Is 49:2 - Chuj San Sebastian Bible

² A 'in paxti', 'ix ya'cn 'och 'icha junc espada caw jay ye, in sc'ub'n 'el 'a yen̈l sc'ab', in ya'n can 'och 'icha junc jul-lab' caw jay sn̈i', in sc'ub'n pax 'el 'a yojl yet'l sjul-lab' cha.

Chuj San Mateo Bible

² A tas svala' lajan icha q'uen espada te jay ye, icha chi' ajnaccan yuj Dios. Sc'ub'ejnac in el d'a yalan̈ sc'ab'. Icha junoc jul-lab' te jay sn̈i', icha chi' yutejnac in, sc'ub'ejnac in d'a yol yed'tal sjul-lab'.

Is 49:2 ပူးပေါင်းရင်းမြစ်များ

Salmos 91:1

A eb' tzcol sb'a 'a yaln̈ spoder Jehová, atn jun caw niwn yel'chi, tztac' yuj smasnil,

Ex 33:22

A yic 'oj 'ec' in may 'a tic, 'oj ach wa'cn 'och 'a sjatlil q'uen q'uen tic, 'oj ach in mac yet' in c'ab', sec 'ixta 'oj waj wec' 'a a tz'ey.

Is 11:4

'Oj sb'oyaj eb' meb'a 'a stojlal, 'oj colwjc yet' eb' 'anma 'emmquilal yeq'ui. Cojn ton̈j 'oj yala', ax yochcn syailal eb' tu tzlaj yutc sb'a. Cojn ton̈j 'oj yala', ax scham eb' tzb'on maysch'olnil.

Is 42:1

Tzyaln pax Dios 'ixtic: A jun tic in checab', an 'ayn 'och yet'oc, an in si'jnac 'eli, caw tzin tzalj yet'oc, 'oj wa'cn 'och Wespíritu 'a 'a, sec 'oj sb'oyaj eb' nacion̈ 'a stojlal.

Is 50:10

Ex to 'ay yel'ch Jehová 'a e sat, ex tzeyab' tas tzyal schecab': Toto scal q'uic'q'uinl tzex b'eyi, 'a'c 'och Jehová yipc e c'ojol, cann̈ec yamn 'a qui Diosal.

Is 50:4

A jun schecb' Dios tzaln 'ixtic: A Jehová Wajlil a x'a'n jelnb'oc in paxtini, yic wach' tztac' wa'n sniwnal sc'ojl eb' c'unb'nac. 'A junjn sq'uin̈b'ial tzin nib'n wab'i' tas tzyac' in cuyu'.

Is 51:16

An xin jen̈b't satcha'an̈, xin b'on pax lum lu'um. An pax xwac' eyal-l in paxti'. Tzex in coln pax yet' yipl in c'ab', yuj cha, xwaln 'ixtc 'a yib'n̈ Sión: A jun chon̈b'al eb' 'anma tic, caw yel wic eb', xin chi, xchi Dios.

Jeremías 1:18

A ticnec, tzach wa'cn 'och 'icha wal junc chon̈b' caw 'ay yip, 'icha wal junc 'oy nab'a hierro, 'icha wal junc muro nab'a bronce, sec 'oj stac' a te'wtzan a b'a 'a yojltac nacion̈ Judá, 'a yojltac eb' rey, 'a eb' yajal, 'a eb' ya'mal 'och sti eb' 'anma 'ayin, yet' 'a sat smasnil eb' 'anma'.

Os 6:5

Yuj cha ex in satn 'eli, 'icha wutjnac wa'n yal eb' in checb' 'ayex. Yuj in paxti', ex in satn 'eli. Caw checl eyailal xwa'chi, lajn wal 'icha yoc c'u.

Habacuc 3:11

Ax c'u yet' 'uj, 'ix 'och wan eb' sb'eyi, yic 'ix 'elt jupljoc a jul-lab' cha, caw 'ix q'ue wan jupljoc a lanza.

Lc 23:46

Ax Jesús, caw 'ip 'ix 'awj cha'an̈, xyaln 'ixtic: —Mamin, tic tzwac' 'ab'enal in pixn 'a yol a c'ab', xchi 'a Dios. Xlajwn̈ej yaln jun cha, 'ix chami.

Ef 6:17

Caw tzeya'ch yipc e c'ojol to colchjnac ex. Toto 'ixta', lajn ex 'icha eb' soldado c'oxb'il jun q'uen xumpiln yu'uj. Axn̈ej spaxti Dios 'ac'b'il 'ayn̈ yuj Yespíritu tze c'anlb'ej, 'icha tzyutj eb' soldado sc'anlb'an yespada.

A Ch'an̈ Carta D'a Eb' Hebreo 4:12

A spaxti Dios pitzn yaji, caw 'ay spoder. 'Icha junc espada caw jay ye 'a schab'il, 'ixta yaj spaxti tic. Yuj cha, 'icha to tztecx 'och 'a qui pixnec, yet' 'a qui nab'enec, 'icha junc espada tztecx 'och 'ayn̈ec. Yujto a tzch'oxn 'eli tas tzqui na junjn on̈ec, yet' tas tzlaj qui nib'jec.

Apoc 1:16

A 'a yol sc'ab' 'a swach', ata yamb'il uque c'anal yu'uj. A 'a yol sti', 'ay 'elt jun espada chab' ye, caw jay. Ax sat, lajn yilx 'icha c'u 'a yic caw ow yoc.

Apoc 19:15

A 'a yol sti jun 'aj tza'n 'och eb' cha, ata 'ay 'elt jun espada caw jay ye, yic tzya'n lajwc junjn nacion̈ yet'oc. A 'oj 'och Yajlil 'a eb', yet' sq'uen c'ococh. 'Icha ste'x 'el yal uva, 'ixta 'oj 'aj eb' yu'uj. Caw 'oj 'ajxc syailal eb' si'mb'il yuj yowl sc'ojl Dios, atn Dios tztac' yuj smasnil.

Apoc 2:12

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Pérgamo: A jun 'ay yespada chab' ye, caw jay, a tzaln 'ayx 'ixtic:

Apoc 2:16

Yuj cha, nac e b'a. Toto ma'ay, 'oj in c'och 'ayx muc'uc. Ax wa'n owl eyet' ax 'ixta tzeyutj e b'a, atn yet' jun espada 'ay 'elt 'a yol in ti'.