smay in chami, palta matz in xiw yuj junc tas, yujto 'aych 'ec' wet'oc. 'Icha junc 'ilm calnelu tztan̈wj scalnelu yet' sc'ococh yet' pax sjixc'ab'te', 'ixta tzin otj in a tan̈wni.

Salmos 25:12

A mach 'ay el'ch 'a sat, 'oj a ch'ox 'a jun b'e wach' 'aj 'oj b'eyoc.

Salmos 25:14

A eb' a wach'c'ojl a b'a yet'oc, atn eb' 'ay xiwc'ojlal 'ayach, tzac' pax 'el'choc a trato 'a eb'.

Salmos 28:7

Mamin Jehová ach 'aych 'och wipoc, 'aych 'och wen̈loc 'icha junc q'ue'en; ach wa'ch yipc in c'ojol, caw ach colwjn̈ej wet'oc. Yuj cha, caw wal tzin tzalji, 'oj in b'itnoc a b'i, ax waln yuj diosal 'ayach.

Salmos 42:11

¿Tas wal yuj tzjaw in chab'c'ojlal? ¿Tas yuj tzsomchj chan̈ in nab'en? Ach in Diosal tzach wa'ch yipc in c'ojol, a 'aych 'oj wal wach' paxti'. In Colmal aji, in Diosal ach paxi.

Salmos 62:8

Ex wit chon̈ab', ca'c 'och Dios yipc qui c'ojl 'a smasnil tiempo. Yet' wal smasnil qui c'ojlec, tzon̈ leslwiec 'a 'a, yujto cojn 'a 'aj wach' tzqui colc qui b'a.

Ec 12:13

'Ixtn tic tz'aj slajw can jun tzo'n̈ paxti tic. 'Ix alx can 'el smasnil. 'Ay cab' yel'ch Dios 'a qui satec, qui yiclquec smasnil schecnb'il, yujto a jun chi yowlal tzqui b'o'ec.

Is 10:20

A 'a jun tiempoal cha, a jaywn̈ocx eb' israel ma'oj chamoc, atn jaywn̈ocx eb' yin̈tl can Jacob 'oj colchjoc can 'eli. Man̈x 'oj ya'ch eb' yipc sc'ojl jun nacion̈ 'ijn satn 'el eb' cha. Palta axn̈ej 'a Jehová 'aj 'oj ya'ch eb' snab'en, atn sDiosal Israel to cojxni.

Is 12:2

Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Is 26:9

Cojn 'ayach, ata 'aych in nab'en yic tz'ec' junjn 'ac'wal; an̈jtona 'a sq'uin̈b'ial, tzach wa'n 'och yipc in c'ojol. A yic tza b'eyc'ojlan eb' 'anma', ata 'oj nachj 'el yuj eb', tas tzyutj eb' stojlb'tzan sb'eyb'al.

Is 42:1

Tzyaln pax Dios 'ixtic: A jun tic in checab', an 'ayn 'och yet'oc, an in si'jnac 'eli, caw tzin tzalj yet'oc, 'oj wa'cn 'och Wespíritu 'a 'a, sec 'oj sb'oyaj eb' nacion̈ 'a stojlal.

Is 50:4

A jun schecb' Dios tzaln 'ixtic: A Jehová Wajlil a x'a'n jelnb'oc in paxtini, yic wach' tztac' wa'n sniwnal sc'ojl eb' c'unb'nac. 'A junjn sq'uin̈b'ial tzin nib'n wab'i' tas tzyac' in cuyu'.

Is 53:11

A yic tox xlajw 'ec' jun tzo'n̈ yailal chi 'a yib'an̈, ax stzalj pax yiln 'och spac jun syailal cha, to man̈ nab'an̈ejoc. Til wal eb' 'oj 'ojcan el jun schecb' Dios cha, 'oj 'ochcn eb' wach'l yu'uj, yujto a 'oj 'i'nc 'el smul eb' 'a yib'an̈.

Is 59:9

Yuj cha, tzeyaln 'ixtic: A ticnec b'i'an, 'ix cojquejec 'eli tas yuj matz on̈ colx 'el 'a yol sc'ab' eb' tzon̈ 'ixtni; cob' tan̈b'il sjaw sacq'uinl 'ayn̈ec, palta cojxn q'uic'q'uinl oyn 'och 'ayn̈ec, tan̈b'il cob' cujec b'a'n̈ tzon̈ colxec 'a yol sc'ab' eb' tzon̈ 'ixtn cha.

Is 8:17

Wach'xam tzc'ub'j 'el sb'a Jehová 'a 'ayn̈ an̈ yin̈tl on̈ Jacob tic, palta an tic, tzwa'ch 'a in c'ojol, to a yipc'ojlal yaj wu'uj.

Is 9:2

A eb' 'anma cha, wan sb'ey eb' 'a scal q'uic'q'uinal, 'oj yil eb' sjaw jun niwquil sacq'uinl 'a scal. A jun sacq'uinl cha, 'oj c'och tzicnjoc yoc 'a scal eb' 'icha to chamnc 'a scal q'uic'q'uinl cha.

Lm 3:2

In spechcn 'at 'a scal q'uic'q'uinl 'aj may xon jac sacq'uinal. In ya'n b'ey 'a b'e yic may in cantil wet'i.

Dn 3:28

A wal 'a yic jun rato cha, 'ix yaln win rey chi 'ixtic: Alx cab' wach' paxti 'a sDiosal Sadrac, Mesac yet' Abed-nego, yujto a 'ix checn cot jun yángel wul scol-l eb' schecb' caw tzya'ch sc'ojl 'a tic. Eb' ma'ix yiclni jun ley xwac' 'elt an reyn tic. Schaj sc'ojl eb' schami, 'a yib'n̈ pax to tzyac' 'ejm sb'a eb' 'a junc xo dios to man̈ sDiosalc eb'.

Nahúm 1:7

Caw wach' snab'en Jehová, colnb'il yaj 'a yic 'ay junc yailal. A eb' tzya'ch sc'ojl 'a 'a, caw tzcolx eb' yu'uj.

Sofonías 3:12

Cojxn̈ej eb' 'anma tzyij 'ejm sb'a, eb' 'emmquilal yeq'ui, a eb' 'oj wac' cajnc in chon̈ab'. Cojxn̈ej 'ayn 'oj ya'ch eb' sc'ojol.

Hageo 1:12

Yuj cha, a win Zorobabel cha, yet' Josué yet' pax smasnil eb' 'anma paxn̈cta 'a Babilonia, a yic xyab'n eb' spaxti Jehová Dios 'ix wal cha, yuj cha, caw 'ix xiw eb', syiclni eb'.

Malaquías 3:16

Palta a eb' 'ay yel'ch Jehová 'a sat, tzlaj yal-lac junjn eb' 'a 'a yuj swach'l Dios. Ax Dios 'ix yab'i tas wan yaln eb' cha, yuj cha, 'ix ya'n tz'ib'xoc can sb'i eb' 'a jun slibro, yic tzb'inax cot eb' 'ay yel'ch Jehová chi 'a sat.

Jn 12:46

An tic, in jaw wul wac' sacq'uinl 'a spixn eb' 'anma 'a yolyib'n̈q'uinl tic, sec wach' a eb' tzya'ch sc'ojl 'ayin, man̈x 'a q'uic'q'uinl 'a spixn eb'.

Jn 8:12

'Ix yaln pax Jesús 'ixtc 'a scal eb' 'anma cha: —An tic, 'icha sacq'uinl waj 'a eb' 'anma 'ay 'a yolyib'n̈q'uinl tic. A eb' tz'och in cuywumoc, 'oj wac' sacq'uinl 'a spixn eb'. Yuj jun sacq'uinl cha, 'oj scha eb' sq'uinl 'a jun 'ejmn̈ej. Man̈x 'oj b'ey eb' 'a scal q'uic'q'uinal, xchi Jesús.

Ef 5:8

A 'a yic yalan̈, q'uic'q'uinl to yaj qui pixnec yuj qui b'eyb'al. Al ticnec, sacq'uinl xo yaj qui pixnec, yujto junxn̈ej cajc yet' Cajlil. Yic on̈c xo sacq'uinl ticnec. Yuj cha, yowlal wach' tzcutjec qui b'eyb'al.

A Ch'an̈ Carta D'a Eb' Hebreo 5:9

Ax yic 'ix tz'acw 'el'chi, 'ix 'ajx yopiso ya'n colnb'il 'a jun 'ejmn̈ej, 'a smasnil 'anma tzchan 'ab'noc tas tzyala.

A Sb'ab'el Carta San Pedro 5:7

Jantcn̈ej quilc'ojlalec ca'c 'och 'a yol sc'ab' Dios, yujto a 'aych 'il on̈ yilnec.

A Ch'an̈ B'ab'el Libro Samuel 30:6

Caw 'ix 'och 'il David si'mb'il, yujto snib'j eb' winc ajun yet' chi sjul q'uenej. Chab'c'ojlal xoj yaj eb' smasnil, yuj tas 'ix 'aj yunnal eb', yisl eb' cha. Palta xya'ch David chi snab'en 'a Jehová sDiosal.