Is 5:27 - Chuj San Sebastian Bible

²⁷ A 'a scal eb' soldado, may junc eb' tz'el yip mto c'unb'nac sb'eyi, may eb' 'ay swayan̈, may eb' 'oj telwoc sb'eyi, may eb' choyn yajch sjalul, may pax eb' to 'oj t'ucchjoc can 'el sc'ab' xan̈ab'.

Chuj San Mateo Bible

²⁷ Malaj junoc eb' soldado d'a scal eb' chi' c'unb'inac, mato ay svayan̈. Malaj pax eb' choyan yajoch stzec'ul, ma d'in̈chimtac sch'an̈al sxan̈ab'.

Is 5:27 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 2:5

'In ojc xo ach tic, tas in yutj Joab, win yune 'ix Sarvia, 'ix smil cham win chawn̈ eb' sgeneralil eb' soldado quit israelal: atn Abner yunnal Ner, yet' Amasa yunnal Jeter. A wal yic may owal, 'ix milx cham eb' yu'uj, 'icha to a 'a owl 'ix cham eb', 'icha to 'ix b'on̈x sincha yet' xan̈b' yuj schic'l eb'.

Job 12:18

A tz'i'n 'ec' yopiso eb' rey, tzya'n can 'at eb' 'icha presoal 'a junc xo chon̈ab', jitn 'el eb' yic tz'at eb' cha.

Job 12:21

A eb' caw 'ay yel'ch 'a sat 'anma', a tz'a'n patquilx can 'el eb'; ax eb' caw wal 'ay yip, a tz'i'n 'el yip eb' cha.

Salmos 18:32

Ach tzac' wip, tza b'on in b'eyb'al.

Salmos 93:1

Mamin Jehová Reych xoni, a 'a tzictznial, a chi 'icha to 'aych a pichloc. Ax a poder, 'icha to oyn 'och 'ayach. Ach b'ojnac yolyib'n̈q'uinl tic, yuj cha, matz 'ib'xi.

Pr 3:23

Caw junc'ojlal 'oj eq'ui, may tas 'oj e'ni.

Is 11:5

A tas tojol yet' tas yel, a chi 'oj niwtjoc yalx 'a spatic, 'icha to spichl 'oj 'ajch jun tzo'n̈ cha.

Is 45:1

A Jehová a 'ix si'n 'och Ciro reyal, caw a 'ix quetzn b'ey yet' swach' c'ab', sec tz'ejm jun tzo'n̈ nacion̈ yu'uj, yuj pax yi'n 'ec' yopiso eb' rey. A Jehová, a 'oj 'a'nc jacwc spuertail jun tzo'n̈ chon̈b' 'a Ciro, may junc mach 'oj stac' smacni. Yuj cha, tzyaln Dios 'a 'ixtic:

Is 45:5

Cojn in ton Jehová in, may junc xo. May junc xo Dios, Cojxn In Toni. An 'oj wac' ep, wach'xam man̈ in ojcoc.

Dn 5:6

caw sacb'el win yuj xiwlal. Yuj wal jun xiwlal x'och 'a win cha, syamn 'och win yib'x sniwnal smasnil, caw x'el yip winac.

Mt 3:4

A Juan cha, a xil no cameyo 'aych spichloc, ax sjalul tz'u'um. A jun tzo'n̈ noc' 'icha b'ojch'in a tzchi'a; ax no calte'al yal chab' tzyuq'uej.

Dt 32:25

A 'a yol caye, 'oj laj can t'ocn yunnal eb' scham yuj q'uen espada. Caw xiwc'ojlaln̈ej ya'jc eb' 'a yol yatut. 'Oj cham ewin quelmtac winac, yet' eb' 'ix cob'stac 'ix, eb' 'ichmtac 'anma', yet' pax eb' 'unn tzat chuwi.