Is 5:26 - Chuj San Sebastian Bible

²⁶ 'Oj ya' chan̈ jun bandera yil jun tzo'n̈ xo nacion̈, ax xulmj 'at 'a eb' nacion̈ cajn 'a 'aj tzlajw c'och sti lum lum tic. 'Oj yawtc cot eb' 'anma chi 'a caw najt cha, ax sjaw tza'njoc eb' muc'uc.

Chuj San Mateo Bible

²⁶ Ol yic'chaan̈ jun bandera Jehová chi' yil juntzan̈xo chon̈ab' najat ay. Ol xub'anb'at d'a eb' cajan b'aj slajvic'och lum luum tic, axo scot lemnaj eb' chi'.

Is 5:26 ပူးပေါင်းရင်းမြစ်များ

Salmos 60:4

'Ix ac' jun senya 'a eb' to 'ay el'ch 'a sat, sec matz yamchj eb' yuj jun tzo'n̈ sjul-lab' eb' 'ajc'ojol.

Salmos 72:8

Ya' cab' win yajlil 'a yib'n̈ smasnil lum lum tzc'och 'a sti a mar Mediterráneo masnto 'a sti a Chac Mar; yet' 'a sti a Éufrates, masnto 'aj tzlajw c'och lum lu'um.

Is 10:3

¿Tas 'oj eyutc e b'a yic 'oj jawc eyailal? A yic 'oj eyiln scot jun yailal chi 'a najat, ¿mach 'aj 'oj eyal e b'a? ¿'Aj pax til 'oj eyactc can smasnil tas 'ay 'ayex?

Is 11:12

'Oj q'ue junc bandera tzch'oxni, chajtlto a tzmolb'tzan paxt eb' israel 'aycn 'at 'icha presoal 'a jun tzo'n̈ xo nacion̈. An̈jtona eb' 'aj Judá 'oj smolb'tzoc paxt eb' 'aycn 'at 'a smasnil yolyib'n̈q'uinl tic.

Is 13:2

A 'a sjolm jun witz may ste'al, ata tzeyac' chan̈ junc e bandera. Alx cab' yab' eb' soldado, to tz'och eb' 'a owal, 'ijec chan̈ e c'ab' yic tze ch'oxni 'ajtil tztac' yoch eb' soldado chi 'a yol sti spuertail yatut eb' yajl 'a Babilonia.

Is 13:3

Tox xwac' alxc 'a eb' in soldado, atn eb' jeln 'a owal, a eb' xwac' si'xoc 'eli, 'oj tzaljoc eb', yic 'oj wa'n ya'ch eb' syailal eb' 'ajc'ojl yajch 'ayin, xchi Dios.

Is 13:4

Ex 'aj Babilonia 'ab'c wal jun 'aw 'a eb' lum jolmctac witz cha. A wal tzcab'i to caw niwn 'anma yamn ta', atn eb' 'anma xcot 'a jun tzo'n̈ xo nacion̈. A Jehová tztac' yuj smasnil, a wan ya'n 'awtxoc slistail eb' soldado 'oj 'och 'a owl cha.

Is 13:5

Atn eb' xlaj cot 'a jun tzo'n̈ nacion̈ 'a najat, 'a 'aj tzlajw c'och sti lum lum tic. 'Icha to syamc'ab' Jehová yaj eb' yuj 'a owal, sec a eb' tzsatn 'el smasnil tas 'ay 'a sat lum lum tic yuj yowl sc'ojol.

Is 18:3

E masnil ex wit 'anmal cajn 'a yolyib'n̈q'uinl tic, 'ab'ec, sec 'oj eyil yajx q'ue jun bandera 'a lum jolm witz, ax eyab'n yutz'x trompeta ta'.

Is 30:16

A eyico', to 'ix eyal 'ixtic: Ma'ay, yel xo wach' quiquec, to a 'a yib'n̈ chej 'oj qui 'ati, yic tzqui colnec qui b'a, xe chi. Yel ton tzeyala, 'oj e 'at 'elc cha. 'Ix eyaln pax 'ixtic: 'Oj cochc 'a yol caruaje to caw jeln sb'eyi, xe chi. Yel ton tzeyala, palta yel xo jeln sb'ey eb' 'ajc'ojl chi 'oj e pechn b'eyc'oc cha.

Is 31:9

Yuj wal jun xiwlal cha, ax s'at win rey yet' eb' scapitan̈il eb' soldado 'eloc, ax yactn can eb' sbandera. A Jehová a tzaln jun tic, atn jun 'ay yic jun yet'l xajmb'al 'aych sc'a'l 'a tzaln Sión, a sc'a'l yowl sc'ojol, caw tzn̈ilchj 'a Jerusalén, yic tzya'n 'och yailal 'a eb' 'ajc'ojl yajch 'a 'a.

Is 39:3

Xlajw spaxcn eb' winc cha, 'ix 'at Isaías win schecb' Dios 'a win rey Ezequías, 'ix sc'anb'n 'a 'ixtic: —¿'Ajtil 'ix cot jun tzo'n̈ winc cha? ¿tas xchi eb' 'ayach? xchi. —'Ix cot eb' 'a jun nacion̈ caw najat, atn 'a Babilonia, xchi Ezequías.

Is 7:18

A 'a jun tiempoal cha, 'oj ya' cot Jehová eb' soldado cajn 'a stitc a niwn a 'a Egipto, ax sjaw somnjoc eb' 'icha tzyac' no 'us. 'Oj yawtn cot eb' soldado 'aj Asiria, ax sjaw somnjoc eb' 'icha no sno'l chab'.

Jeremías 4:13

'Ix yaln pax Jehová 'ixtic: 'Iltec wal scot eb' 'ajc'ojol, lajn wal scot eb' 'icha junc 'asun. A wal scaruaje eb', lajn sb'ey 'icha junc chacxuxm 'ic'. 'Ec'b'al sb'ey schej eb' 'a no salt'iw. Alc 'ixtic: ¡'Oltacn̈ec wal an̈ec tic, caw wal 'oj qui satc 'eli! xe chi.

Jeremías 5:15

Tzyaln pax Jehová 'ixtic: Ex yin̈tl can Israel, a wal jun chon̈b'al eb' 'anma caw najt 'ay, a eb' 'oj wi' cot 'ayex, atn eb' 'anma caw 'ay yip, eb' 'ayc' xon 'a yictax pecti', eb' man̈ eyojcoc sti', ma'oj eyab' xon tas 'oj yal eb'.

Jeremías 51:27

Ch'oxc chan̈ jun senya yic owl 'a Babilonia. 'Utz'jec q'uen trompeta, sec tzjaw smasnil nacion̈ yac' owl 'a 'a. Cot cab' eb' 'aj Ararat, yet' eb' 'aj Mini, yet' pax eb' 'aj Askenaz yac' owl yet'oc. Si'c 'och junc general tzjucb'tzan eb' soldado 'a owal. 'At cab' no chej 'a owal, niwn cab' no 'icha no c'ulb' man̈x jantcoc sb'isul.

Lm 4:19

A eb' tzon̈ pechn b'eyc'oc on̈, yel xo jeln sb'ey eb' 'a no c'u'm tz'ec' 'a satcha'an̈. Tzon̈ spech eb' 'a lum jolmctac witz on̈, tzon̈ smac eb' 'a lum cusltac lum on̈.

Ez 38:17

An Jehová in, an tzwala: Ach ton tic waljnac oj 'a eb' in checb' 'a yic pecti', yic spaxtin can 'el eb' 'a scal eb' in chon̈b' israel cha; najtl ya'jnac eb' yaln 'el o'oj, to an 'oj ach wi' cot ac' owl yet' eb' in chon̈ab'.

Jl 2:7

'Icha wal eb' winc caw jeln ya'n owal, caw jeln sb'eyi, tojln̈ej sb'atj 'ec' 'a yib'n̈ jun tzo'n̈ muro, tojln̈ej sb'ey 'a yojltac, man̈ coxquixtacc sb'eyi.

Habacuc 1:8

Ax schej eb' tzc'ana, yel xo wal jeln sb'ey no 'a yib'n̈ no leopardo. Ax eb' soldado 'ay q'ue 'a yib'n̈ no', yel xo wal ow eb' 'a yib'n̈ no 'ocs tz'ec' 'a 'ac'wal. Caw man̈x yalnb'ilc sb'isl schej eb' cha, najtto 'ay e no', tz'at lemnjoc e no 'a owl cha, 'icha wal s'at lemnjoc no c'uc'um yic tzyamn no schib'ej.

Zacarías 10:8

'Oj wawtc cot eb', ax wa'n syam sb'a eb', yujto colchjnacx eb' wu'uj. Caw 'oj niwtjoc pax chan̈ sb'isl eb' jun 'ejm xo, 'icha 'ajnc eb' 'a yic pecti'.

Malaquías 1:11

An tzwala to niwn wel'ch 'a sat smasnil nacion̈ 'a yolyib'n̈q'uinal. A wal tas caw wach' a chi tzyac' tz'a eb' xajmb'alil, yet' ya'n eb' yofrendaoc 'ayin, yujto caw niwn wel'ch 'a sat eb'.

Dt 28:49

A junc nacion̈al eb' 'anma caw najt 'ay 'a slajb' yolyib'n̈q'uinl tic, a 'oj yi' cot Jehová 'ayex. 'Icha wal sjelnal sb'ey junc no salt'iw yic tzjen̈wj no', 'ixta 'oj 'aj sjaw eb'. Chuc sti eb', ma'oj eyab' tas tzyal eb'.