Is 49:24 - Chuj San Sebastian Bible

²⁴ A junc winc caw wal 'ay yip, a tas tz'at yac' ganar 'a owal, ¿tom tztac' yijx 'ec' 'a 'a? ¿tom tztac' yijx 'ec' junc 'aych 'a preso 'a yol sc'ab' jun yajl to caw yel xo ow?

Chuj San Mateo Bible

²⁴ A junoc vin̈ vinac te ay yip, ¿tzam yal stoc'jiec' masanil tas ix yic' vin̈ d'a oval? ¿Tzam yal stoc'jicanec' junoc presovum d'a junoc yajal te ov?

Is 49:24 ပူးပေါင်းရင်းမြစ်များ

Esdras 9:13

A wal yuj smasnil maysch'olnil x'el qui b'on on̈, yet' qui mul x'och 'ayach, yuj cha, x'ec' jun tzo'n̈ yailal tic 'a quib'n̈ on̈. Palta ach tic ach qui Diosal on̈, ma'ix a'ch qui yailal 'a quib'n̈ on̈, 'icha tas smoj qui chan 'aych on̈, palta x'el 'a a c'ojl pitzn on̈ jaywn̈ xo on̈ tic on̈.

Esdras 9:9

Wach'xam mosoal caji, palta ma'on̈ actjcan on̈. Ach qui Diosal on̈, 'ix a ch'ox a chamc'ojlal 'a q'uib'n̈ 'a sat eb' sreyl Persia. 'Ix 'ac' qui tzatzl on̈ yic tzqui b'on pax sjel atut 'aj pojnc 'ejmi, ach on̈ a tan̈wj 'a Judá yet' 'a Jerusalén tic on̈.

Nehemías 9:33

Palta ach tic, toljn̈ej sjaw smasnil tas 'a q'uib'n̈ o'oj, yujto tojl tas tza b'o'o, palta an̈ tic maysch'olnil tas tzqui b'o 'on̈.

Nehemías 9:37

A wal sat 'awb'ente caw wach', a tzyij 'ec' eb' rey 'ayn̈ on̈, atn eb' xa'ch reyl 'a quib'n̈ yuj qui mul on̈, eb' tzyac' yajlil 'a quib'n̈ yet' qui cajb'en noc' on̈. Sb'o eb' 'icha tas tznib'j 'ayn̈ on̈, yuj cha, caw tzcab' syal yuj eb' on̈.

Is 42:22

Yuj e tenmtaquil 'ix 'el'x 'at tas 'ay 'ayex, ex 'ijx 'at 'icha presoal e masnil, ex 'ajx 'ejm 'a yol lu'um. Caw ex lajw 'eli. Man̈x 'a mach ex coln 'eli. Ex 'el'x 'ati, man̈x 'a mach ex 'i'n 'ec' 'a eb' 'elc'm cha, xchi Dios.

Is 5:29

A yol sjaj eb', lajn wal sn̈il-li 'icha yic no león, yic tzyamn no schib'ej, tzyi'n 'at no a 'aj 'ay yet'ul, toc 'ay mach tztac' yi'n 'ec' 'a no'.

Is 53:12

Yujn̈ej cha, ax ya'n Dios jun yopiso 'a scal eb' niwn yel'chi. 'Ay yaln yic yet' eb' x'a'n ganar owal, yujto 'ix ya'sb'a 'a yol sc'ab' chamel, 'icha tz'ajx 'och 'a yib'n̈ eb' maysch'olnil sb'eyb'al, 'ixta x'ajx 'och 'a yib'n̈ jun xo. Caw yel 'ix ya'cn 'och sb'a 'a yaln̈ smul smasnil 'anma', 'ix leslwi yuj eb', sec tz'ajx lajwc smul eb' cha.

Ez 37:11

Xlajw cha, xyaln 'ayn 'ixtic: Ach 'anma', a jun tzo'n̈ tacn̈ b'ac 'ix 'el cha, tzyal cot yuj eb' et israelal, yujto tzlaj yal eb' 'ixtic: An̈ec tic, 'icha to tacjnacx qui b'aquil, man̈x 'a tas 'aych yipc qui c'ojol, lajwnacn̈ xo 'eli, xchi eb'.

Ez 37:3

Yuj cha, xyaln Jehová 'ayn 'ixtic: Ach 'anma', ¿tzam stac' spitzw pax jun tzo'n̈ b'ac tic jun 'ejm xo? xchi 'ayin. In ta'w 'ixtc 'a 'a: Mamin Jehová, ach Wajlil, cojn ach ojtac, xin chi.

Nahúm 2:13

A Jehová tztac' yuj smasnil, a tzaln 'ixtic: 'Ayn 'och wal 'ajc'ojlal 'ayx ex 'aj Nínive. 'Oj wac' n̈usxoc jun tzo'n̈ e caruaje yic owal, ax wa'n can 'och tab'il. 'Oj in mil cham smasnil eb' e soldado, ax in satn can 'el smasnil tas 'elc'b'il cot eyu'uj. Man̈x 'a 'aj ow 'oj yutc paxtinc sb'a eb' e checab', xchi Dios.

Mt 12:29

Q'uinloc 'ay junc winc caw 'ay yip. May junc mach tztac' scomm 'och 'a yol yatut, tzyi'n 'el tastc 'ay 'a 'a. Cojn toto tzyac' ganar sjaln can win 'ajn̈a cha, to 'ixta', tztac' yi'n 'elt tastc 'ay 'a yol yatut winac. 'Icha win 'ajn̈a cha, 'ixta pax win diablo.

Mr 3:27

Q'uinloc 'ay junc niwc winc caw 'ay yip, may junc mach tztac' scomn 'och 'a yol yatut, tzyi'n 'elt tastc 'ay 'a winac. Cojn toto tzyac' ganar sjalx can win 'ajn̈a chi yuj b'ab'el, to 'ixta', tztac' yi'n 'el tastc 'ay 'a winac. 'Icha win 'ajn̈a cha, 'ixta pax win diablo.