Is 49:17 - Chuj San Sebastian Bible

¹⁷ A eb' 'oj a b'on pax chan̈ jun 'ejm xo, caw ji'lti scot eb', ax pax eb' 'ajc'ojl tzach ma'n 'ejm lan̈chjoc, wan laj s'at eb' 'eloc.

Chuj San Mateo Bible

¹⁷ Elan̈chamel ol b'ochajxiq'ue smuroal e chon̈ab', axo eb' ajc'ol pojjinaquemi, eb' satannaqueli, vanxo yel eb'.

Is 49:17 ပူးပေါင်းရင်းမြစ်များ

Esdras 1:5

Xlajw cha, 'ix ya'n lista sb'a eb' yajl yaj 'a scal eb' yin̈tl Judá muc'uc, yet' 'a scal eb' yin̈tl Benjamín, smasnil eb' ya'mal 'och sti eb' 'anma 'a Dios yet' jun tzo'n̈ xo eb' levita, atn smasnil eb' 'aj 'ix yal Dios 'a snab'en, to tz'at eb' 'a Jerusalén yic tz'at sb'onc pax chan̈ eb' yatut Jehová.

Nehemías 2:17

Xlajw cha, xwaln 'a eb' 'ixtic: —Ax tic, 'in caw eyojc si'mb'il, a jun tiempoal 'aj 'ayn̈ec 'ec' tic caw maysch'olnil, yujto mac'b'il 'ejm lan̈chjoc Jerusalén tic, ax spuertail tz'anac. Cotn̈ec, junn̈j tzcutjec qui b'a, qui b'oc pax chan̈ smuroal qui chon̈b' jun 'ejm xo, sec wach' man̈xtzac on̈ tzetzxec, xin chi.

Salmos 137:3

Ax eb' on̈ 'i'nec 'at 'a 'icha presoal cha, yuj sb'uchwj eb' 'ayn̈ec, xyaln eb' to tzon̈ b'itnec 'a tzaljc'ojlal, a sb'itl Sión tzyac' eb' qui b'itnoquec.

Is 10:6

A win tzin checb't mu'c 'a junc nacion̈ may wel'ch 'a sat, atn 'a eb' chon̈b' tzuntzj cot wowal, tzya'n owl yet' junc nacion̈ cha, tzyi'n can 'ec' tas 'ay 'a eb' 'anma', tzte'n can 'ejm junc nacion̈ chi 'icha ste'x can 'ejm lum b'i'ch 'a yol caye.

Is 37:18

Yel wal Mamin Jehová, to a eb' sreyl chon̈b' Asiria cha, a eb' satjnac 'el jun tzo'n̈ nacion̈ cha.

Is 49:19

A a chon̈b' mac'b'il can 'ejm lan̈chjoc, cusltac yajcni, palta ax ticnec, man̈x 'oj yab' lum scajn eb' 'anma cha. A eb' 'ajc'ojl satjnacch 'el cha, najt xo x'atcn eb'.

Is 51:13

An Jehová in, an jen̈jnac 'at satcha'an̈, in b'on pax lum lu'um. Ax ticnec, ¿tom xeyac' sat e c'ojl 'a mach b'ojnac ex? ¿Tom an̈ja e xiw yuj eb' 'anma tzex laj 'ixtn cha, eb' tznib'n tzex satn 'el yuj yowl sc'ojol? Palta a yowl sc'ojl eb' tzex 'ixtn cha, toxn man̈x 'a jac yel'chi.

Is 60:4

Tzlajw cha, ax eyiln 'at 'a najat, tzex laj 'ec' q'uel-loc, to a smasnil eb' eyit chon̈ab', 'oj laj syamx sb'a eb', ax sjapx eb' 'ayex. 'Oj eyil scot eb' eyunnal 'a najat, mec'b'il eb' eyisil ax wul yajx can pax eb' 'ayex.

Is 62:5

Yujto 'icha junc win quelm tznupn yet' junc 'ix cob'es, 'ixta 'oj ex yutc Dios, 'oj 'och eyajloc, ax ya'n tzaljoc sc'ojl eyet'oc, 'icha stzalj junc win quelm yet' yistzil, 'ixta 'oj eyaji.

Ez 28:24

Man̈x 'oj yab' eb' yin̈tl Israel syail yuj eb' nacion̈ 'a sla'nil cha, atn eb' 'icha q'uix yajch 'a eb' yuj schichnc'ojlal. 'Ixta to b'i'an ax yojcan 'el eb' to an Jehová Yajl in, xchi Dios, xa chi 'a 'a.

Ez 36:10

Caw yajn̈ej ax wa'n niwtjoc e b'isl 'a jun tzo'n̈ lugar cha. 'Oj niwtjoc sb'isl 'anma 'a junjn chon̈ab', ax laj e b'onc pax chan̈ jun tzo'n̈ chon̈b' mac'b'il 'ejm cha.