Is 5:29 - Chuj San Sebastian Bible

²⁹ A yol sjaj eb', lajn wal sn̈il-li 'icha yic no león, yic tzyamn no schib'ej, tzyi'n 'at no a 'aj 'ay yet'ul, toc 'ay mach tztac' yi'n 'ec' 'a no'.

Chuj San Mateo Bible

²⁹ Ayic tz'el yav eb', icha val yel yav noc' choj ayic sayan schib'ej noc'. Syic'anb'at noc' b'aj ay, man̈xalaj mach syal yic'anec' d'a noc'.

Is 5:29 ပူးပေါင်းရင်းမြစ်များ

Gn 49:9

Lajn ach wal 'icha junc no quelm león; a yic tzlajw schin 'ejm junc yit noc'al tzmeltzj pax 'a sn̈aq'ue'en. 'Icha junc no niwquil león, tz'em lachan, tzlaj 'ec' pun̈n 'a sat lu'um. ¿Mach wal junc tzte'wtzej sb'a stzuntzni?

Salmos 50:22

Toto tzin 'at satc'ojlal eyu'uj, wach' cab' tz'aj snachj 'el eyu'uj, to choc' 'oj ex wutc cani. Man̈x 'a mach 'oj e coln 'el 'ayin.

Is 10:6

A win tzin checb't mu'c 'a junc nacion̈ may wel'ch 'a sat, atn 'a eb' chon̈b' tzuntzj cot wowal, tzya'n owl yet' junc nacion̈ cha, tzyi'n can 'ec' tas 'ay 'a eb' 'anma', tzte'n can 'ejm junc nacion̈ chi 'icha ste'x can 'ejm lum b'i'ch 'a yol caye.

Is 31:4

A Jehová a 'ix aln 'ayn 'ixtic: 'Icha wal yel yaw junc no 'ichm león tztan̈wj schib'ej, wach'xam niwn eb' 'ilm calnelu tzyoy sb'a 'a no', wach'xam jantc yel yaw eb' xib'tn cob' no', toc tzxiw no yuj eb'. 'Ixta wal 'oj wutc in tan̈wni eb' in chon̈ab', yic 'oj wul wa'nc owl 'a lum tzaln Sión.

Is 35:9

A 'aj tz'ec' jun b'e cha, may no león cajn ta', may e no chiwjum noc' 'oj c'och 'a jun lugar cha. A 'a jun b'e cha, ata 'oj 'ec' eb' colb'ilx 'el yuj Jehová.

Is 42:22

Yuj e tenmtaquil 'ix 'el'x 'at tas 'ay 'ayex, ex 'ijx 'at 'icha presoal e masnil, ex 'ajx 'ejm 'a yol lu'um. Caw ex lajw 'eli. Man̈x 'a mach ex coln 'eli. Ex 'el'x 'ati, man̈x 'a mach ex 'i'n 'ec' 'a eb' 'elc'm cha, xchi Dios.

Is 47:15

'Ixta wal 'oj 'ajcn eb' cob' tzaln tzach coln cha, eb' til wal trato a'jnac yet' 'a yictax a cot'chi. Palta 'ix 'atcn junjn eb' 'a stu b'eyb'al 'a 'aj 'oj satli, man̈x 'a junc eb' 'oj a colni, xchi Dios.

Jeremías 2:15

¿Tas yuj x'och eb' 'anma 'ajc'ojlal 'ayex? 'Icha yel yaw no león, 'ixta ya'n 'el eb' yaw 'ayex. Caw x'ixtx 'el e chon̈b' eyu'uj; xn̈usx tz'a'oc, man̈x 'a junc mach xcan cajn 'a 'a.

Jeremías 4:7

'Icha tz'aj yelt no león 'a 'aj 'ay swaynub', 'ixta tz'aj scot eb' 'oj wul satnc 'el jun tzo'n̈ nacion̈ tic. Tox 'ix 'elt eb' 'a yol schon̈ab', yic tzwul satxoc 'el e chon̈b' yuj eb'. Caw 'oj sma'cn 'ejm lan̈chjoc eb', man̈x 'a xon junc mach 'oj can cajn 'a 'a, xchi Dios.

Jeremías 49:19

'Icha wal junc no león tz'elt 'a swaymtacl sti a Jordán, wal 'a yajn̈ej tzc'och no 'a lum pan̈n 'a'lic 'aj tzwa no calnelu, tzsactzic can e no yu'uj, 'ixta wal 'oj waj in c'och 'a chon̈b' Edom. A eb' 'anma cajn ta', 'oj 'at eb' 'eloc, ax jun mach sic'b'il 'el wu'uj, a 'oj wa'cn 'och yajlilc ta'. ¿Mach wal junc 'oj stac' slajb'tzan sb'a wet'oc? ¿Mach wal 'oj stac' sten sb'a wet'oc? ¿Mach wal junc yajl 'oj stac' ste'wtzan sb'a 'a wojltac?

Jeremías 50:17

'Ix yaln pax Jehová 'ixtic: 'Icha no calnelu satnc can 'ati, pechb'il no yuj no león, 'ixta yaj eb' israel. B'ab'el 'emnc eb' yuj win sreyl Asiria. Xlajw cha, ax Nabucodonosor sreyl Babilonia, a 'ix wach' satn 'el eb'.

Jeremías 51:38

'Oj 'el yaw eb' 'aj Babilonia 'icha no león, 'oj 'el yaw pax eb' 'icha no cotc león.

Os 11:10

'Oj 'ochx tza'n eb' in chon̈b' wu'uj, ax yel waw 'icha no león. Yuj tz'el waw cha, ax scot eb' wunnal 'a 'aj tz'em c'u, caw wal tz'ib'x eb' yuj xiwlal ax sjaw eb' 'ayin.

Am 3:8

Smasnil 'anma tzxiwi, toto tz'el yaw no león. An xo, ¿tom ma'oj wal-l spaxti Jehová Cajlil, toto a tzaln 'ayin?

Miqueas 5:8

Lajn wal 'oj 'aj eb' yin̈tl Jacob chi 'a scal nan̈loc nacion̈ 'icha junc no león 'ay 'a scal no calte'al noc', mto 'icha junc no león tz'och 'a scal jun b'ulc no calnelu. A yic tzc'och no', tzyamn cot no e no calnelu cha, tzcotc ch'iychtan 'at no'. Man̈x 'a junc mach tztac' scoln e no'.

Nahúm 2:11

¿Tas 'ix 'i'n chon̈b' Nínive tic? 'Icha wal sn̈aq'uen no león 'aj 'ayc' yet' yune', 'ixta yaj 'a yic yaln̈taxi. A e no león chi yet' yune', caw wach' yaj no ta tzyab'i, may mach tzxib'tn no ta'.

Sofonías 3:3

A eb' syajlil eb', lajn wal eb' 'icha no león tz'el yaw yuj wejel. Ax eb' juez, lajn eb' 'icha no 'ocs man̈x 'a jac sb'acl schib'j tzyactj can yico'oc junc xo c'u.

Zacarías 11:3

Ax xo ex 'ilm calnelu, 'el cab' wec'c'oc eyaw eyoq'ui, yujto tox 'ix lajw 'ejm te c'ultac. Checl yel yaw no león 'a sti a Jordán, yujto tox 'ix lajw 'ejm lum waymtac.

Nm 24:9

Lajn 'icha junc no león pun̈n 'ejm swayi: Toc 'ay mach tztac' stzuntzni. Alx cab' wach' paxti 'a yib'n̈ mach tzaln wach' paxti 'a eb' israel, ax mach tzaln tu paxti 'a yib'n̈ eb', catb'tzax cab' cani, xchi Balaam.